Luk 4
4
Biaŋinba ki Sintaanii din jamm Yisa
(Matiu 4.1-11; Mak 1.12-13)
1Li yoo na ki Yisa din nyii Jɔɔdann mɔkir po, ki gbee nan Yennu Seyeeŋ, ki Seyeeŋ maŋ ŋaan ki u kɔɔ muuk ni, 2ki leŋe ki Sintaanii din saa jammɔ daa piinna. Ki u ki dii siari yoo maŋ ni; ki li yoo na daa tan gar ki kon ji din soorɔ.
3Ki Sintaanii yetɔ a “Li-i tee ki a set tee Yennu Bijaie, fan yet tann na ki lin kpant jeet.” 4Ki Yisa jiin ki yetɔ a “Li sɔb Yennu gbouŋ ni a ‘Jeet kuukɔɔ kaa te ki nirɔ be.’ ” 5Li poorpoe ki Sintaanii ji din jiiu ki doo nanɔ sanpaapo ki saa wannɔ tingbouŋ yent kur kur li tonton na, 6-7ŋaan betɔ a “Bi din turin paŋ maŋ nan mɔkint maŋ, ki n mun sa fit tur wunba ki n loon man turɔ. N bo sa tura paŋ nan mɔkint maŋ kur. Li-i tee ki a bo sa gbaan ki jiantin, li kur bo sii tee a yare.” 8Ki Yisa betɔ a “Li sɔb Yennu gbouŋ ni a ‘Nirɔ-ii jiantir u Yomdaanɔ Yennu kuukɔɔe, kii bia kii waa ŋɔɔ kuukɔɔ.’ ”
9Ŋanne ki Sintaanii bia jiiu ki saan nanɔ Jerusalem, ki saa donnɔ Yennu jiantu ŋasaakak mɔpinyerik paak, ŋaan betɔ a “Li-i tee ki a set kii tee Yennu Bijaie, fan yukir mɔb nna na, 10kimaan li sɔb Yennu gbouŋ ni a ‘U sa te ki u malakanba-ii guua fanu.’ 11Li bia sɔb a ‘Bi sii dia-a nan bi nii ki a taar kan gbiat tann gbaa ki a la daŋi.’ ” 12Ki Yisa yetɔ a “Yennu gbouŋ bia yet a ‘Sɔɔ daa bikii u Yomdaanɔ Yennu.’ ” 13Ki Sintaanii nba din jamm Yisa ki tan goo na, ki u daa nyikɔ see yoo nba ki u ji tan sa la yaak.
Yisa nba din piin u toonn Galilee tingbouŋ ni biaŋinba
(Matiu 4.12-17; Mak 1.14-15)
14Ki Yisa din gbee nan Yennu Seyeeŋ paŋ ki tan ŋmat saan Galilee. Ki bi din mɔɔnt u labaar ki li yat tiŋ maŋ kur kur. 15Ki u din wantib Yennu maan bi Yenjiantu diit ni; ki niib kur piakɔ.
Biaŋinba ki Nasaret doo ni teeb din yêt Yisa
(Matiu 13.53-58; Mak 6.1-6)
16Li poorpoe ki Yisa din saan Nasaret, siaminba ki u din tan ŋmant nirɔ na. Ki foon daar ki u din tan kɔɔ Yenjiantu diiuk ni kaman nan wa poŋ din tuu kɔɔ biaŋinba na, ki tan fiir a wun karin Yennu gbouŋ. 17Ki bi jii gbouŋ nba ki Yennu sɔkinii Aisaya din sɔb na ki turɔ; ki u pint gbouŋ na ki la siaminba ki li sɔb ki yet a
18“Ti Yomdaanɔ Yennu Seek be n ni,
ki u gannin a n mɔɔnt barŋanii ki tur tatimm na.
U tumin a n tan bet yommii a n sa nyinnib yann,
ki bia bet jɔɔnii ki bi sa nyɔɔnt,
ki bia fat binba be fara ni ki lub yann,
19ki bia mɔɔnt a li jaŋ nan ti Yomdaanɔ-n tinn u niiba.”
20Yisa nba karin gbenn yoonba ki u pin gbouŋ na ki jiin tur Yenjiantu diiuk toontunnɔ, ŋaan kar. Ki niib kur nba be diiuk na ni ji din goriiɔ. 21Ki u piin piak ki teemm a “Maan nba ki n karin Yennu gbouŋ ni na, li teen barmɔnii dinna, yoo nba ki li baa i tuba ni na.” 22Ki bi kur ji din piakɔ; ki li bakitib nan mamamm nba ki u pak na, ki bi ji boi bi leeb a “Josef bija na kaa na-aa?”
