Matayo 3
3
Yoane Bolufi
1Nda bacho bana Yoane Bolufi loya oyanangolaka nda liɔmbɛlɛ lia Yudea, inde mbo— 2Kalanganaka, eoka Bɔkɔta wa Mungu bosoya tina. 3Ende Inde oyaongomoko la Bɔtɔndɔli ako Yesaya, mbo—
Limiki litoamama nda liɔmbɛlɛ mbo—
Komyaka mboka ya Ngɛnɛ,
Longamesaka biëli yande.
4Yoane-yo awataka esinda ya fuu ya ngamela, la bɔkɔli wa lokofo loa nyama nda lɔtɛta la alakäkä bakelele la wee wa lokonda. 5Bato ba Yelusaleme wike la batotina ba Yudea la eba kenge bitotina ya Yaladene, 6balufiomökö lande nda liyande lia Yaledene ani batoaokola njasɔ ibe yau.
7Nde ɛnɛk’inde wike wa BaFalusi la BaSandoke batoyaka end’inde ndoyalufiomo, inde loonga lau mbo— Ino lioti lia njɔ; ¿Ndai asokambes’ino mbo bokweke otili bosekwa nda efango eyekayeke? 8Eokao biyaelo yanu bienganeke la likalangani lianu. 9Wenyelëke oyaongana mbo— Abalayama ende ngau wasu, eoka itoonga lanu mbo Mungu asokɔkɔlɔ ko la batalɛ-ba kongo ndoemesela Abalayama bana. 10Kwani shondo sisotomo oko nda biili ya tosandu la isandu la isandu esiitoota tuma tolau, shao kotindomo, shao koumbolomo nda bösä.
11Imi nd’asolufia ino nda balia eoka ya likalangani, kongoko oyatoya liili liami asoeta’mi la bofoka. Itiengane ango ndotola tokwaka twande; Inde elufiaka ino la Bolimo Botanu la bösä. 12Lüngu loande lole nda bosamba wande mbo afɛfɛkɛ bofonga; atɔɔmbɔ ɛfɛfyɛlɔ tanelele, atosɔnjaka befonga nda ekukyelo yande, kongo ko atofechaka mboso nda bösä wa loiloi ebotilatiamëkë.
13Limɔ Yesu losekwa nda Ngalilai, ndokakɛ ende Yoane nda Yaledene okalufiomo lande. 14Nde Yoane lokota ndokufesa Yesu, inde mbo— Imi nd’ale la boeno wolufiomo laɛ, nde osoya ende’mi? 15Yesu lomutoel’inde mbo— Lɛmbɛlɛkɛ Imi kwani, eoka lole lasu mbo tokɔcheke bitotina ya liengani ongoma. Lamao Yoane lolɛmbɛlɛ Yesu. 16Limɔ Yesu lolufiomo; aeswäkä Inde nda balia, lisasaya buse loliolomo la Inde lɔɛnɛ Bolimo wa Mungu botoaa se kwa ekükü, bosotalema ende Inde, la limiki lookana nda use mbo— Oyo ende Wana bosamomu wami oyatoomalesa’mi finɛ.
Цяпер абрана:
Matayo 3: NTKE58
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Le Nouveau Testament in Kele (Lokele) © British and Foreign Bible Society, 1958, 2019.