Папулярныя біблейскія вершы з Lukas 6

Падзяліцца

His en di aʼge yu aʼge yogunat wogentagup holuk e, at Allah en ogo asogo yogunat wokhontouwa o. Ye, elit aʼge sogoluak pam walholuk, emde loropsogo yagarogwiam, sogoluak emde hegitsogo yagarak poluk pobuk ʼbok ʼbok ʼbi lasukhwe, hoposogo wogontogu legep ai ʼgelaʼge, Allah en asogoat loksogo wokhontouwa o. His en elit aʼge walholuk en wogontogu legep ai ʼgelaʼge, Allah en elit aʼge ai pamat walholuk wokhontouwa o,” oluk moʼgulentesi.

Aphwami en di wene yu wene enemdema en ogwi ai re, onogola ʼbetesogo welat, ʼgagalogo orlu agoam ogwi o. Enebabut op aʼge onogola op wene ʼbetesogo welat, wene op aʼgeat lebikpou wagai o. Aʼgeat de, aphwami enebabut wiak aʼge onogola wiak welat wene wiak aʼgeat lebikpou wagai o,” oluk moʼgulentesi.

Is asogo togwi aʼgeat de, his en e, henemin il ʼbelak aʼge henedeabonoboluk, opsogo lerontogulat, Oʼgo is en logon woknontouwak, oluk opogwi erlagat we yogunat wogontugulat, togu lorogup holuk e, henebe Allah ʼgain Onuk Logo aʼge eiyagaiat oruakma re, oʼgo lok aʼge wokhontouwa ani o. Aphwami en, at ebe hau worogwi erlak wiak tisokhweat de, edeabenebiso yo.

Holuk e, nenaik edeabenebiso ʼgelaʼge, his en aphwami henedeabonobogu lomup o,” oluk moʼgulentesi.

Asogo moʼgulentesirik e, wene mesik disogo moʼgulentesi, “Allah en wene henebam pouwano oluk e, his en aphwami muon wene enebam pagup o. Allah en wene henebam poluk e, wiagaphonobuano oluk, his en aphwami muon wene enebam poluk e, wiagabonobogup o. Holuk e, his en wiak togu legep aʼge Allah en erlagapsogo ukpouwagoluk e, aphwami en wiagaphonobogwi aʼge his en erlagapsogo ukpogu lemis o.

Asogo moʼgulentesirik eʼberlik e, disogo moʼgulentesi, “Asogo aʼgeat de, his an niak hologu legep aʼge yu, an wene mesik moʼgulhentaik. Is aphwami henemin il ʼbelak aʼge ai henedesogo wolomup o. Is en hallorak honoboluk enebiraphonobogukhweat de, his en oʼgo op aʼge nak tagonobogu lomup o. Is en his heman honobogukhweat de, his en e, henede aganhan enebam pogu lomup o. Ye, is en wiagaphonobogwi aʼge ai, Allah en obabonobuagoluk, is enebaget seʼban ogu lomup o.

His honogola en e, Is nin pema en disogo taknenebelep e! oluk opogu legep ai ʼgelaʼgeat, his en is ai asogoat tagonobogu lomup o.

Is nin pema en honorogole pema akhit laʼbuksogo wathonobogwi holuk e, pema akhit ogo wathonobuagoluk wogentemit o. Ye, is pema en honosum sogwei sum aʼge ai horlogwi holuk e, honosum ogola aʼge ano eminat horlouwagoluk e, erlele wagup o. Is pema en, His en aʼge ai, woknentemit o, oluk ʼgonu moʼgulhontogwi holuk e, enebe loʼbok en, wogontogu lomup o. Ye, is en his henaʼge wogwi holuk e, pobuk, his en, Woknentemit, oluk ʼgonu moʼgulentagup o.

Asogo moʼgulentesirik e, pobuk mesik disogo moʼgulentesi, “E edip op aʼge en eʼgen wiak aʼge mesik oso erlak o. Ai ʼgelaʼge re, e edip wiak aʼge en, eʼgen op aʼge mesik oso erlak o.

Di agan yu agan eba re, eʼgen oso ai pam edip enagat pobi togwi o. Molip orlok wiak aʼgeat de, eʼgen ara op aʼge eʼgen ʼgelaʼge mesik egesisoam daganogwi modok erlak o. Ai ʼgelaʼge re, herle mul orlok wiak aʼgeat de, eʼgen e, anggur eʼgen op aʼge egesisoam daganogwi modok erlagat o.