Папулярныя біблейскія вершы з Luka 3

Падзяліцца

Mu gihe rubanda rwose babatizwaga, Yezu na we arabatizwa. Agisenga ijuru rirakinguka, Mwuka Muziranenge amumanukiraho asa n'inuma. Nuko humvikana ijwi ry'uvugira mu ijuru ati: “Uri Umwana wanjye nkunda cyane, ni wowe nishimira.”

Yohani ni ko kubabwira bose ati: “Jyewe ndababatirisha amazi ariko hagiye kuza undusha ububasha, ntibinkwiriye no gupfundura udushumi tw'inkweto ze. We azababatirisha Mwuka Muziranenge n'umuriro.

Nuko rero nk'uko igiti cyera imbuto, abe ari ko namwe mugira imigenzereze yerekana ko mwihannye, kandi ntimukirate muti: ‘Turi bene Aburahamu.’ Erega ndahamya ko no muri aya mabuye Imana ibasha kuremamo bene Aburahamu!

Ndetse n'ubu intorezo irabanguye ngo iteme ibiti ibihereye ku mizi, bityo rero igiti cyose kitera imbuto nziza kigiye gutemwa gitwikwe.”

Biba nk'uko byanditswe mu gitabo cy'umuhanuzi Ezayi ngo “Nimwumve ijwi ry'urangururira mu butayu ati: ‘Nimutunganye inzira ya Nyagasani, nimuringanize aho azanyura. Imibande yose izuzuzwa, imisozi yose n'udusozi bizitswa, inzira zigoramye zizagororwa, izasibye zizasiburwa. Bityo umuntu wese azabona agakiza k'Imana.’ ”