Папулярныя біблейскія вершы з San Juan 14

Падзяліцца

‘Nokshateña nenaꞌnerrnaschaꞌ alloch eꞌñe soksherra seyoxhro, napaꞌ xhochña atarr nokshaterres seyoxhro. Ñeñth ateth nokshatenes na seyoxhro ñeñthpaꞌ ama attheyaye ñerraꞌmrratheꞌ añ patsoꞌmar kosheñets. Ñeñthoꞌmarña seyoxhropaꞌ amach xha sellkaꞌpeno amaꞌt mamesha, amach xha es semhchaꞌteno.

Jesúsñapaꞌ ateth och: —Napaꞌ na thoñetets ñeñthen alloch sexherr Yomporesho, napaꞌ na ñeñthen soteneꞌ ñeñth eꞌñe poꞌñoxh Yompor poꞌñoñ, napaꞌ na ñeñthen alloch eꞌñe sokrrena. Amach eseshaꞌ xherrtso Yomporesho ñerraꞌm ama nanom ameꞌñerreto.

Jesúspaꞌ alla oterraneterr: —Seyoxhropaꞌ amach xha sellkatsto. Attho seyemteña Yompor napaꞌxhoꞌña xhoña seyemterrna.

Tharraña Parets Poekamkëñ ñeñthchaꞌ sokthapeꞌchaterreꞌ, Apapaꞌ moeñerrnaschaꞌ eꞌñe na nesoꞌchño eꞌñe seyemteñothen na. Ñapaꞌ ñeñthchaꞌ señotaterreꞌña seyoxhro ora allowen ñeñth xhokma neyxhatenes theꞌ. Ñamha ñeñthchaꞌ seyerpaterraya allowen ñeñth ateth notyesaseꞌth.

Ñerraꞌm eseshaꞌ eꞌmhñoterreꞌ neñoñ ñamha eꞌñech ateth perret ñeñth ateth notenanet ñetñapaꞌ ñeñthet eꞌñe poꞌñoxh nemorrentenaya. Ñeñthña nemorrentenaya napaꞌ ñetñapaꞌ Apach atarr morrentenawet. Napaꞌxhoꞌña atarr nemorrentenanet, nañapaꞌ neñotaterranetchaꞌ eꞌñe poꞌñoxh ñeñth ateth nepena na.

Napaꞌ nenamonaschaꞌ Apa ñapaꞌ apaschaꞌ poꞌpsheñeñ ñeñthchaꞌ sokthapeꞌchaterreꞌ ñeñthchaꞌña sechorrerraya errponañowen. Ñeñthña Yompor Poekamkëñ ñeñthchaꞌña señotaterreꞌ ñeñth eꞌñe poꞌñoxh Yompor pokthaphña. Ñeñthña ama ameꞌñetso arr patsropaꞌ ñetpaꞌ amach errothenoth chorrerranetoña Yompor Poekamkëñ tharroꞌmar ñetpaꞌ ama enteñeto ñamha amach eñoteñeto. Tharraña sapaꞌ oꞌ señoter tharroꞌmar ñapaꞌ alloꞌtsenes parro epas allchaꞌ chorrerrsa.

Ñerraꞌm eschaꞌ senamoen eꞌñe na nesoꞌchño eꞌñe seyemteñothen na, napaꞌ eꞌñech ateth nepennas. Atthochña na ñeñthen Yompor Poechemerenpaꞌ nekowentateññañchaꞌ Apa. Ñerraꞌm es senamoen eꞌñe nesoꞌchño eꞌñe seyemteñothen na, napaꞌ eꞌñech ateth nepennas.

‘Ñerraꞌm sa poꞌñoxh semorrentennatheꞌpaꞌ oꞌch sameꞌñerrnana neñoñ ñeñth ateth notenes.

Nompor paꞌnetsro all poeꞌntaño allpaꞌ shonteꞌ pokoll allchaꞌ seyxhaꞌwerra. Ñerraꞌm ama attheñepaꞌ napaꞌ amatheꞌ notasñe. Ñeñthoꞌmarña napaꞌ oꞌch awerren atthoch naññoꞌtwerrnas allchaꞌ seyxhaꞌwerra.

Ñerraꞌm oꞌch awerren napaꞌ naññoꞌtwerrnaschaꞌ allchaꞌ seyxhaꞌwerra. Ellochña nowerrerrpaꞌ allempochña eꞌñe nawerrsaꞌ nesho allochñapaꞌ alloꞌtseneychaꞌ eꞌñe parro.

Tomásñapaꞌ ateth och: —Ayochreshathe, yapaꞌ amakaꞌye yeñotenpe errachña peserr. Errothenothwachkaꞌye yeñochtheꞌ atthoch yexherr yamha.