Папулярныя біблейскія вершы з YOHAANNISI 14

Падзяліцца

«Keere'ya ki'newa woreemmo; keere'ya eemmo'ne. Ani eemmo'ne keeri tini gobba uyitanno'nehu gedeeha di"ikkino. Wodani'ne masoonke; waajjitinoonte!

Yesuusi qole, «Doogono, halaaluno, heeshshono aneeti. Ane widoonni ikka hoogiro, ayino Anni'yawa daannohu dino.

Hakkiinni aanche Yesuusi, «Wodani'ne masoonke; Magano ammanne; aneno ammanne.

Anni'ya ane su'minni soyanno'nehu jawaachishannohu Qullaawu Ayyaani kayinni baalankare rosiisanno'ne; ani kuloommo'nere baalanka qaagiissanno'ne» yii.

«Hajajo'ya adhannohunna wonshannohu baxannoeho; ane baxannoha Anni'yano baxannosi. Anino baxeemmosi. Isira aneneete'ya leellisheemmosi» yii.

Ani Anna'ya huucceenna, isi hegere geeshsha ledo'ne hee'rannoha wole jawaachishaancho aanno'ne. Isino halaalu Ayyaanaati. Tenne gobba manni afinosikkinna egenninosikki daafira, adhasira didandaanno. Ki'ne kayinni, isi ledo'nenna giddo'ne hee'ranno daafira affinannisi.

Maganu Annu, Beettunni ayirranno gede su'mi'yanni huuccidhinannire baala asseemmo'ne. Aye coyeno su'mi'yanni huuccidhiniro, ani eemmo'ne.

«Baxxinannieha ikkiro, hajajo'ya agadhitinanni.

Anni'ya mine lowo dargi no; hatto ikka hoogoommero, ‹Heedhinanni darga qixxeessate ha'reemmo› diyeemmo'ne.

Ha're darga qixxeessummo'nehu gedensaanni, ani noommowa heedhinanni gede galagale daye haa'reemmo'ne.

Toomaasi, «Mooticha, ati hiikka ha'rattoro dianfoommo; doogono hige maminni anfeemmo?» yii.