Папулярныя біблейскія вершы з Za 15

Падзяліцца

Miinu n'ti viinyi yikeeli, beeno bitafi. Wunë wun'kangëmë ke miinu, i wunë miinu yin'kangëmë mu naandi, naandi wum'butë mpaapë mëkuundi, cibilë beeno kupodi ve kuvaangë cin'velë kukaambu miinu.

Kangëmaanu mu miinu, bo miinu yikangëminë mu beeno. Citafi kupodi ve kubutë mëkuundi mu naveekë mooti kusye kangëmë kuve mu n'ti viinyi. Bo bumweekë beeno kupodi ve kubutë mëkuundi ningë beeno lusye kangëmë kuve mu miinu.

Ningë beeno lube kangëmë mu miinu, i mëbuungu maami mëkalë mu beeno, loombaanu byosuku lun'zolë, i beeno lum'bakë.

Yaaku beeno kuve lukun'soolë, mati yilusoolë. Miinu yilufilë mu kweendë, mu kubutë likuundi i likuundi lin'ziingë. Bwaawu, Taatë wuluvaanë makë mooso manë lukun'loombë mu lizinë lyaami.

Luzolo luvyokililë bunenë lunë muutu wum'podi kuleesi, mati mu kuvaanë luziingu lwaandi mu sindiku syaandi.

Naandi wum'botulaangë bitafi byooso binamë mu miinu bin'kaambu kuvaanaangë mëkuundi, kasi wun'cyelaangë, wun'cyeesyaangë kadë citafi cinë cin'vaanaangë mëkuundi bwiinji cibweelë kuvaanë mëkuundi.

Aluulu lutumu lwaami: zolësënaanu benuveekë i benuveekë bo miinu yibe luzolilë.

Talaanu buni bumpumu bu Taatë bum'monikinaangë : mooti beeno lun'vaanë mpaapë mëkuundi i beeno lukuyileesi ti bilaanzi byaami.

Miinu n'ti viinyi wumboti i Tataami naandi wuwukunë.

Wunë wun'kaambu kukangëmë mu miinu, naandyoowo wum'bumu ku ngaandë dedë mweekë citafi i naandi wun'kuumë. Bitafi biyumë bëbinoongë, bëbilaakë ku mbaasu i byaawu bin'lakëtë.

« Miinu yalukambilë boobo bwiinji liyaanji lyaami liba mu beeno i liyaanji liinu liba deku-dekoo.

Ningë lube luundë tutumu twaami, beeno lun'kangëmë mu luzolo lwaami, dedë mweekë yiluundë tutumu tu Tataami i miinu yikangëmë mu luzolo lwaandi.

Linë miinu yiluloombë, lufwenikini kuzolësënë benuveekë yi benuveekë. »

Ningë beeno lubakunu mu buloongo, buloongo buluzolë cibilë beeno luke mu naandi. Kasi miinu yilusoolë i yilubotulë mu buloongo i beeno lusyeeli ko baatu bë buloongo: bwaawu, buloongo bwalulendilë.