Luk 3
3
Jɔɔnn nba din wuur niib Yennu nyunwuru biaŋinba
(Matiu 3.1-12; Mak 1.1-8; Jɔɔnn 1.19-28)
1Yoo nba ki kpanbara yudaanɔ Taiberius din dii naan bina piik nan ŋaŋŋmu, ki Ponshus Pailat mun din tee Judea yudaanɔ, ki Herod mun din tee Galilee batsaakɔɔ, ki u waarɔ Filip mun din tee Iturea nan Trakonitis batsaakɔɔ, ki Laisanias din tee Abilene batsaakɔɔ, 2ki Annas nan Kayafas mun din tee Yennu jiantu yudamm, li yoo na ki Yennu din jii u maan ki tur Jɔɔnn nba tee Sekaria bik na; ki u din be muuk ni. 3Ŋanne ki Jɔɔnn din tuu lin Jɔɔdann mɔkir po kur, ki mɔɔntir ki teen niib a bin nyik bi biit ki wun wurib Yennu nyunwuru ki Yennu-n nyik chab bi biit. 4Linba na tee kaman nan Yennu sɔkinii Aisaya nba din sɔb Yennu gbouŋ ni biaŋinba na a
“Nisɔɔ tan sii be muuk ni ki hoot ki yaa a
‘Ŋammit man ti Yomdaanɔ baaru sɔnu ki turɔ,
ŋaan ŋamm u sɔnii ki lii took.
5Baat kur sa gbee ki naa;
jɔɔt nan kunkona kur sa bit ki naa.
Sɔnu nba ŋmar siaminba boor, li sa sont fanu;
sɔnboota sa piin ki lat naa,
6a ki tingbouŋ niib kur sa la biaŋinba ki Yennu sa tinnib na.’ ”
7Ŋann maŋe ki niib bonchiann din baar Jɔɔnn boor a wun wurib Yennu nyunwuru; ki u betib a “Yimm walabirii na! Ŋmee kpaani a i tin ki nyi Yennu wutoor nba yaa lin baar i paak na ni? 8Yii tuun man linba sa wann nan i set nyik i biit. I daa daan i para ni nan Abraham tee i yeja. N beerie, Yennu sa fit ki fiin tana nba na ki lin kpant Abraham yaaboona. 9Pajar poŋ teen siira a wun chɔɔ tiinii; ki tiik nba kur ki loon lɔɔnŋana, bi sa chɔɔre ki lur muu ni.” 10Ki niburchiauŋ maŋ din boiɔ, “Ki ti ji sa teen nlee?” 11Ki u jiin yetib a “Wunba mɔk liata ŋannlee, see ki wun paat yenn ki tur wunba ki mɔki, ŋaan wunba mɔk jeet, see ki wun wat tur wunba ki mɔki.” 12Ŋanne ki lampogaartesiab mun baar a wun wurib Yennu nyunwuru, ŋaan boiɔ a “Chanbaa, timm sa teen nlee?” 13Ki u betib, “I daa gaan likirii ki gaar ba senni sennu biaŋinba.” 14Ki lanjimanba mun baar ki tan boiɔ a “Ki timm muni, ti sa teen nlee?” Ki u betib, “I daa mukisir sɔɔ ki gaan siari amii ki fa faak niib po; yii mɔk parpeenn nan i paauk nba ki i gaan na paak.”
15Tɔn, ki niib ji din piin ki dukii dudukit bi para ni ki mɔk dindann Jɔɔnn paak, a li pasiar u sii tee Yennu Niganntɔɔ Masiae. 16Li yoo maŋ ki Jɔɔnn bet bi kura, “Min ŋanin wuuri nyume, ŋaan wunba cheen baat. N ki ŋan nan ki n lot u taasaaŋmii. Ŋɔɔe sa jii Yennu Seyeeŋ nan muu ki wuur i para. 17U dia dilenn ŋmanii a wun lenn bonŋann, ki nyinn dibin ki wuun u bɔɔr ni, ŋaan joo fouŋ na muu nba kan mi ki kpeeni.”
