Yoane 2
2
Liäla nda Kena
1Nda lise lia asatɔ aaka nde liäla nda Kena bokenge wa Ngalilai, la nyango wa Yesu loyala omao; 2Yesu la baeki bande imɔ batomökö lioi nda liäla. 3Aomelökö bamɔ, nyango wa Yesu loonga lande mbo— Bat’imɔ la bamɔ. 4Yesu loonga lande mbo— ¿Lole loni to loasɔ ende’mi laɛ, Iya? Mbile yami ekayi kɔni. 5Nyango wande loonga la ebakaeli bieka mbo— Elokongek’Inde lanu, kelaka ngo ko ongolo. 6Yasɛlɔmɔ̈kɔ̈ omao mbutɛ bifi liambɛ eyatumäkä la balia bosola njala la bosoleli wa BaYuda. Mbutɛ lɔsɛlɛ loketi loa biangola litinda. 7Yesu loonga lau mbo— Tumesaka mbutɛ la balia, la iyo lotumesa yao ko la biɔngɔ fuu. 8Limɔ Inde loonga lau mbo— Angolaka kwani la kɛsɛkɛ bao ende ikomya sha elambɔ, iyo lɔkɛ la bao. 9Alailäkä ikomya elala ya balia ebasokinjwa kɔni bamɔ, angoluwa olo asosokwa la bao (nde bakaeli ba bieka ebaangoläkä bao nd’aluwäkä) inde lota bɔsɔngi lioi, 10inde loonga lande mbo— Batolome batotata bamɔ balau nda mɛsa, limɔ ani basowa bamɔ, batota eba ngai, kongo ko aɛ nd’asoisa ebasoeta l’olau ko nda kwani.
11Yesu loakola ndembe ya tolombo ko la shao eshakeläk’Inde nda Kena, bokenge wa Ngalilai; ongoma Inde loisolaka tala yande, la baeki bande lolendeloko Inde. 12Mbisa yamao Inde lɔkɛ nda Kafenauma, la nyango wande, la bitungani yande, la baeki bande; iyo lotikala omao bacho bamɔi.
Lotaneso loa balɛlɛ ba Tempelo
13Elambɔ-ya-Lieti ya BaYuda yaäkä tina, limɔ Yesu lɔkɛ nda Yelusaleme, 14la nda balɛlɛ ba Ndakɔ ya Mungu Inde loosha ebatoungekesa mbolo la bɛkɔkɔ la biküku, la bafetekwani ba bieto ebayalaka se omao; 15la Inde lokela inyɔli la tokulu, Inde losayaka iyo batotina lousa loa Ndakɔ ya Mungu, la bɛkɔkɔ la mbolo imɔ, Inde lɔwɛlɛ bieto ya bafetekwani se, Inde loukola mɛsa yau ukwa. 16Ende ebaungesi ba biküku, Inde loonga mbo— Kusokolaka ebi lousa, okindolëke Ndakɔ ya Sango wami kwa eölö ya liongo! 17Baeki bande loenyela mbo losotomo nda Lokasa mbo— Boliliya wolitesa ndakɔ yaɛ bosoola’mi itɔɔ. 18Eokao BaYuda lomutoel’Inde la lofelo mbo— Ototamb’iso eni ndembe ya isosha esitokel’aɛ la njasɔ-bi? 19Yesu lomutoel’iyo mbo— Ukolaka Ndakɔ-ye ya Mungu, la itoemesa yao liasi nda bacho basatɔ! 20Limɔ BaYuda loonga mbo— Miaka kama inɛi la liambɛ yɛngani nde la liswi lia Ndakɔ-ye ya Mungu; ¿Nde Aɛ koemesa yao la bacho basatɔ kongo? 21Nde Inde nd’aongäkä loasɔ loa Ndakɔ ya Mungu eko bindo yande. 22Eokao akatɛmwɛk’Inde nda liwa, baeki bande loenyela mbo aongäkä lioi-li la iyo loimela Lokasa loa Mungu la lioi eliaongak’Inde.
23Ayaläk’Inde nda Yelusaleme nda mbile ya Elambɔ-ya-Lieti bato wike lolendelo lina liande ani bɛnɛ̈kɛ̈ ndembe ya tolombo etwakelak’Inde; 24nde Yesu angɛnɛ atialendeloko iyo, eoka aluwäkä bato batotina la mbo atiaenökö mbo boto aluwesek’Inde loasɔ loa balomboki eoka Inde angɛnɛ nd’aluwäkä betema ya balomboki.
Цяпер абрана:
Yoane 2: NTKE58
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Le Nouveau Testament in Kele (Lokele) © British and Foreign Bible Society, 1958, 2019.