Папулярныя біблейскія вершы з Chakruok 25

Падзяліцца

Ruoth Nyasaye nodwoke niya, “Ogendini ariyo nie iyi, to ogendinigo biro pogore. Achiel nobed ratego moloyo wadgi, kendo maduong’ noti ni matin.”

Nodenyo ahinya, omiyo nowacho ni Jakobo niya, “Kech nega! Miya gima kwarno acham.” (Mano emomiyo nochak Esau ni Edom, tiende ni gima kwar.)

Rebeka nodak aming’a kapok onywol, omiyo Isaka nolamone Ruoth Nyasaye mondo oyud nyathi. Ruoth Nyasaye nowinjo kwayone, mi Rebeka nomako ich.

Esau nowachone niya “Duong’ mar nywol to biro konya gang’o, ka kech nega kama?” To Jakobo nodwoke niya, “Kuong’rina mondi, ni ibiro miya duong’ni mar nywol.” Mi Esau nokwong’orene, momiye duong’ne mar nywol.

Gikanyono owadgi Esau nowuok ka lwete omako ofunj tiend Esau, mi nochake ni Jakobo (tiende ni ofunj tielo). Isaka nonywolo yawuotego ka en jahigni piero auchiel.

Isaka nohero Esau nikech ring le mane Esau kelone ochamo. Rebeka to ne ohero Jakobo.