Папулярныя біблейскія вершы з ໂຢ​ຮັນ 15

Падзяліцца

“ເຢຍ ເຊ ອະຫງຸ່ນ ເຮມີຍ. ເມີ່ຍ ບົວ ເຊ ອະຫງຸ່ນ ອກວ້າ. ຫາຍ ເຕົ້າ ຕສຢັ້ງ ຈ໊ຽນ ເຢຍ, ເຢຍ ຢ່າ ຕສຢັ້ງ ຈ໊ຽນ ນິ່ນ, ວົ້ວ ເຕົ້າ ຕສ່ຽວ ຕສຢັ້ງ ປ໊ຽວ ກິ໊ດ ອ໊ະ. ເມີ່ຍ ບົວ ເລີ່ຍ ອກອຍ ເຢຍ ນໍ, ເມີ່ຍ ບົວ ໄມ້ ໄຮ່ ໂຕສ໋ວ ຫາຍ ຫຍູ່ງ.

ເມີ່ຍ ບົວ ອ໋ອຍ ຕສຸ ຕສຢັ້ງ ຈ໊ຽນ ເຢຍ, ເຢຍ ຕສ່ຽວ ຕສຢັ້ງ ຈ໊ຽນ ເມີ່ຍ ບົວ. ເຮມີຍ-ອກວ້າ ໄມ້ ຕສຢັ້ງ ເຮມີຍ-ໝ່າ, ອກວ້າ ໄມ້ ໄຮ່ ຕສຢັ້ງ ປ໊ຽວ. ເມີ່ຍ ບົວ ຢ່າ ຟີ່ ຮນັ້ງ ເຍີຍ. ເຊ ກ໊ອງ ໄມ້ ຕສຢັ້ງ ຈ໊ຽນ ເຢຍ ນໍ, ເມີ່ຍ ບົວ ໄມ້ ໄຮ່ ຕສຢັ້ງ ປ໊ຽວ.

ເຊ ກ໊ອງ ເມີ່ຍ ບົວ ຕສຢັ້ງ ຈ໊ຽນ ເຢຍ, ເຢຍ ເຍີຍ ຫວ່າ ຢ່າ ຕສຢັ້ງ ຈ໊ຽນ ເມີ່ຍ ບົວ, ເມີ່ຍ ບົວ ໂທ້ ຫາຍ ຫຍູ່ງ ເມີ່ຍ ບົວ ຕສ່ຽວ ຕຸ໊ ວົ້ວ ຫຍູ່ງ ອ໊ະ.

ໄມ້ ເຕສີ໌ຍ ເມີ່ຍ ບົວ ກິ໊ນ ເຢຍ, ເຊ ເຢຍ ກິ໊ນ ເມີ່ຍ ບົວ. ເຢຍ ພ້າຍ ເມີ່ຍ ບົວ ທສວດ ມີ່ງ ຕສຢັ້ງ ປ໊ຽວ ທສ້ຳ, ຕົ້ງ ຢຽດ ລິ໌ວ ໄມ້ ໄຮ່ ຫວ່າຍ ເຍີຍ ປ໊ຽວ. ຮນັ້ງ ໜ່າຍ ເມີ່ຍ ບົວ ເຕ໊ງ ເຢຍ ເຍີຍ ບົ໋ວ ເຖງ ຕສັ່ງ ເຕ໋ຍ ໂທ້ ຫາຍ ຫຍູ່ງ, ນິ່ນ ຕສ່ຽວ ເຖສີຍ ວົ້ວ ຫຍູ່ງ ປຸນ ເມີ່ຍ ບົວ.

ໄມ້ ມ່າຍ ຫາຍ ເຕົ້າ ໄຮ່ ຮນ້ຳ ນິ່ນ ເຍີຍ ກໍ໋-ໂຢ໌ວ ເກົ້າ ທສ້ຳ ເຈ໋ຍ ນ້າຍ. ເຊ ມ່ຽນ ເຫວີ່ຍ ນິ່ນ ເຍີຍ ກໍ໋-ໂຢ໌ວ ເຊ້ຍ ແໝ່ງ ໄຕ່.