18Jɔɔnn nba din mɔɔntir barŋanii maŋ ki teen niib na, ki u pak barbooru booru ki kpaamm. 19Ŋaan ki u bia din kpaan batsaakɔɔ Herod, kimaan u din fat u mɔŋ waarɔ ŋaapoo Herodias ki kɔɔnɔwa, ki bia tun toonbiit bonchiann. 20Li poorpoe ki u din tan tun bonbiir mantik ki bia pukin li paak, ki kɔɔn Jɔɔnn dansarik.
Jɔɔnn nba din wur Yisa biaŋinba
(Matiu 3.13-17; Mak 1.9-11)
21Yoo nba ki Jɔɔnn din wur niib kur Yennu nyunwuru na, ki Yisa tan baar u boor ki u wur u mun Yennu nyunwuru. Leŋ maŋe ki Yisa din mei Yennu, ki sanpaapo tan loot, 22ki Yennu Seyeeŋ sik u paak nan gbanant nba naan nan ŋmann na, ki kunkɔr nyii sanpaapo ki yet a “Fine tee n Bilonkak; fine ki n numm gboo.”
Yisa yejamm po
(Matiu 1.1-17)
23Yoo nba ki Yisa din piin Yennu toonn na, ki u din tan baar kaman nan bina piinntaa na.
Niib din dukii nan u tee Josef bijae;
ki Josef baa din tee Heli,
24ki Heli baa din tee Matat,
ki Matat baa din tee Liifai,
ki Liifai baa din tee Melki,
ki Melki baa din tee Jannai,
ki Jannai baa din tee Josef,
25ki Josef baa din tee Matatias,
ki Matatias baa din tee Amos,
ki Amos baa din tee Nahum,
ki Nahum baa din tee Esli,
ki Esli baa din tee Nagai,
26ki Nagai baa din tee Maat,
ki Maat baa din tee Matatias,
ki Matatias baa din tee Semein,
ki Semein baa din tee Josek,
ki Josek baa din tee Joda,
27ki Joda baa din tee Joanan,
ki Joanan baa din tee Resa,
ki Resa baa din tee Serubabel,
ki Serubabel baa din tee Shealtiel,
ki Shealtiel baa din tee Neri,
28ki Neri baa din tee Melki,
ki Melki baa din tee Addi,
ki Addi baa din tee Kosam,
ki Kosam baa din tee Elmadam,
ki Elmadam baa din tee Er,
29ki Er baa din tee Joshua,
ki Joshua baa din tee Elieser,
ki Elieser baa din tee Jorim,
ki Jorim baa din tee Matat,
ki Matat baa din tee Liifai,
30ki Liifai baa din tee Simeon,
ki Simeon baa din tee Juda,
ki Juda baa din tee Josef,
ki Josef baa din tee Jonam,
ki Jonam baa din tee Elayakim,
31ki Elayakim baa din tee Melea,
ki Melea baa din tee Menna,
ki Menna baa din tee Matata,
ki Matata baa din tee Nafan,
ki Nafan baa din tee David,
32ki David baa din tee Jese,
ki Jese baa din tee Obed,
ki Obed baa din tee Boas,
ki Boas baa din tee Sela,
ki Sela baa din tee Nason,
33ki Nason baa din tee Aminadab,
ki Aminadab baa din tee Admin,
ki Admin baa din tee Arni,
ki Arni baa din tee Hesron,
ki Hesron baa din tee Peres,
ki Peres baa din tee Juda,
34ki Juda baa din tee Jakɔb,
ki Jakɔb baa din tee Aisak,
ki Aisak baa din tan tee Abraham,
ki Abraham baa din tee Tera,
ki Tera baa din tee Nahor,
35ki Nahor baa din tee Serug,
ki Serug baa din tee Reu,
ki Reu baa din tee Peleg,
ki Peleg baa din tee Eber,
ki Eber baa din tee Sela,
36ki Sela baa din tee Kainan,
ki Kainan baa din tee Afaksad,
ki Afaksad baa din tee Shem,
ki Shem baa din tee Nowa,
ki Nowa baa din tee Lamek,
37ki Lamek baa din tee Metusela,
ki Metusela baa din tee Enok,
ki Enok baa din tee Jared,
ki Jared baa din tee Mahalaleel,
ki Mahalaleel baa din tee Kainan,
38ki Kainan baa din tee Enos,
ki Enos baa din tee Sef,
ki Sef baa din tee Adam,
ki Adam baa tan joont ki tee Yennu.