23Li yoo na ki u betib a “N kan biris nan i tan sa betin barjouk nee a ‘Fin tebtɔɔ, tebin a mɔŋ mɔŋ,’ ki bia tan sa betin a n tun bakitnauŋ toonjaana n mɔŋ doo ni kaman nan biaŋinba ki i gbat a n tun Kapenaum ni na. 24Barmɔniie ki n beeri na, niib kan gaar Yennu sɔkinii u mɔŋ mɔŋ doo ni. 25Barmɔniie, pakɔi bonchiann din be Israel tiŋ ni, yoo nba ki Elaija daa din be na. Li yoo maŋ, saak din ki baa bina ŋanntaa nan ŋmaarii ŋannloob, ki kon din tan baa bonchiann tiŋ maŋ ni kur, 26ŋaan Yennu din ki tun Elaija sɔɔ boor faba tiŋ maŋ ni; u din tumɔ pakɔɔk nba din be Sarefat nba be Saidon tiŋ ni na boore. 27Yoo nba ki Elaisha daa din be na, gbaata bonchiann din be Israel tiŋ ni, ŋaan bi sɔɔ din ki la paaku tiŋ maŋ ni; Naaman nba din tee Siria jɔɔ na, ŋɔɔ kuukɔɔe din la paaku.”
28Ki niib kur nba din be Yenjiantu diiuk maŋ ni nba gbat Yisa maan maŋ na, ki bi ji din donn wutoa u paak. 29Ki bi fiir berɔ ki nyinnɔ doo na ni, ki saa donnɔ kunkonn nba ki bi din maa bi doo na paak, a bin lu-u baauk ni, 30ŋaan ki u buut bi ni ki yaat.
Jɔɔ nba ki narinbiiuk din be u ni na labaar
(Mak 1.21-28)
31Li poorpo ki Yisa din sik Kapenaum nba be Galilee tiŋ ni. Foon daar ki u din kɔɔ Yenjiantu diiuk ni ki want niib Yennu maan; 32ki u wannu maŋ din bakitib bonchiann, kimaan u maan din mɔk paŋ. 33Ki jasɔɔ nba ki narinbiiuk be u ni na din be Yenjiantu diiuk na ni ki tian sanpaapo a 34“Fin Yisa nba tee Nasaret nirɔ na, timm nan fin, nlee mantiki? A baar a a tan biiritee? N mi fa tee wunba; a tee Yennu popeendaanɔ nae.” 35Ki Yisa din kpaan narinbiiuk maŋ a “Ŋminin fuut, ŋaan nyi jɔɔ maŋ ni.” Ki narinbiiuk na lu jɔɔ na tiŋ ni bi sinsuuk ni, ŋaan nyii u ni; wa lek lu-u tiŋ ni na, ŋaan u ki paanɔ daŋi. 36Ki li din teen sɔɔ kur yaarlituk, ki bi boi bi leeb a “Mɔbonn bee na? ki u mɔk yikoo nan paŋ nba ki teen narinbiit mɔb, ki bi nyi niib ni.” 37Li paak, ki bi din mɔɔnt Yisa sann tiŋ maŋ ni kur.
Yisa nba din te ki baatib bonchiann paak biaŋinba
(Matiu 8.14-17; Mak 1.29-34)
38Li yoo na ki Yisa din nyii Yenjiantu diiuk na ni ki saan Simon ŋaak. Ki bi saa la Simon dianpook yiar yiarpaaru, ki bi barin Yisa, poo na po. 39Ki Yisa baar ki set wa dɔɔ siaminba po na, ŋaan tur yiaru na mɔb, ki li gbenn; ki poo na fiir yiama ki teemm saauŋ.
40Yoo nba ki yennu din tan baa, ki binba kur mɔk baatib bi ŋei ni din jiib ki baar namm Yisa boor; ki bi din yiar yiarbooru booru. Ki u yii u nii baatib na kur paak ki te ki bi paak. 41Ki u bia din te ki narinbiit nyii niib bonchiann ni. Ba nyii yoonba ki bi tian sanpaapo a “Fin tee Yennu Bijae.” Ŋaan ki u din ki sak ki bi pak jiki, kimaan bi mi nan u tee Yennu Niganntɔɔ Masiae.
Yisa nba din mɔɔntir barŋanii Judea digbana ni biaŋinba
(Mak 1.35-39)
42La din yent ki Yisa nyii doo na ni ki saan muuk ni; ki niib na din tan lin loonɔ ki saa lau. Ba din tan lau yoonba ki bi ji gɔɔrɔ a u daa yaatir ŋaan nyikitibi. 43Ki u betib a “See ki n saan digbanlia biak kii sai mɔɔntir Yennu naan baaru barŋanii po, kimaan li paak te ki Yennu tumin.” 44Ŋanne ki u din lin Judea digbana ki kɔɔ Yenjiantu diit ni ki want niib barii maŋ.
