Папулярныя біблейскія вершы з Matthew 19

Падзяліцца

Süsa Jisu puko pe türü die sü puko yisü, Thümae hihi thiyi rüh zo, eli Jihovae mha mütü thiyi vezo, zita.

Süna punyi mi küna thisa mota die küzüh thipüh thi tato. Süsü na Jihovae thi küsa sü küvao thüma po brükho vahi te; zita.

Pu sükoce po die sü, süprühlü thüma thi küsüoe thüpumi mo thünomi thi sü. Mo Pu po die, hihi na thüpuoe pupo puzu khava die pu cemi züh püh thita to; sidie unyi küzüh thipüh thi tato.

Süri Jisu po die, Natsimiko po ace vorite, mo süko kha hite; Kükrenamoli, tüyo küdee süko züzo tina.

Süri kürami kükro nu tato, mo künumi kükro rata to zita.

Süze thüma kühopühri, aza na uce ukro, mori u sazühzüra, u lipüne, mori u pone, mori u cemine, mori u zune, mori u tü u cejü kha küva mi pu südü thükra ngo layito, mo pu küshothe kürhüh ngoyi to.

Jisu sü püce, No vezhosüyi nyi lize vo die n mha n züko zhüh püh küdimiko prü vate, sülize noe tüyo n cene neyi tato, sidie vori a sa müdzi tate, zita.

Süce Pu süo yisü; No dithi-e a yisü küveo liyo la? Mipüh zo kümosa küve kükre di; süosü Jihova zo, süri no kürhühlü lünyiyo lize, no zü khaküsüko thi mo zühyi te, zita.

Sü sari I nekoce potü süto, Künemi püh Jihava küdelü lü küto ceri ut püh po thüprüh celü lü küta rüyiku zoto.

I nekoce po süto, thüma kühopühri kürügü kürüzü na zo kümosa pu cemi kha va die thüno kükre yi lize pu rügü rüzü ta zo; thüma kühopühri pu kha küvapü yi lize pu ri rügü rüzü tazo, zita.

Süsa Jisu müthaküyiko, yisü, I nekoce potü süto, künemi püh tüyo küdelü lü küto rüh shüh zo.