Папулярныя біблейскія вершы з San Juan 13

Падзяліцца

Ñamha oꞌch notas atethchaꞌ sephannena ñeñth eꞌñe etserra: Semoerannaꞌtepaꞌch. Ateth nepenes sa atarr nemoerensa, sapaꞌxhoꞌña atarrepaꞌchña semoerannena. Allochñapaꞌ eꞌñe semorrentannaꞌteñothpaꞌ eñotasetchaꞌ sapaꞌ sa eꞌñe poꞌñoxh neyochreshas.

Attho na neꞌpatkaꞌtas sa, amaꞌt na ñeñthen Separtseshar sepen ñamha Semaestror sepenen, sapaꞌxhoꞌña ñeñth eꞌñe poktetsa sokop seꞌpatkaꞌtannaꞌtepaꞌch samha. Ñewa, ñeñth poꞌñoxh notenes, ñeñthpaꞌ ateth: Amach sañeña atarr kowen entetso, atthochña eꞌñe kowen sesherbhannena. Oꞌ neñotatas atethchaꞌ sepha samha. Sapaꞌxhoꞌña atthepaꞌch sepha ateth oꞌ nephowas sa.

Jesúsñapaꞌ ateth och: —Ñeñth ateth nepenes theꞌ sapaꞌ amach señoche. Esempopaꞌ xhaponasach seyoxhro.

Poꞌñoxhkaꞌye oꞌch notas: Ñeñth ayochreshath ñerraꞌm ama esoyeꞌ enteno ñañeña amaꞌt eꞌñe mamesha, ñeñthña poeyochreshaxhno pen eꞌñepaꞌch atthekmoet amach esoyeꞌ enteneto eꞌñe ñañeñeta. Amaꞌt na ñeñthen allsensarethen ama esoyeꞌ nenteno amaꞌt mamesha, ñeñthchaꞌ nellsensaꞌyes namhapaꞌ amoepaꞌchña esoyeꞌ enteneto eꞌñe ñañeñeta.

Ñerraꞌm ñeñthña sexhapoya seyoxhropaꞌ ñeñth ateth neyxhatenes, sañapaꞌ atarrchaꞌ kosheñtsoꞌtsenes ñerraꞌm eꞌñe poꞌñoxh ateth sephowa.

Ñewa, Judas Iscariote ñeñth Simón poechemer, oneñethñapaꞌ awepaꞌt kothapeꞌchach poeyoxhro oꞌch pomoerran Jesús. Jesúsñapaꞌ eꞌñe eñoteñ ñapaꞌ tharroꞌmar llesenserña Pompor allowenakop. Tharroꞌmar ñapaꞌ eꞌñe eñoteñ Yomporeshothkaꞌye wapa, elloñapaꞌ oꞌch alla awerr ñesho. Ñeñthoꞌmarña allempo rrallmeꞌchnenet Jesúsña oꞌ thompaꞌ rrotana patherr paꞌshtam ñeñth nen enoth oꞌ chetan patherr eꞌshmokoꞌtametspaꞌ oꞌ chana allo. Allothñapaꞌ oꞌ shan oñ wantejo alloña eꞌpatkaꞌtyesanña poeyochreshaꞌ. Eꞌshmokoꞌtamhtsoñapaꞌ alloña aꞌporrarraꞌtkayerranet ñeñth allo chanena.