Папулярныя біблейскія вершы з लूका 3

Падзяліцца

जिद यहून्‍ना सारे लोक्कैं कु बत्‍तीस्मा देया करया, उसी वक्‍त यीशु भी बत्‍तीस्मा लेइकना प्रार्थना करया-करया, अर आसमान खुली गया। अर पवित्र आत्मा कबुतरा ज़ू उसपर उतरया, अर आसमान्‍ना माहली या अवाज़ आई, “तौं मेरा प्यारा बेट्टा हैं, हूँ तेरै थ घणा खुश है।”

जिधी यहून्‍नै सारैं कु या बात कही जवाब दिया, “हूँ तो थमकु पाणिया थ बत्‍तीस्मा देत्‍ता हैं, पर वो आणैं आळा है, जो मेरै थ भी शक्‍तिशाल्‍ली है, अर हूँ तो इस लायक भी कोइन कि हूँ उसके खल्‍लैं के फित्‍ते खोल्‍ली सकैं। वो थमकु पवित्र आत्मा थ अर आग्गू थ बत्‍तीस्मा दैग।

इब थारै काम्मैं थ पता चाल्‍लै कि थमु पाप करना छोड्डी दिया अर आपके मनैं म या ना सोच्‍चो कि थारा बाप अब्राहम है, क्योंकि हूँ थमकु कैहता हैं, कि परमेश्वर इन पथरैं थ भी अब्राहम्मा वास्तै उलाद जाम्मी सक्‍ता है।

अर इब कुहाड़ा दरखतैं कियैं जड़ैं पर धरीज्जी गया है, इसकरी जिस दरखता पर आच्छा फळ ना फळैं वो काट्टीकना आग्गुम घाल्‍ली दिये जाँग।”

जिदाकि याशायाह नबीया किया किताब्बा म लिखोड़ा है कि, “जंगला म कोइ उंच्‍चे शब्दा थ कैहया करता है कि, प्रभुआ का रस्ता त्यार करो, अर उसकियाँ सड़काँ सिद्धियाँ करो। हर एक घाट्टी भरी दी जाग, अर हर एक पहाड़ अर पहाड़ीयाँ थल्‍लै करे जाँग, अर जो टेढ्ढे-मेढ्ढे रस्ते हैं, वो सिद्धे, अर जो उंच्‍चे-निच्‍चे हैं, वो चौरस करे जाँग। अर हर एक जणा परमेश्वरा के उद्धारा कु देक्खगड़ा।”