Папулярныя біблейскія вершы з John 6

Падзяліцца

Iesu ne hai ange gi gilaadeu, “Go au de pelaoaa o de mouli; tangada e humai gi de au e dee haihai donu ga hiigai, gai tangada e hagadonu au e dee haihai naa donu ga hieunu.

Go de Hagasaalunga ⌊Dabu⌋ e gaavange de mouli; de angaanga e deai ono haigamaiana. Muna aagu gu tala adu gi goodou go de Hagasaalunga ma de mouli.

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

Gai deenei de mee o dogu Damana e lodo ai, tangada e gidee Tama ga hagadonusia ia e maua de mouli e dee ngado mai; gai au e hagamouli age naa ia i de laangi hagaodi.”

Iesu ne hai ange gi gilaadeu, “Aanei hegau a de Maadua: goodou hagadonusia de ia aana gu hai gi humai.”

Dangada alodahi a Tamana e gaamai gi de au e loomai naa donu gi de au; aagai au e dee haihai naa donu ga tili tangada e humai gi de au.

Simon Peter ne hai ange gi de ia, “Tagi Maolunga, gai go daho ai ange naa omaadeu e hulo aagena? Gai go oo daha iai muna o de mouli e dee ngado mai.

Go au de pelaoaa o de mouli ne hano iho mai i de langi; be goai e gaina de pelaoaa nei, gai ia e mouli ga hano ai. Gai de pelaoaa aagu e gaavange e hagamouli ai henua i lalo go dogu angaanga donu.”

E deai donu se dangada daudahi e maua i de humai gi de au, noo Tamana ne haia au gi humai e dee haia ia gi humai gi de au, gai au ga hagamouli age ia i de laangi hagaodi.

Gai de pelaoaa a de Maadua go de ia ne hano iho mai i de langi, gai ia e gaavange de mouli gi henua i lalo.”

Go au donu de pelaoaa o de mouli.

Gai Iesu ga poo mai denga duudangaa pelaoaa, gai ga lava huu i dono dalodalo, gai ia ga duha ange gi dangada gu noho laa gi lalo. Ia ne duha ange hogi denga mamu, gai dangada ga gaimee ai gu boobosu. Gai ga boobosu huu dangada, gai ia ga hai ange gi ana dangada agoago, “Hagabudulia denga amuamu mee e doe, e dee tili donu dahi mee daudahi.”

Gai de masavaa olaadeu ne gabegabe ga hulo, agu made gu dolu be gu haa maele olaadeu ne hulo ai, gai gilaadeu gu gidee adu Iesu e seesee mai i honga de vai, gai ia gu hagadagadaga ange donu de baa mai gi delaadeu boose. Gai gilaadeu gu maatagu mmao. Gai ia ga hai ange gi gilaadeu, “Go au deenei, goodou gi dee maatagu!”