Sɩngrẽ Bũmb fãa sɩngrẽ sebra karemdb yĩnga
Bũmb fãa sɩngrẽ sebra karemdb yĩnga
Sebr Sõng pipi sebra reega yʋ-kãnga: Bũmb fãa sɩngrẽ sebre t'a gomda dũni wã sẽn sɩng to-to, ninsaal sẽn sɩng to-to, Israyɛl buuda sẽn sɩng to-to. Sebra pipi saka n ta sak piig la a ye soaba (1-11) na n wilga tõnd vẽenega tɩ wakat zĩndi tɩ sẽn be rũnna wã ra ka ye. Vẽenem da ka ye, wĩntoogo, kiuug la ãds ra ka ye. Zĩ-koeeng ra ka ye, tɩɩg ra ka ye, rũng ra ka ye. M ba ninsaal da ka ye. La sẽn da ka be wã yi yɛ? Wẽnnaam, dũni fãa Soaala, yetame tɩ bãmb n zind bũmb fãa singrẽ. Bãmb n yɩɩd fãa, bãmb n so fãa, ba ninsaal menga, n tõe n yeel-a t'a kẽng goabg bɩ rɩtgo. B naana pipi ba rãmbã, a Adem la a Awa. B naana ninsaal pag la a roa. Ninsaalbã n waa n yik n pa zems ne b Soaalã, tɩ yɩ rigbu, tɩ yɩ, dũni sãoong ne koom.
Sak piig la a yiib soaba n ta pisnu (12-50), na n yɩɩ pʋg yʋʋma la f pʋg ninsaal n ges a sẽn maane, n ges a sẽn leok Wẽnde. Yaa pʋg nin-bɛda wa a Abraam, a Izaak, a Zakoob, a Zozɛf;
D karemda sebr kãnga pʋgẽ, koees a tã sẽn yɩ Wẽnd leokre tɩ d mi tɩ yɛla na n baasa neere.
Pipi leokra leoka waafã: M na n ninga beem sʋka, foom ne paga sʋka, n ning beem fo buuda ne paga buuda sʋka. Fo na n dũma a naokãsenkãare la a na n bedsa f zugu.
Leokr a yiib soaba leoka a Nowe: M kãabd-y lame, foo ne f yagensã, ne luiili la rũmsã sẽn naag foo n yi koglga pʋga la ne bõn-vɩɩl fãa sẽn na n wa yãmb poorẽ, tɩ ko-kãseng kõn le wa peeg vɩɩm n loog ye.
Leokr a tãab soaba leoka a Abraam: Maam ne foom na n yɩɩ zoodo la fo loogr poore, m zooda na n paa ne f buudã n ka tol n yãe sɛɛb ye, tɩ m datame n yɩ fo Wẽnde la fo kamba Wẽnde. Wẽnd na kɩt tɩ d dɩ kãab nood a woto yõodo, la d le seg gom-nood a woto buudu sɛb a taaba sẽn pʋgda pʋgẽ!
Цяпер абрана:
Sɩngrẽ Bũmb fãa sɩngrẽ sebra karemdb yĩnga: SSDC98
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
SEBR SÕNGO © Alliance Biblique du Burkina Faso, 1998.