Папулярныя біблейскія вершы з ໂຢ​ຮັນ 16

Падзяліцца

ເຢຍ ຮນັ້ງ ນ້າຍ ບົ໋ວ ເມີ່ຍ ບົວ, ອ໋ອຍ ເມີ່ຍ ບົວ ເຖສົາ ເຢຍ ຈວັ່ງ ແໝ່ງ ຕສຢັ້ງ ຕສ່ຽວ ຕຸ໊ ແປ້ງ ອອນ. ຢຽມ ນ້າຍ ປ້າມ ເກນ ເມີ່ຍ ບົວ ມ່າຍ ໂຄ້ວ ໜ່ານ, ມປ່າ ກຸ໊ນ ປູ໋ງ ໂຮຍ້ວ. ເຢຍ ຮີ່ງ ເຈ໋ຍ ປ້າມ ເກນ ໝີ່ ອ໊ະ.”

ປຸນ ມ່ຽນ ຮິ້ວ ຕຸ໊ ຕສຽນ ເລີ໌ຍ ວົ້ວ ເຕົ້າ ສີງ ລີ່ງ ຕ້າຍ ວົ້ວ ຕສັ່ນ, ນິ່ນ ອ໋ອຍ ປຸນ ເມີ່ຍ ບົວ ຮິ້ວ ຕຸ໊ ເດສ່ງ ຕສຽນ ເລີ໌ຍ. ນິ່ນ ກ໊ອງ ເຍີຍ ຫວ່າ ໄມ້ ເຕສີ໌ຍ ນິ່ນ ກັ້ນ ຮນ້ຳ ທສວດ ຕ້າຍ ກ໊ອງ. ນິ່ນ ຂູງ ອ໋ອຍ ກ໊ອງ ຕົ້ງ ນິ່ນ ຕຸ໊ ໄຮ໌ ເຈ໋ຍ ເຍີຍ ຫວ່າ ຮນັ້ງ, ຢ່າ ກ໊ອງ ອກະຮ້າ ຮີ້ງ ອ໋ອຍ ທສວດ ຕ້າຍ ເຍີຍ ສີ່ ບົ໋ວ ເມີ່ຍ ບົວ.

ເຖົາ ອີ້ ຕສັ່ນ ເມີ່ຍ ບົວ ໄມ້ ແກ້ງ ເຕ໊ງ ເຢຍ ເຍີຍ ບົ໋ວ ໂທ້ ເຈ໋ຍ ຫາຍ ຫຍູ່ງ. ກຸ໊ນ ໂທ້ ມ່າະ! ເມີ່ຍ ບົວ ຕສູ໊ງ ອ໋ອຍ ຕຸ໊, ຕສ່ຽວ ອຈຽນ-ໂຢ້ວ ເຖົາ ຕ້າວ.

ມປ່າ ເຢຍ ກ໊ອງ ຕສຽນ ບົ໋ວ ເມີ່ຍ ບົວ, ເຢຍ ດສ໋ວນ ມີ່ງ ເຊ ເຫວີ່ຍ ປຸນ ເມີ່ຍ ບົວ ເກົ້າ ຕຸ໊ ຫລົງ. ເຊ ກ໊ອງ ເຢຍ ໄມ້ ດສ໋ວນ, ເຖງ ມ່ຽນ ວົ້ວ ເຕົ້າ ໄມ້ ຕ້າຍ ລໍ໌ ເມີ່ຍ ບົວ. ເຢຍ ດສ໋ວນ ມີ່ງ, ເຢຍ ຕສ່ຽວ ພ້າຍ ນິ່ນ ຕ້າຍ ລໍ໌ ເມີ່ຍ ບົວ. “ເຖງ ມ່ຽນ ວົ້ວ ເຕົ້າ ຕ້າຍ ວົ້ວ ຕສັ່ນ, ນິ່ນ ອ໋ອຍ ປິ໋ວ ເມ່ງ ປຸນ ປ້າມ ມ່ຽນ ຮິ້ວ ຕຸ໊ ນິ່ນ ບົວ ຕ່ອງ ເຖົາ ຕສຸ໌ຍ ເຍີຍ ເຈົ໊າ, ເຖົາ ໂຕສ໋ວ ຫອບ ເຍີຍ ເຈົ໊າ, ແອ໋ງ ເຖົາ ຊ້ຽມ ຕສຸ໌ຍ ເຍີຍ ເຈົ໊າ.

“ເມີ່ຍ ບົວ ຢ່າ ຮນັ້ງ ນ້າຍ ນໍ. ອີ້ ຕສັ່ນ ເມີ່ຍ ບົວ ໂຮຍ້ວ ເດສົ້າ, ມປ່າ ເຢຍ ແອ໋ງ ອ໋ອຍ ຕ້າຍ ລໍ໌ ເມີ່ຍ ບົວ, ເມີ່ຍ ບົວ ຕສ່ຽວ ອຈຽນ-ໂຢ້ວ ອອນ-ເຫລາະ. ນ້າຍ ຫຍູ່ງ ອອນ-ເຫລາະ ໄມ້ ມ່າຍ ຫາຍ ເຕົ້າ ໄຮ່ ເຕສ໊າະ ຕຸ໊ ທສວດ. ເຖົາ ວົ້ວ ຮນອຍ ເມີ່ຍ ບົວ ໄມ້ ໜ່າຍ ຫາຍ ຫຍູ່ງ ເຢຍ. ເຢຍ ກ໊ອງ ຕສຽນ ບົ໋ວ ເມີ່ຍ ບົວ, ເມີ່ຍ ບົວ ເຕ໊ງ ເຢຍ ເຍີຍ ບົ໋ວ ເຖງ ຕສັ່ງ ເຕ໋ຍ ໂທ້ ຫາຍ ຫຍູ່ງ, ນິ່ນ ຕສ່ຽວ ປຸນ ວົ້ວ ຫຍູ່ງ ເມີ່ຍ ບົວ.

ເຢຍ ກ໊ອງ ຕສຽນ ບົ໋ວ ເມີ່ຍ ບົວ, ເມີ່ຍ ບົວ ອ໋ອຍ ຕສຸ ງຸ໌ຍໆ ເຍີຍ ຍ້ຽມ, ມປ່າ ປ້າມ ມ່ຽນ ອຈຽນ-ໂຢ້ວ, ອະເຮນີ້ຍ ເຍີຍ. ເມີ່ຍ ບົວ ອ໋ອຍ ເດສົ້າ, ມປ່າ ເມີ່ຍ ບົວ ເຍີຍ ໂຢວ-ເດສົ້າ ອ໋ອຍ ທິ້ວ ເປ໋ນ ອຈຽນ-ໂຢ້ວ.