Папулярныя біблейскія вершы з YOHAANNISI 15

Падзяліцца

«Ani woyinete haqqicho damatteeti; ki'ne kayinni sinna'yaati. Anenni hee'rannohu, anino isinni hee'reemmohu batinye guma laalanno. Aneweello kayinni mittoreno assa didandiitinanni.

Ki'ne anenni heedhe; anino ki'nenni hee'reemmo. Sinu damattete aana hee'ra hoogiro, umisinni guma laala dandaannokkinte gede, ki'neno anenni hee'ra hoogginiro guma laala didandiitinanni.

Anenni heedhiniro, qaali'yano ki'newa hee'riro, hasidhinannire baala huuccidhe; afidhinannina.

Anilla ki'ne dooroommo'ne ikkinnina, ki'ne ane didoodhitinoonnie. Hadhine batinye guma laaltinanni gede, gumi'neno ba"annokki gede shoomoommo'ne. Kunnira ane su'minni huuccidhinannire baala Anni'ya aanno'ne.

Lubbosi jaalisira sayise aanno manchiha roorino baxilli ayewano dino.

Ane aana hee're guma laalannokki sina baala Anni'ya mure hunanno; guma laalannoha lede guma aanno gede qonqolche seekkanno.

Ane hajajo, ani baxummo'nente gede, ki'ne ki'neneewano baxantinaraati.

Batinye guma laaltiniro, kunninni Anni'ya ayirranno. Ki'neno ane rosaano ikkitinoonnita anfanni.

Yesuusi lede, «Halaalaanchu woyinete haqqicho damatte aneeti; loosannohuno Anna'yaati.

Anenni hee'rannokkihu, gobbara tunge agurreenna moolanno sini gedeeho. Hattoo sinna gamba assine giirate tungeenna giirantanno.

«Konne coye kuloommo'nehu hagiirri'ya giddo'ne hee'ranno gedeetinna ki'ne hagiirrino wo'ma ikkanno gedeeti.

Ani Anni'ya hajajo wonshanni baxillisinni hee'rummonte gede, ki'neno ane hajajo wonshitiniro, ane baxillinni heedhinanni.

Ani hajajeemmo'ne hajajo ki'ne ki'neneewa baxantinanni gedeeti.

Ki'ne tenne gobbare ikkitinoommero, umiseri gede assite baxxanno'ne. Ikkollana, ani tenne gobbanni bade dooroommo'ne ikkinnina ki'ne tenne gobbare ikkitinoonnikkihura, tini gobba gibbanno'ne.