Папулярныя біблейскія вершы з Ɖúù 3

Падзяліцца

Ti ɓɛ́ nyɔ séín ɓěɔ̀ ɖǎ ma níɔ kpáa, Jízɛ̀ mɔ̀ùn kpá ma níɔ ɖekè. Ti ɓɛ́ ɔ nì ma ɓaàǔn wɛ̃ɛ, dyɔɔ̀ kaà ma wɔ̃, ké Zùù Hwɛ̀ǐn-hwɛ̀ǐnɔ̀ dyi ma ɔ kɔ̃ kà gbúɛ́ nìà kɛ. Ké wuɖu ɖò sɔ̀ìn ma ɖé dyɔún, ké wuɖuɔ̀ ɖá, “Mɔ̀ mɔ̀ ní hwòɖǒ-kɔ̃-dè-dyù. Ní hwòɖǒ dèìn m̀ múin.”

Ɔ jèɛɛ, Jɔ̃́ɔ́ cɛ̃ɛ ma wa séín gbo, ké ɔ ɖá, “Ḿ po ɓě níɔ, kɛɛ nyɔ kɔ̃̀ kpé ɓúá dyí ké ɔ zi ḿ níǐn dyíɛɛ, ɔ nì dyiɛń. Ḿ se ɖɛ kpa, ɓɛ́ ḿ ké ɔ bǎ-ɖúú buɛ̀ dyɛ mɔ̀ùn. Ɔ mu ɓě níɔ poùn ɖé Zùù Hwɛ̀ǐn-hwɛ̀ǐnɔ̀ ɔ kè nyɛ mú.

Ɓě mɛ nyu ɖɛ ɓě ɓɛ́ wa muɛ nyɔǔn dyí tɛ̀mɛ̀ìn kà ɓɛ́ ɓě ɖǎ ɓěɛ̀ nàmàǔn-kpèɖèɔ̀ dyi táà kɛ. Ɓěǐn ɖá ɓɛ́ ɓě kéɛ ɖéɛ ɓě hwòɖǒ bũ̌ cɛ̃iń nì, ɓɛ́ ɓě ké níiń, ‘À mɔ̀ Ééɓòɖòhɛ̃́ɛ̀ nyúà-dyú ɓě.’ Ḿ cɛ̃ɛ ɓě gbo kà ɓɛ́ Gèɖèpɔ́ɔ̀ ɓɛ́ìn sɔ́ɔ́-kpò ɓě nìà kɛ dyí ɖúɛ, ɓɛ́ ɔ ké wa Ééɓòɖòhɛ̃́ɛ̀ nyúà-dyú ɓě mú nyuɛ.

Gèɖèpɔ́ɔ̀ ɖǎ jùɛ̀ɔ̀ ti dyéìn, ɓɛ́ ɔ ké cu ɓěɔ̀ ɖéé ɖé waà gmɛ̀nɛ̀ɛ̀ ɓěɔ̀ gbo ɖàɓàìn. Ɔ mu cu séín ɓě ɓɛ́ wa se ɓo nɔ̀mɔ̀ dyíin tòɖòɛɛ ɖaɓaùn, ké ɔ mu wa dyéɖé poùn.”

Kǎà ɔ nyu kà céèɛ̀ ɖé Àzédyà mɔ̀à kpáá-ɖɛ̀-cɛ̃-nyɔ̀ɔ̀ kɛɛ céè-ɖɛ̀ɔ̀ mú. Céè-ɖɛ̀ɔ̀ wuɖu ɖá, “À wɔ̃́ nyɔ ɖòɛ̀ wuɖu ɖé gbǎùn-fúɖúáɔ̀ kɔ̃, ké nyɔɔ̀ ɖá, ‘Ɓě nyu hwìè ɖò ɓó Bounɓoɔ̀ bìì. Ɓě nyu hwìè sɛ́ɖɛ́ìn dyí ɖò ɓó ɔ bìì. Ɓě dyíìn bɔɔ-kpà séín mú, ɓɛ́ ɓě ké toɖo mɛ́nɛ́-mɛ́nɛ́ kèɛ̀ vɛ̀nɛ̀-vɛ̀nɛ̀ séín ɓíɖíi dyà. Ɓě nyu hwìèɔ̀ dɛ̀ ɓě kíɖíìn múin nyɛ, ɓɛ́ ɓó ké dyí sɛ́ɖɛ́ìn, ké ɓě nyu dɛ̀ ɓě kpáìn ɓíín dyiɛ, ɓɛ́ ɓó ké ɓɔ̀ɖɔ̀ɔ̀-ɓɔ̀ɖɔ̀ɔ̀ nì. Ɔ ɖǎ ná nìǐn, nyɔǔn séín mu Gèɖèpɔ́ɔ̀ pó-póɔ̀ dyéìn.’ ”