Папулярныя біблейскія вершы з Lukâs 11

Падзяліцца

Bəə aghê àbɛbə yəə à də̀ gha, ghà də ani nyə̀ ùfyiə ùdzoŋə̀ wìy awò awa ghi, mòʼo tsə təli ghi wə ù də nəniy an-a-vələ yəə ù kì də ani nyə̀ Zwàykə̀zwekiy awò àghù yə̀ ghu ŋwa yə̂ nəniy â we!

À də̀ sòʼò ighəd mə dzîy bə â ghà i tsəŋə̀ ŋwa yə kə ŋwô, wò kì kyilə ŋwò, i tsəŋə khu kə ŋwô, wò kî kòʼò ŋwò fyiə kə ghà kə̀. I tsəŋə bwoʼo kə ŋwô bâʼ kìy, ghu ki fwiy maʼà tsə bâʼ kə ghà kə̀ awò wò.

Wù wə̀ ù tsəb ŋwa yə̂ dzə̂ â Zə̀kìy, ù kì kyilə ŋwò fyiə kə ù làʼà nəniy, wù wə̀ ù tsə̀ŋə̀ khu yə̂ kə ŋwoə̀, Zə̀kìy kî zəŋə ŋwò nə̀ ù kòʼ fyiə kə ù khu nəniy, wù wə̀ ù tsə̀ŋə̀ bwoʼo yə̂ kəə bâʼ kìy, Zə̀kìy kî fwukə tsə ŋwò bâʼ kìy awò we.

Yesù ə dzày yə̀ aghu nə, Abu ghà dziy gwùŋì ghà si dziy tsə nə̀. “A təli, ghè gwuŋə̀ nə̀ aghê nyiə̀ mə̀ŋkwiʼi anə izəd yiə̀ ì zwe yiy. Ghè gwuŋə̀ sòʼò nə̀ wò bû saʼ muə tə aghè àdzə̀m.

Nǐyzə̀ ibɛbə yə ghè zəŋi nəniy anə yiə yə ghè nîyzə̀ nəniy bɛb tə aghê zəŋi azoŋə̀ ghə̀d. Kə̀ bɛmə dzə̀ nə̀ ghè zəŋi ibɛb abu ghè bvə̂ nyi tswi tsə anə imwâmkòʼ.”

Nyìə bə̀ ghəd nə̀ nə̀ ùfànyiə wə u kpe doʼò nəniy â ghə̀d ani nyi. Ntsukə indzə̀m.

Asə yiə̀ yìy də yəə à də̀ təkaʼì anə uwè niə̀. Abu asə yiə̀ yìy dzwabə̀ nəniy, loʼo tiy ki zwe anə uwè niə̀ ùdzə̀m. Abu asə yiə̀ yìy kwuni bɛb doʼò nəniy, uwe niə̀ ùdzə̀m ù də an-a-ləm.

Wù lìy dà tsə dzə̀ wày kaʼì tìy u kəd na nyi yə̀ a təŋə kəŋkhìy, ù tyilə nia kə anə lòʼo kə kaʼì tìy kwu nəniy ani dòʼò ate tə̀ abu wù tsìy nyi bə̂ a ndaw, ù si koʼo tsə asə ə ate.