Цяпер абрана:
Luk 3: BIM
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Luk 3
3
Jɔɔnn nba din wuur niib Yennu nyunwuru biaŋinba
(Matiu 3.1-12; Mak 1.1-8; Jɔɔnn 1.19-28)
1Yoo nba ki kpanbara yudaanɔ Taiberius din dii naan bina piik nan ŋaŋŋmu, ki Ponshus Pailat mun din tee Judea yudaanɔ, ki Herod mun din tee Galilee batsaakɔɔ, ki u waarɔ Filip mun din tee Iturea nan Trakonitis batsaakɔɔ, ki Laisanias din tee Abilene batsaakɔɔ, 2ki Annas nan Kayafas mun din tee Yennu jiantu yudamm, li yoo na ki Yennu din jii u maan ki tur Jɔɔnn nba tee Sekaria bik na; ki u din be muuk ni. 3Ŋanne ki Jɔɔnn din tuu lin Jɔɔdann mɔkir po kur, ki mɔɔntir ki teen niib a bin nyik bi biit ki wun wurib Yennu nyunwuru ki Yennu-n nyik chab bi biit. 4Linba na tee kaman nan Yennu sɔkinii Aisaya nba din sɔb Yennu gbouŋ ni biaŋinba na a
“Nisɔɔ tan sii be muuk ni ki hoot ki yaa a
‘Ŋammit man ti Yomdaanɔ baaru sɔnu ki turɔ,
ŋaan ŋamm u sɔnii ki lii took.
5Baat kur sa gbee ki naa;
jɔɔt nan kunkona kur sa bit ki naa.
Sɔnu nba ŋmar siaminba boor, li sa sont fanu;
sɔnboota sa piin ki lat naa,
6a ki tingbouŋ niib kur sa la biaŋinba ki Yennu sa tinnib na.’ ”
7Ŋann maŋe ki niib bonchiann din baar Jɔɔnn boor a wun wurib Yennu nyunwuru; ki u betib a “Yimm walabirii na! Ŋmee kpaani a i tin ki nyi Yennu wutoor nba yaa lin baar i paak na ni? 8Yii tuun man linba sa wann nan i set nyik i biit. I daa daan i para ni nan Abraham tee i yeja. N beerie, Yennu sa fit ki fiin tana nba na ki lin kpant Abraham yaaboona. 9Pajar poŋ teen siira a wun chɔɔ tiinii; ki tiik nba kur ki loon lɔɔnŋana, bi sa chɔɔre ki lur muu ni.” 10Ki niburchiauŋ maŋ din boiɔ, “Ki ti ji sa teen nlee?” 11Ki u jiin yetib a “Wunba mɔk liata ŋannlee, see ki wun paat yenn ki tur wunba ki mɔki, ŋaan wunba mɔk jeet, see ki wun wat tur wunba ki mɔki.” 12Ŋanne ki lampogaartesiab mun baar a wun wurib Yennu nyunwuru, ŋaan boiɔ a “Chanbaa, timm sa teen nlee?” 13Ki u betib, “I daa gaan likirii ki gaar ba senni sennu biaŋinba.” 14Ki lanjimanba mun baar ki tan boiɔ a “Ki timm muni, ti sa teen nlee?” Ki u betib, “I daa mukisir sɔɔ ki gaan siari amii ki fa faak niib po; yii mɔk parpeenn nan i paauk nba ki i gaan na paak.”
15Tɔn, ki niib ji din piin ki dukii dudukit bi para ni ki mɔk dindann Jɔɔnn paak, a li pasiar u sii tee Yennu Niganntɔɔ Masiae. 16Li yoo maŋ ki Jɔɔnn bet bi kura, “Min ŋanin wuuri nyume, ŋaan wunba cheen baat. N ki ŋan nan ki n lot u taasaaŋmii. Ŋɔɔe sa jii Yennu Seyeeŋ nan muu ki wuur i para. 17U dia dilenn ŋmanii a wun lenn bonŋann, ki nyinn dibin ki wuun u bɔɔr ni, ŋaan joo fouŋ na muu nba kan mi ki kpeeni.”