Цяпер абрана:
Luk 4: BIM
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Luk 4
4
Biaŋinba ki Sintaanii din jamm Yisa
(Matiu 4.1-11; Mak 1.12-13)
1Li yoo na ki Yisa din nyii Jɔɔdann mɔkir po, ki gbee nan Yennu Seyeeŋ, ki Seyeeŋ maŋ ŋaan ki u kɔɔ muuk ni, 2ki leŋe ki Sintaanii din saa jammɔ daa piinna. Ki u ki dii siari yoo maŋ ni; ki li yoo na daa tan gar ki kon ji din soorɔ.
3Ki Sintaanii yetɔ a “Li-i tee ki a set tee Yennu Bijaie, fan yet tann na ki lin kpant jeet.” 4Ki Yisa jiin ki yetɔ a “Li sɔb Yennu gbouŋ ni a ‘Jeet kuukɔɔ kaa te ki nirɔ be.’ ” 5Li poorpoe ki Sintaanii ji din jiiu ki doo nanɔ sanpaapo ki saa wannɔ tingbouŋ yent kur kur li tonton na, 6-7ŋaan betɔ a “Bi din turin paŋ maŋ nan mɔkint maŋ, ki n mun sa fit tur wunba ki n loon man turɔ. N bo sa tura paŋ nan mɔkint maŋ kur. Li-i tee ki a bo sa gbaan ki jiantin, li kur bo sii tee a yare.” 8Ki Yisa betɔ a “Li sɔb Yennu gbouŋ ni a ‘Nirɔ-ii jiantir u Yomdaanɔ Yennu kuukɔɔe, kii bia kii waa ŋɔɔ kuukɔɔ.’ ”
9Ŋanne ki Sintaanii bia jiiu ki saan nanɔ Jerusalem, ki saa donnɔ Yennu jiantu ŋasaakak mɔpinyerik paak, ŋaan betɔ a “Li-i tee ki a set kii tee Yennu Bijaie, fan yukir mɔb nna na, 10kimaan li sɔb Yennu gbouŋ ni a ‘U sa te ki u malakanba-ii guua fanu.’ 11Li bia sɔb a ‘Bi sii dia-a nan bi nii ki a taar kan gbiat tann gbaa ki a la daŋi.’ ” 12Ki Yisa yetɔ a “Yennu gbouŋ bia yet a ‘Sɔɔ daa bikii u Yomdaanɔ Yennu.’ ” 13Ki Sintaanii nba din jamm Yisa ki tan goo na, ki u daa nyikɔ see yoo nba ki u ji tan sa la yaak.
Yisa nba din piin u toonn Galilee tingbouŋ ni biaŋinba
(Matiu 4.12-17; Mak 1.14-15)
14Ki Yisa din gbee nan Yennu Seyeeŋ paŋ ki tan ŋmat saan Galilee. Ki bi din mɔɔnt u labaar ki li yat tiŋ maŋ kur kur. 15Ki u din wantib Yennu maan bi Yenjiantu diit ni; ki niib kur piakɔ.
Biaŋinba ki Nasaret doo ni teeb din yêt Yisa
(Matiu 13.53-58; Mak 6.1-6)
16Li poorpoe ki Yisa din saan Nasaret, siaminba ki u din tan ŋmant nirɔ na. Ki foon daar ki u din tan kɔɔ Yenjiantu diiuk ni kaman nan wa poŋ din tuu kɔɔ biaŋinba na, ki tan fiir a wun karin Yennu gbouŋ. 17Ki bi jii gbouŋ nba ki Yennu sɔkinii Aisaya din sɔb na ki turɔ; ki u pint gbouŋ na ki la siaminba ki li sɔb ki yet a
18“Ti Yomdaanɔ Yennu Seek be n ni,
ki u gannin a n mɔɔnt barŋanii ki tur tatimm na.
U tumin a n tan bet yommii a n sa nyinnib yann,
ki bia bet jɔɔnii ki bi sa nyɔɔnt,
ki bia fat binba be fara ni ki lub yann,
19ki bia mɔɔnt a li jaŋ nan ti Yomdaanɔ-n tinn u niiba.”
20Yisa nba karin gbenn yoonba ki u pin gbouŋ na ki jiin tur Yenjiantu diiuk toontunnɔ, ŋaan kar. Ki niib kur nba be diiuk na ni ji din goriiɔ. 21Ki u piin piak ki teemm a “Maan nba ki n karin Yennu gbouŋ ni na, li teen barmɔnii dinna, yoo nba ki li baa i tuba ni na.” 22Ki bi kur ji din piakɔ; ki li bakitib nan mamamm nba ki u pak na, ki bi ji boi bi leeb a “Josef bija na kaa na-aa?”
