Папулярныя біблейскія вершы з Lukâs 12

Падзяліцца

Gha soʼo, ghà kwu ani byay na təŋ tsə iwe nəli anə nsòŋə indzə̀m, aŋwòə Wà Wù kì bè anə soŋə fə ghà də mòʼò dzə̀ way nə̀ u də̀ ŋwô ani bù ate.

Ghà kwuni kaw kəli fyi kə dzə̂ yəə Zə̀kìy saʼa nəniy ate, ù kî nyə̀ bə̀ ghà nə̀ ùfyiə udzə̀m ghà laʼà.

U dyaŋi dzày yə̀ a ghu nə, “Yɛ̀mì nənìy, ikhu gha nə̀ dûw nə̀ ìsə yiy anə ufyiə, aŋwòə à wày dzə ndə̀mə̀ tə ufyiə tə nyiə̀ nəniy wù nə̀ ìmùə̀ yìy.”

Fòŋ ə̀ wù taw də̀ kə a lòʼo kə ufyiə u we ùsoŋə̀ wìy də nəniy ate.”

Wù lìy də̀ ŋwô anə uzə ghii ù kwe fwuli tsə ntsuk fə̀liy fiy anə imùə̀ i we, bòʼ nə̀ ù ŋge fyimə tsə̀ ùwe ə̀?

Yesù ə dyaŋi kyèmì dzày yə̀ awò tsə̀təndii tə we tiy nə̀, “À yù də̌ ighe mə dzîy bə̂ nəniy â ghà nə̀ ghà kə fyimi dzə̀ iwe nəli yiy kwùmə̀ yə̀ nə̀ fyiə kə ghà kî nyiə, moo nə̀ ghà kî sì dzə̀ŋə̀ kìə̀ anə iwè yəə à də̀ təndzwu.

Ù kwu mà ŋwoə ntàŋə̀ ŋwù t-a-tuw tə tə də nəniy anə utuw ghi. Yəə i də nəniy ghii, Ghà kə tsəŋ dzə̀ fyiə kə̀liy kiy, aŋwòə, ghà tsîy fyi ŋwô saʼ kə təmbàw kìy.

Kə̀ nənìy tsəŋ dzə̀ a tsə̀təndii tam tiy, ghà də yə à də̀ sə fə təndzwù fam, Təli ghi ŋge dwoʼo ŋwò ani dè àyiə ù saʼa nəniy aghee we yiy ate awò ghà.

Ghà kòʼ tsə ŋwùni mə ìn zəə tsîy nəniy idoŋ, ìn ze dzə̀ wày ufyiə wiy, moo ghu bôʼ kwu dyaŋi way ndaw moo uta ani kpìy na ufyiə. Zə̀kìy namə fyikə nəniy ghu. Ghà kwuni tsìy fyi ŋwô ŋwùni awò Zə̀kìy.

Ghà kə ŋge mòʼ dzə̀ nə̀, ghà kî nyiə kìə̀, moo ghà kî nìy bə̀ yə̀ fyiə kiy ani mu.

À də Kəzə̀ kə zəŋə nə̀ uzu wə̀ si mwaa dzwàbə. Uzuu wə ŋgà koʼò tsə zii, abù tsutsu, ghu piə̀ màʼà kə anə intsə nə̀ u mə zwum. Zə̀kiy kî yèmə̀ tsì fyiə ŋwò azoŋə̀ ghà, ù kaw nyə̀ ghà nə̀ ndzwu tiy. Ghà kwu nyòŋə fə ibɛmə!

Soŋə fiy ki bè ŋwò, ayiə yə a kəd doʼò nəniy, ghu kî fwiy maʼà kə, iyiə yə i nûw doʼò nəniy, i ki fyi bə̂ nə̀ ndaa aghê ki kəli mâ tsə.