ຫາຍ ຕິ້ວ ອກວ້າ ຕສຢັ້ງ ຈ໊ຽນ ເຢຍ ຢ່າ ໄມ້ ຕສຢັ້ງ ປ໊ຽວ ນໍ, ນິ່ນ ພິດ ກວັ່ງ. ຫາຍ ຕິ້ວ ອກວ້າ ຕສຢັ້ງ ປ໊ຽວ, ນິ່ນ ແອ໋ງ ຕ໊າ ອກອຍ ເຕວີ໊ຍ ປຸນ ຕສຢັ້ງ ປ໊ຽວ ເກົ້າ ກິ໊ດ.

ເຢຍ ເຍີຍ ຫລີ່ງ ເຊ ຮນັ້ງ ນ້າຍ, ລ່ານ ອ໋ອຍ ຕສຸ ຮນ້ຳ ລ່ານ ຮນັ້ງ ເຢຍ ຮນ້ຳ ເມີ່ຍ ບົວ ວົ້ວ ນໍ.

ເຊ ກ໊ອງ ເມີ່ຍ ບົວ ຕສຢັ້ງ ປ໊ຽວ ກິ໊ດ, ເມີ່ຍ ບົວ ຕສ່ຽວ ປຸນ ມ່ຽນ ທ່າຍ ເຢຍ ເຍີຍ ເຕຍ. ຮນັ້ງ ໜ່າຍ ເມີ່ຍ ບົວ ຕສ່ຽວ ເປ໋ນ ເຢຍ ເຍີຍ ໄຊ-ກໍ໋.

“ເຢຍ ເຊ ຕສຽນ ອະຫງຸ່ນ ເຮມີຍ. ເຢຍ ເຍີຍ ເຕຍ ໂຕສ໋ວ ໂກ໋ວ ຫຮວີງ ວົ້ວ ເຕົ້າ.

ຫາຍ ເຕົ້າ ໄມ້ ຕສຢັ້ງ ຈ໊ຽນ ເຢຍ, ຕສ່ຽວ ຮນັ້ງ ຕິ້ວ ເຮມີຍ-ອກວ້າ ຕສຸ ພິດ ກວັ່ງ, ອກາຍ ມີ່ງ ຢ່າ ຕສຸ ເດສົ໌າ ຕ້າຍ ຕັ໊ບ ໂຕ໌ວ-ເດສົ່າ ປົ໊ວ ກວັ່ງ ມີ່ງ.

“ນ້າຍ ເຕີ໋ຍ ຫວ່າ ເຢຍ ບົ໋ວ ເມີ່ຍ ບົວ, ປຸນ ເມີ່ຍ ບົວ ໄຮ່ ຕຸ໊ ເຢຍ ເຍີຍ ອຈຽນ-ໂຢ້ວ, ຢ່າ ອຈຽນ-ໂຢ້ວ ເຖົາ ຕ້າວ.

ເຊ ກ໊ອງ ເມີ່ຍ ບົວ ເອີຍ ຈ໊ຽນ ເຢຍ ເຍີຍ ຫລີ່ງ ໂຕສ໋ວ, ເຢຍ ຕສ່ຽວ ຕສັ່ນໆ ຮນ້ຳ ເມີ່ຍ ບົວ, ຮນັ້ງ ເຢຍ ເອີຍ ຈ໊ຽນ ເຢຍ ເຍີຍ ເຕຍ ເຍີຍ ຫລີ່ງ ໂຕສ໋ວ, ນິ່ນ ຕສ່ຽວ ຕສັ່ນໆ ຮນ້ຳ ເຢຍ.

ນ້າຍ ເຊ ເຢຍ ເຍີຍ ຫລີ່ງ, ລ່ານ ອ໋ອຍ ຕສຸ ຮນ້ຳ ລ່ານ.

ເຊ ກ໊ອງ ເມີ່ຍ ບົວ ເກວີຍ ປ້າມ ເກນ, ປ້າມ ມ່ຽນ ອ໋ອຍ ຮນ້ຳ ເມີ່ຍ ບົວ ຮນັ້ງ ຮນ້ຳ ເຖສົາ ນິ່ນ ບົວ ເກວີຍ ປ້າມ ເກນ ວົ້ວ ເຕີ໋ຍ. ມປ່າ ເມີ່ຍ ບົວ ໄມ້ ເກວີຍ ປ້າມ ເກນ. ເຢຍ ກິ໊ນ ເມີ່ຍ ບົວ ທສວດ ຕ້າຍ. ເຫວີ່ຍ ນ້າຍ ປ້າມ ມ່ຽນ ດສອງ ເມີ່ຍ ບົວ.