Папулярныя біблейскія вершы з Luka 13

Падзяліцца

“Ukwingila ku wutwa wa Nguluvi, kuli ngita ukwingila pa mulyango umufinye! Ndakyene ndikuvalongela ndiitigila, voloofu valaasaka ukwingila, neke kangi valaalemwa. Lino unyeenye, mugimbage ukwingila umo.

Umo, aali mwali umwayuuva yumwinga, ye aali nu mubepo muviifu ye amuhuliye uwutamwa imyaka ginyikyumi nu munaana. Umwayuuva uyo aabidiime umugongo, aalemwaga ukugoloka. UYesu pe amuweene, akumukemeelaga, akumulongelaga iitigilaga, “Mwayuuvaave, únanile uwutamwa waako, lino uli mwawule!”

UYesu iiviikaga amawoko gaakwe pakyanya pa mwayuuva uyo, baaho na baaho umugongo gwakwe gwigolokaga, akumulumbaga uNguluvi.

“Mulolage! Avaanu avakwiwona ukutigila va ku wusililo lino, valaavedza va ku wutalilo. Kangi avaanu avakwiwona ukutigila va ku wutalilo, valaavedza va ku wusililo.”

Umusika gulaadza, umunya nyumba pe aliima nu kudinda umulyango, muliima piivala nu kuhodedza pamwinga nu kumunyilika, mwitigila, ‘Mutwave, utudindulile!’ Neke umwene alavahiga alaatigila, ‘Sindivadzeeliye kwe mwihuma unyeenye!’

Nambi! Ndikuvalongela ukutigila pe simwipela indzanangifu dzeenyo, na yuunye nyivonda mwitipulwa ndeeni!”

Neke umwene alaatigila, ‘Sindivadzeeliye kwe mwihuma unyeenye! Muhege ukwangu, unyeenye vahosi!’

Neke uYesu awuudzage atigilage, “Uwutwa wa Nguluvi wúlingʼiine na kiki? Ndiwuhwananidze na kiki? Wúlingʼiine na kapeke kadoodo hiilo ka lilongoti, ke aayaalile umuunu mu mugunda gwakwe. Akapeke kiimelaga, kiivedzaga lilongoti, fiikwadzaga ifidege fiisambaga ifyaso mu mahandzo.”