Папулярныя біблейскія вершы з Za 14

Падзяліцца

« Mati n'sikë yalubikilë, mati n'sikaami yaluvaanë. Miinu yisë luvaanë waawu ko dedë mweekë buloongo bun'vaninaangë. Keelaanu lulë kalilë mu lusweenu i boomë.

Yeesu wusë n'vutulilë : « Miinu nzilë, cyelikë, i luziingu. Muutu ve wum'podi kweendë ke Taatë mooti naandi sye tabilë kuve fëke miinu.

« Keelaanu lulë ba yi lusweenu, lwe baanu lufyaatu mu Nzaambi i lwe baanooso yivaandi lufyaatu mu miinu.

Wunë wun'kwisë mu kulusaasi, Ciluunzi ci Saantu cinë Taatë wun'filë mu lizinë lyaami, naandi wulësinë makë mooso i naandi wulutebulë moonyi mu makë mooso manë yilukaambë. »

« Wunë wun'siimbë tutumu i wuyicinzikë, naandyoowo, be kun'zolë. Tataami wun'zolë wunë wukun'zolisi. Miinu yikun'zolë yivaandi i yim'monikë ke naandi. »

Miinu yin'loombë ke Taatë mu kuluvaanë wun'ka wun'kwisë mu kulunwaninë cikaangë, bwiinji naandi wukalë yiinu: mati Ciluunzi ci cyelikë. Buloongo kupodi ve kun'tambulë cibilë bwaawu kupodi ve kum'monë, kaambofo kun'zaabë. Kasi beeno lun'zabisi, cibilë naandi wun'kalë yiinu i naandi wum'ba yiinu mu ntaangu syakë syooso.

Miinu yin'vaangë makë mooso lun'loombë mu lizinë lyaami, bwiinji Mwaanë wuleesi bumpumu bu Taatë. Ningë beeno lube kun'doombë cyosuku ciimë mu lizinë lyaami, yilivaangë. »

Ningë beeno lun'zolisi, lun'lenvukë tutumu twaami.

Biikë bike bimpaapë ku n'zo Tataami, ningë lyaawu lisye beelë boobo kuve nkanë miinu, yisye lukaambë kwe? Ti yake lubelikilë biikë fanë lun'kalilë.

Bunë miinu yin'kwendë mu kulubelikilë biikë, i miinu yin'vutukë mu kuluboongë, bwiinji luba yaami, yiviinu fo yikeeli.

Toma wusë n'kaambë : « A Fumu, beeso tusye zaabë ko kuni wulë mu kweendë, buni tufwenikini kuzaabë nzilë? »