18Jɔɔnn nba din mɔɔntir barŋanii maŋ ki teen niib na, ki u pak barbooru booru ki kpaamm. 19Ŋaan ki u bia din kpaan batsaakɔɔ Herod, kimaan u din fat u mɔŋ waarɔ ŋaapoo Herodias ki kɔɔnɔwa, ki bia tun toonbiit bonchiann. 20Li poorpoe ki u din tan tun bonbiir mantik ki bia pukin li paak, ki kɔɔn Jɔɔnn dansarik.
Jɔɔnn nba din wur Yisa biaŋinba
(Matiu 3.13-17; Mak 1.9-11)
21Yoo nba ki Jɔɔnn din wur niib kur Yennu nyunwuru na, ki Yisa tan baar u boor ki u wur u mun Yennu nyunwuru. Leŋ maŋe ki Yisa din mei Yennu, ki sanpaapo tan loot, 22ki Yennu Seyeeŋ sik u paak nan gbanant nba naan nan ŋmann na, ki kunkɔr nyii sanpaapo ki yet a “Fine tee n Bilonkak; fine ki n numm gboo.”
Yisa yejamm po
(Matiu 1.1-17)
23Yoo nba ki Yisa din piin Yennu toonn na, ki u din tan baar kaman nan bina piinntaa na.
Niib din dukii nan u tee Josef bijae;
ki Josef baa din tee Heli,
24ki Heli baa din tee Matat,
ki Matat baa din tee Liifai,
ki Liifai baa din tee Melki,
ki Melki baa din tee Jannai,
ki Jannai baa din tee Josef,
25ki Josef baa din tee Matatias,
ki Matatias baa din tee Amos,
ki Amos baa din tee Nahum,
ki Nahum baa din tee Esli,
ki Esli baa din tee Nagai,
26ki Nagai baa din tee Maat,
ki Maat baa din tee Matatias,
ki Matatias baa din tee Semein,
ki Semein baa din tee Josek,
ki Josek baa din tee Joda,
27ki Joda baa din tee Joanan,
ki Joanan baa din tee Resa,
ki Resa baa din tee Serubabel,
ki Serubabel baa din tee Shealtiel,
ki Shealtiel baa din tee Neri,
28ki Neri baa din tee Melki,
ki Melki baa din tee Addi,
ki Addi baa din tee Kosam,
ki Kosam baa din tee Elmadam,
ki Elmadam baa din tee Er,
29ki Er baa din tee Joshua,
ki Joshua baa din tee Elieser,
ki Elieser baa din tee Jorim,
ki Jorim baa din tee Matat,
ki Matat baa din tee Liifai,
30ki Liifai baa din tee Simeon,
ki Simeon baa din tee Juda,
ki Juda baa din tee Josef,
ki Josef baa din tee Jonam,
ki Jonam baa din tee Elayakim,
31ki Elayakim baa din tee Melea,
ki Melea baa din tee Menna,
ki Menna baa din tee Matata,
ki Matata baa din tee Nafan,
ki Nafan baa din tee David,
32ki David baa din tee Jese,
ki Jese baa din tee Obed,
ki Obed baa din tee Boas,
ki Boas baa din tee Sela,
ki Sela baa din tee Nason,
33ki Nason baa din tee Aminadab,
ki Aminadab baa din tee Admin,
ki Admin baa din tee Arni,
ki Arni baa din tee Hesron,
ki Hesron baa din tee Peres,
ki Peres baa din tee Juda,
34ki Juda baa din tee Jakɔb,
ki Jakɔb baa din tee Aisak,
ki Aisak baa din tan tee Abraham,
ki Abraham baa din tee Tera,
ki Tera baa din tee Nahor,
35ki Nahor baa din tee Serug,
ki Serug baa din tee Reu,
ki Reu baa din tee Peleg,
ki Peleg baa din tee Eber,
ki Eber baa din tee Sela,
36ki Sela baa din tee Kainan,
ki Kainan baa din tee Afaksad,
ki Afaksad baa din tee Shem,
ki Shem baa din tee Nowa,
ki Nowa baa din tee Lamek,
37ki Lamek baa din tee Metusela,
ki Metusela baa din tee Enok,
ki Enok baa din tee Jared,
ki Jared baa din tee Mahalaleel,
ki Mahalaleel baa din tee Kainan,
38ki Kainan baa din tee Enos,
ki Enos baa din tee Sef,
ki Sef baa din tee Adam,
ki Adam baa tan joont ki tee Yennu.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце