Папулярныя біблейскія вершы з San Juan 15

Падзяліцца

‘Napaꞌ na atthen ñerraꞌmrratheꞌ uvachrexhmoꞌr poeꞌchor, sapaꞌ sa poetakres. Eseshaꞌ neparrokmaterreꞌ ñamha napaꞌ eꞌñech neparrokmatenanet, ñeñthchaꞌña nanak meꞌtats. Ñerraꞌm aꞌyoꞌtsensa neshoth amatheꞌ errothenoth sorrtatyesoña ñeñth kowen enten Yompor.

Theꞌpaꞌ atthoña separrokmatenna atthoña napaꞌxhoꞌña neparrokmatennasa. Ateth pena tsachtakër ñerraꞌm ama parrokmateno poeꞌchoroth amach meꞌto eꞌñe ñotha, sapaꞌxhoꞌña ñerraꞌm ama separrokmatenno amach errothenoth semeꞌtoña samha eꞌñe sotha.

‘Ñerraꞌm separrokmaterrna ñerraꞌm xhokma sokthapeꞌchennan neñoñ eschaꞌ senamoen napaꞌ napaschaꞌ.

Sapaꞌ ama sayeꞌ naꞌkrerraye, napaꞌ naña saꞌkrerreꞌña sa. Atthoña oꞌ napoerresña llesens atthoch seta meꞌtarsats atthoch eꞌñe kowen es sorrtatyen ñeñth kowen enten Yompor. Ñeñthpaꞌ ñeñthchaꞌ seꞌmer seperr ñeñthña seꞌmerpaꞌ amach awañañathterro amaꞌt awatha. Allochñapaꞌ amaꞌt erraꞌtsena senamoeñ Apa eꞌñe na nesoꞌchño eꞌñe seyemteñothen na, ñapaꞌ apaschaꞌ.

Añmapaꞌ ñeñthña eꞌñe poꞌñoxh morrenteñets, oꞌch yaꞌrroya yañeña oꞌch yerroma añekop ñeñth atarr yemorrentyena.

Sa ñeñthes neyemtenaya na sapaꞌ atthes ñerraꞌmrratheꞌ uvachmoꞌr poetakër. Allowen poetakër erraꞌtsen ñeñth ama meꞌtetso, Nomporñapaꞌ xhochña pechamphsoñ poetakër. Ñamha allowen ñeñth meꞌtetspaꞌ xhochña pechtakreꞌtyeset mameshaꞌtets atthoch eꞌñe kowen eꞌshtakreꞌchet allochñapaꞌ atthoch atarrchaꞌ nanak meꞌten.

Añña ñeñth notenes: Atarrepaꞌch semorrentannena allowenes ateth nepena namha atarr nemorrentensa samha.

Attho nanak kowen semeꞌtenpaꞌ ñeñthpaꞌ allochña sekowentateññañ Nompor tharroꞌmar sapaꞌ añchaꞌ sorrtatyen ñeñth kowen enten ña. Ñamha sapaꞌ atthochña eñoterres acheñeneshaꞌ poꞌñoxh ñeñthes neyochreshas.

Jesúsñapaꞌ alla yexhaterraneterr ñapaꞌ añ tomaꞌntata ña uvachrexhmoꞌretets. Ñeñthoꞌmarña ateth otanet: —Napaꞌ na atthen ñerraꞌmrratheꞌ ñeñthen uvachrexhmoꞌretets ñeñth eꞌñe poꞌñoxh kowen sherbets. Nomporñapaꞌ ña amreꞌteneꞌ ñeñth uvachrexhmoꞌr.

Eseshaꞌch ama neparrokmaterraye awaporeꞌtarethchaꞌ ateth ñerraꞌmrratheꞌ tsachtakër ñeñth ama meꞌtetso xhochña pechaꞌtamphsetña poetakër oꞌch eꞌñe porrarrkeꞌchwa allempochña aꞌyapaxhetpaꞌ oꞌch chamoet tso allchaꞌ poywa.

‘Añmapaꞌ tharroꞌmar ateth notenes allochñapaꞌ ñeñth noksheña napaꞌ koshaterreschaꞌ samha. Allochñapaꞌ sapaꞌ oꞌch eꞌñe soksherra eꞌñe poktakma.

Ñerraꞌm sameꞌñennana neñoñ ñeñth ateth notenes eꞌñech señotenen napaꞌ atarr nemorrentensa. Ateth nepena na eꞌñe nameꞌñeññaña Nompor poꞌñoñ ñeñth ateth otenen, ñeñthoꞌmarña napaꞌ eꞌñe neñoteñ ñapaꞌ atarr morrentenna namha.

Añkaꞌyeña notenes: Xhokmoepaꞌch atarr kowen semorrentannena.

Ñerraꞌm sa eꞌñe parro atthekmaseñ ñeñth ama ameꞌñetso arr patsro, ñetñapaꞌ eꞌñetheꞌ kowen moerensetañ tharroꞌmar eꞌñekaꞌye ñeñthenaꞌtarekmas. Tharraña sapaꞌ ama eꞌñe atthekmayeꞌ separroꞌmarneshakmateno ateth pena allowen acheñeneshaꞌ ñeñth ama ameꞌñetso arr patsro. Sañapaꞌ oꞌ naꞌkrerres elloneth nokop. Ñeñthoꞌmarña acheñeneshaꞌ añ patsropaꞌ oꞌ eꞌmoñeꞌtaset samha.