Папулярныя біблейскія вершы з Lûk 6

Падзяліцца

Kû n̂g ekye barî-banet byěm, eringe nyí Osówo to o/chi o-kye běn. Ben ba/chi ba-koo byi-jê byi-shwôm eringe nyí byidasú ké abwô enen pwat. Kyiféng ńkyí ben badakan byěm ké nkyí ba-kye barî-banet, nkyí to nké Osówo odakan ké nkyí o-kye běn.

Onet mú onong o-raa ng byiraa ḿbyí byinong, ḿbyí byidafím ké dyityém emen ńdyí dyinong. Kyibî-onet to kyi-raa ng byibî-byiraa ḿbyí byida ǎ efím ké kyibî-dyityém. Ké ebóng, onet o-raa ng ńkyí nkyi kyi-fím m ǎ ké dyityém.

Kyi*fí éné*. Kyú n̂g ne kyijé ne banet-bushwôn enen, ba-chi i to kámbé byěm ḿbyí byinong. Pwoo n̂g barî-banet byěm, nké *da n̂g echi ba-kyú ne okabe mú mbé to bada běn esó*. Ben ba/chi ba-koo eyáré nyí e/rêe e-shwôm, ne ba/chi ba-kyú bwǎn ḿbé Osówo mú kyíbóng kyíbóng. Ké ebóng, nyǐ mu o-cángê e dyityém ne banet ḿbé ba*fí ba-kó ng ǎ asǎma* ne ḿbé ba/bên atyém.

Ri n̂g barî-banet bafip, wǎ eringe nyí Osówo mú Bonchí enen mu o-ri ng běn bafip.

*Da n̂g echi ba-kûpan barî-banet mpan ké byiko* eringe nyí Osówo to oo*ba/chi o-pan běn mpan*. *Da n̂g echi ba-kûfu barî-banet ba/fu, wo aa*nwa* eringe nyí Osówo to oo*ba/chi o-fu běn éné*. Kû n̂g epwoo barî-banet, eringe nyí Osówo to oda běn epwoo.

Nké me mu n-sét ng běn ben ḿbé bamu ba-jwo ng mě n/fu, kyú n̂g ne kyijé ne banet-bushwôn enen. Chi n̂g kanong ba-kyâ banet ḿbé ben bamu ba-sa ng kámbé kafâ. Fé n̂g nshwam mú onong ba-kyâ banet ḿbé mbe ba-fâ kyibî-nshwam ba-kyâ běn. Ba-fâ to nshwam ba-kyâ Osówo ké bubwô-banet ḿbé mbe ba-chi i běn byibî.

Chi n̂g banet byěm, wǎ eringe nyí ben bamu ba-ryuu ng to ba/fu, mbé bachi běn.

 onet o/díp ǒ dyikwâ ké dyínán, bírî dyínán ńdyí dyibónge to a-chî ǎ etông o-díp.  onet o/koo kyídí eyên, bwa ne nkyû eyên to a-kye ǎ. Nang yeě nké o/rém ǒ chwǒm, kye ǎ kánkyí. Nang nkéré orá to nké â onet o/kúng ǒ chwǒm, mîng ǎ ne nkyí.

Kyichí ńkyí nkyi kyi-kán n ké bukwóp ḿbú bunong kii*zím byibî-byirim*. Kyichí to ńkyí kyi*fí kyi-kán n ké bukwóp ḿbú bunong* kii*bwa kyi-zím byirim ḿbyí byinong*.

Kyichí nang kyirá ba-nyît ng kánkyí ké byirim emen ḿbyí nkyi kyi-zím m. Kyika kii*zím émurúkú*. Ako aa*zím osén*.