23Li yoo na ki u betib a “N kan biris nan i tan sa betin barjouk nee a ‘Fin tebtɔɔ, tebin a mɔŋ mɔŋ,’ ki bia tan sa betin a n tun bakitnauŋ toonjaana n mɔŋ doo ni kaman nan biaŋinba ki i gbat a n tun Kapenaum ni na. 24Barmɔniie ki n beeri na, niib kan gaar Yennu sɔkinii u mɔŋ mɔŋ doo ni. 25Barmɔniie, pakɔi bonchiann din be Israel tiŋ ni, yoo nba ki Elaija daa din be na. Li yoo maŋ, saak din ki baa bina ŋanntaa nan ŋmaarii ŋannloob, ki kon din tan baa bonchiann tiŋ maŋ ni kur, 26ŋaan Yennu din ki tun Elaija sɔɔ boor faba tiŋ maŋ ni; u din tumɔ pakɔɔk nba din be Sarefat nba be Saidon tiŋ ni na boore. 27Yoo nba ki Elaisha daa din be na, gbaata bonchiann din be Israel tiŋ ni, ŋaan bi sɔɔ din ki la paaku tiŋ maŋ ni; Naaman nba din tee Siria jɔɔ na, ŋɔɔ kuukɔɔe din la paaku.”
28Ki niib kur nba din be Yenjiantu diiuk maŋ ni nba gbat Yisa maan maŋ na, ki bi ji din donn wutoa u paak. 29Ki bi fiir berɔ ki nyinnɔ doo na ni, ki saa donnɔ kunkonn nba ki bi din maa bi doo na paak, a bin lu-u baauk ni, 30ŋaan ki u buut bi ni ki yaat.
Jɔɔ nba ki narinbiiuk din be u ni na labaar
(Mak 1.21-28)
31Li poorpo ki Yisa din sik Kapenaum nba be Galilee tiŋ ni. Foon daar ki u din kɔɔ Yenjiantu diiuk ni ki want niib Yennu maan; 32ki u wannu maŋ din bakitib bonchiann, kimaan u maan din mɔk paŋ. 33Ki jasɔɔ nba ki narinbiiuk be u ni na din be Yenjiantu diiuk na ni ki tian sanpaapo a 34“Fin Yisa nba tee Nasaret nirɔ na, timm nan fin, nlee mantiki? A baar a a tan biiritee? N mi fa tee wunba; a tee Yennu popeendaanɔ nae.” 35Ki Yisa din kpaan narinbiiuk maŋ a “Ŋminin fuut, ŋaan nyi jɔɔ maŋ ni.” Ki narinbiiuk na lu jɔɔ na tiŋ ni bi sinsuuk ni, ŋaan nyii u ni; wa lek lu-u tiŋ ni na, ŋaan u ki paanɔ daŋi. 36Ki li din teen sɔɔ kur yaarlituk, ki bi boi bi leeb a “Mɔbonn bee na? ki u mɔk yikoo nan paŋ nba ki teen narinbiit mɔb, ki bi nyi niib ni.” 37Li paak, ki bi din mɔɔnt Yisa sann tiŋ maŋ ni kur.
Yisa nba din te ki baatib bonchiann paak biaŋinba
(Matiu 8.14-17; Mak 1.29-34)
38Li yoo na ki Yisa din nyii Yenjiantu diiuk na ni ki saan Simon ŋaak. Ki bi saa la Simon dianpook yiar yiarpaaru, ki bi barin Yisa, poo na po. 39Ki Yisa baar ki set wa dɔɔ siaminba po na, ŋaan tur yiaru na mɔb, ki li gbenn; ki poo na fiir yiama ki teemm saauŋ.
40Yoo nba ki yennu din tan baa, ki binba kur mɔk baatib bi ŋei ni din jiib ki baar namm Yisa boor; ki bi din yiar yiarbooru booru. Ki u yii u nii baatib na kur paak ki te ki bi paak. 41Ki u bia din te ki narinbiit nyii niib bonchiann ni. Ba nyii yoonba ki bi tian sanpaapo a “Fin tee Yennu Bijae.” Ŋaan ki u din ki sak ki bi pak jiki, kimaan bi mi nan u tee Yennu Niganntɔɔ Masiae.
Yisa nba din mɔɔntir barŋanii Judea digbana ni biaŋinba
(Mak 1.35-39)
42La din yent ki Yisa nyii doo na ni ki saan muuk ni; ki niib na din tan lin loonɔ ki saa lau. Ba din tan lau yoonba ki bi ji gɔɔrɔ a u daa yaatir ŋaan nyikitibi. 43Ki u betib a “See ki n saan digbanlia biak kii sai mɔɔntir Yennu naan baaru barŋanii po, kimaan li paak te ki Yennu tumin.” 44Ŋanne ki u din lin Judea digbana ki kɔɔ Yenjiantu diit ni ki want niib barii maŋ.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце