Папулярныя біблейскія вершы з Lûk 5

Падзяліцца

Ké nkéré mú oo/tángê kámbé o-mîng, o-raa ne Sámon o/fu, chîtín ókpǐ o-ca kashú ké kyikit ńkyí kyi/ríbî, eringe nyí wo ne bánen badafé boǒsém enen ké kace ba-kám ekworê.

Sámon o-faa ǎ o/fu, bonchí, kyirim-buchú ḿbú kurún, bii/fé boǒsém ofé ófe. Nang kaǎkworê byi*da/kám*. Nké â wo a/fu, nchîfé, n-fâ. Ne ba-fé kâng boǒsém, ba-kám bujê-ekworê! ḿbú boǒsém ebe bu/mû bu/waa kaǎnyín bu-járê.

Nké Jisos o/mû mu o-dim m o-da ng ekyú ké byikit ḿbyí banet ba*fí* o-fâ nshwam.

Me n*da/bê n/fu, m-bâ ng ekó banet ḿbé mbe ba-fâ kámbé n/fu, byiko byikpú kámbé ba-mîng byibî echi*. Nké m/bê ekó banet ḿbé bamu ba-ri ng kámbé wǎ banchi byibî.

Ké nkéré Sámon-Pyíta o/ri ńkyí kyi/chi éné, o-tím arông kyísí ké bushú-Jisos, o-raa ne nyǐ o/fu, dim a-mîng mě nyín, ǎ Otu Kyítá, ké ebóng, me n-chi i nchi byibî.

Jisos o-faa kámbé o/fu, banet ḿbé ba*fí ba-rwôm m* baa*ryuu nchi bakye*. Banet ḿbé mbe ba-rwôm m nké nke nké bada ǎ eryuu.

Ne ba-fung ékpǐ ányi ba-ba-tîm ké dyiga. Ba-mîng kángkáng byěm ebe ányi, ba-dim ne Jisos ké kyikû.

Nkéré obónge, Jisos o/mû ké oshê obónge mú onyinchéng obónge o/mû ányi, mú kyibî-orwôm-enyam-byiko kyi/mû kyi/kám ǎ byiko byimúmú. Ké nkéré onyinchéng ámu o/ri Jisos, o-myii ǎ ké byiká. O-tîm ǎ arông o/fu, bonchí, â kyi/nyîn ǒ, a-man n mě echi n-nyange. Jisos o-tan bubwô o-ta ǎ. O-raa ne nyǐ o/fu, nkyi kyi-nyîn n mě. Orwôm eyên oman. Ké abe ányi, orwôm mú onyinchéng ámu o-waa ányi o-man.

Nké bǎmpém ḿbé mbe ba-pem m kyi-kim ne Jisos ba/bwa ba-káng okáng ba-shwôm. Ne bujê-banet chwóó ba-bâ ba/fu, mbé ba-bâ ng ejwo ńkyí Jisos mu o-sét ng, ne eringe nyí odachi to kámbé erwôm ebe e-man.