Папулярныя біблейскія вершы з MATEO 24

Падзяліцца

Sok ay me bayal ta jtul ya xlaj slekil yoꞌtanik ta skaj te bayalix te tut ma tsaꞌamuk ta pasele. Yan te machꞌa ya xjuꞌ yuꞌun kꞌalal ta slajibale, ya me xkol.

Sok ya me yichꞌ alel ta spisil balmilal te tutꞌil ay ta ajwalinel te Diose, yuꞌun jich me ya yaꞌibe sluwar spisil te genteetik te tutꞌil ay kꞌuxutayel yuꞌun te Diose. Jaꞌ to me ya xtal te slajibal kꞌaale.

Te jaꞌexe ya me awaꞌiyik sluwar te ay guerra liꞌto y lum to. Pero ma me xiꞌanik yuꞌun, porke puersa me jich ya xꞌkot ta pasel. Pero ma to me jaꞌuk te slajibal kꞌaale.

Porke te jun nasione ya xlijk yut sbaik sok te jun xane. Sok te rey yuꞌun te jujun nasione ya me xlijkik ta guerra. Sok ya mex tal wiꞌnal sok chamel sok tulan jikichab ta yanetik luwar. Ta spisil to slijkibal to nax me te wokol ya xtale.

Te chꞌulchane sok te balmilale ya me xlaj stukel. Yan te jkꞌope ma xlaj skꞌoplal stukel.

Porke ay me bayal machꞌatik ya xtal ya skuy sbaik a te joꞌone. Ya me yalik: “Joꞌon Cristoon” xchiik me. Y bayal me genteetik ya sloꞌlaylan.

“Ya me yakꞌelex ta utel sok ya me yakꞌelex ta milel. Ya me awichꞌik pꞌajel yuꞌun spisil genteetik joꞌon ta jkaj. Ay me bayal ta jtul ya xchꞌay xchꞌuunel yoꞌtanik yuꞌun. Sok ya me xlijk spꞌaj sbaik, sok talel bael me xlijk yakꞌ sbaik ta kꞌabal. Sok ya me xchiknaj bayal jlot-alwanejetik y ya me sloꞌlay bayal genteetik.

Te Jesuse la sjakꞌtalanbe: —Ila me abaik, ma me ayuk machꞌa ya sloꞌlayex.

Jaꞌ yuꞌun te jaꞌexe, chapalukex me ta maliwanej, yuꞌun kꞌalal ma chapalukex ae, jich ora ya xtal te Nichꞌanile.

“Jaꞌ yuꞌun te jaꞌexe, wikꞌa me asitik, yuꞌun ma xꞌanaꞌik tut ora xtalon joꞌon te awajwalonike.

“Pero maꞌyuk machꞌa ya snaꞌbey sluwar te tut orae sok te tut kꞌaalil te ya xkꞌot ta pasele ni ma snaꞌ euk te chꞌul angeletike sok ma jnaꞌ euk joꞌon te Nichꞌanilone. Jaꞌ nax ya snaꞌ stukel te jTatik Diose.

Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

“Jich tutꞌil ayik a te genteetik ta yorail te jNoee, Jich mismo ayik a te kꞌalal ya xchaꞌsujt tal te Nichꞌanile. Jich te kꞌalal ma to xtal a te nojel-jaꞌe, ben jun yoꞌtanik yipalik ta weꞌel, uchꞌbajel, sok ta nujpunel, sok yipalik ta chom a, jaꞌ to te la sta skꞌaalel te och ta arka te jNoee. Maꞌ snaꞌbeyik sluwar te tut ya xkꞌot ta pasele, tal te nojel-jaꞌe. Jicha laj spisilik. Jich me ayik a te genteetik te ya xchaꞌtal te Nichꞌanile.