Luk 5
5
Biaŋinba ki Yisa din gann u sinsinn poorpoweiteeb
(Matiu 4.18-22; Mak 1.16-20)
1Dasiar ki Yisa din saan saa see mɔkgbeŋŋir nba ki bi yi Genesaret na mɔb paak ki want niib Yennu maan; ki niburchiauŋ din tut gbin a bin gbiint u maan maŋ. 2Ki burgbeta ŋannlee din be mɔkgbeŋŋir maŋ gbingbann, ki jansoor teeb din nyikir ŋaan chat saan a bin wuur bi janlaant. Yisa nba din la burgbeta maŋ yoonba, 3ki u kɔɔ Simon yar ni, ŋaan betɔ a wun chat waan ki sikin nyun ni. Wa chat waan ki sikin, ŋanne ki u kar burgbetir maŋ ni, ŋaan want niburchiauŋ na Yennu maan.
4Wa din wann niib ki gbenn yoonba ki u bia bet Simon a “Jirin nyun sunsuŋ po ki lu i janlaant ki soor janii.” 5Ŋaan ki Simon jiin ki betɔ a “Chanbaa, wonn nyiɔk munna ti won yabir a ti soor janii, ŋaan ki fit soor siari. Tɔn, fa pak linba na ŋanniŋana n sa lu ki got.” 6Ki Simon nan u leeb na ji din lu bi janlaant na ki soor janii bonchiann; ki bi janlaant ji yaa lin pat. 7Li paak, ki bi kabint bi leeb burgbetleer na ni a bin baar ki tan sommib. Ba baar yoonba ki bi din donn janii ki tan gbeen bi burgbeta ŋannlee kura, ki li din kpiak ki bi ji yaa bin kpii nyun ni.
8Ki Simon Piita nba din la linba teen na, ki u gbaan Yisa tɔɔnn ni ŋaan yetɔ a “N Yomdaanɔ, n tee biitdaanɔe. N ki ŋan nan ki n nakinani. Nyik min ŋaan kii saa,” 9kimaan ba soor janii bonchiann biaŋinba na, ki li bakit Simon Piita nan u naasinyɔɔsinba na kur, 10nan u leeb, Jems nan Jɔɔnn nba din tee Sebedee waas na. Ki Yisa bet Simon a “Daa tiin jaŋmaanii. La jii dinna ki saa, a sa saan kii daak niib kii baat namm n boor.”
11Ŋanne ki bi ji din tut bi burgbeta maŋ ki donn gbingbann, ŋaan nyik bi bont kur leŋ ŋaan waa Yisa.
Yisa nba din te ki gbaatir paak biaŋinba
(Matiu 8.1-4; Mak 1.40-45)
12Sianyoo ki Yisa din be dosau, ki gbaatir din be leŋ ki yiaru na be u paak bonchiann. Wa din tan la Yisa yoonba, ki u baar ki gbaan funfabir u tɔɔnn ki miarɔ a “N Yomdaanɔ, a sa fit ki te ki n ŋaauk na-n gbenna. A kan sakii?”
13Ki Yisa tant u nuu ŋaan siiu ki yetɔ a “N saka. A ŋaauk maŋ-n gbenn.” Li taakpaak ni ki u ŋaauk na set gbenn. 14Ŋanne ki Yisa kpaanɔ a “Daa piak sɔɔ barii na. I saa Yennu mantɔɔ boor ki jii a mɔŋ ki wannɔ, ki bia mann marouŋ ki tur Yennu kaman nan Moses nba din senn ki jiin gbaata paaku po na, ki sɔɔ kur-n bann nan a ŋaauk maŋ set gbenna.”
15Barmɔnii ki Yisa sann set din doo bonchiann ki gar sinsinn yoo na, ki niburchiauŋ din lakin u boor a bii gbiintir u maan, ki baatib nba be leŋ na bia loon bii laat paaku. 16Ŋaan u din tuu yɔɔ nyi ki saa muuk ni ki saa mei Yennu.
Yisa nba din te ki gbanankpeenn daanɔ paak biaŋinba
(Matiu 9.1-8; Mak 2.1-12)
17Sianyoo ki Farisiinba nan sennu wannteeb mun din nyii Galilee doo kur ni, nan Judea doo kur ni, nan Jerusalem, ki baar Yisa boor. Li daar ki Yisa din want niib Yennu maan ŋasiak nna diiuk ni, ki Farisiinba nan sennu wannteeb maŋ kar leŋ, ki ti Yomdaanɔ Yennu paŋ din be Yisa ni a wuu te ki niib-n paak. 18Ki nisiab din tan baat ki jii baatsɔɔ liaŋ paak, wunba ki u gbanant kpo, ki bi din koor a bin jiiu ki kɔɔ nanɔ diiuk maŋ ni ki birɔ Yisa tɔɔnn, 19ŋaan bi din ki la yiar nba sa kɔɔ, kimaan niib din yabit bonchiann. Li paak ki bi din jiiu ki doo nanɔ mɔpinn paak, ki chɔɔ loot mɔpinn yur paak, ki sikinɔ nan liaŋ na ki tan birɔ Yisa tɔɔnn ni, niib na sinsuuk ni. 20Yisa nba din la ba teenɔ yada biaŋinba na, ki u bet jɔɔ na a “N yɔɔk, n nyik chab a biita.” 21Ki sennu wannteeb nan Farisiinba na ji din dukii bi para ni a “Nilanɔpoe mun piak nna ki jikit Yennu yikoo u yur paaki? Ŋmee daa sa fit nyik chab nirɔ biiti, ki li ki tee Yennu kuukɔɔ kaa?”
22Yisa ŋanin din mi ba dukii biaŋinba, ki u boib a “Bee ki i dukii nna? 23Ma yet baatɔɔ na a ‘N nyik chab a biit,’ amii ma yaa n yetɔ a ‘Fiit kii somm na,’ maan munnlee na sinsuuk ni lannpoe paari? 24N ji sa wanni nan min nisaarik Bik mɔk yikoo tingbouŋ na ni ki sa nyik chab niib bi biit;” ŋanne ki u jiant bet jɔɔ nba ki u gbanant kpo na a “Fini, fiit ki jii a liaŋ kii kun a ŋaak ni.” 25Li taakpaak ni ki jɔɔ maŋ din fiir ki set bi numm po, ki jii u liaŋ maŋ, ki kun; wa saa na ki u piak dont Yennu. 26Ki li bakit bi kura, ki jaŋmaanii bia soorib; ki bi piak dont Yennu ki yeen a “Dinna ti jia la duniaa.”
Yisa nba din yiin sɔɔ ki u sann din tee Liifai
(Matiu 9.9-13; Mak 2.13-17)
27Li poorpoe ki Yisa din nyii ŋaak maŋ ni ki saa, ki saa la lampogaartɔɔ, ki u sann din tee Liifai, ki u kar u toonn paak lampogaar diiuk ni; ki Yisa betɔ a “Fiit kii waan.” 28Ki u nyik u bont kur ŋaan fiir ki waau.
29Ŋanne ki u tan teen jaangbeŋŋir u ŋaak ni ki tur Yisa; ki lampogaarteeb nan niib bonchiann din baar ki lakin dii namm. 30Ki Farisiinba siab nan bi sennu wannteeb din baar ki tan burin nan Yisa poorpoweiteeb ki boib a “Bee ki i di ki nyu nan lampogaarteeb nan biitdammi?”
31Ki Yisa din jiant ki gatib a “Binba mɔk laafia, bi ki loon tebtɔɔ; binba yiar, ŋamme loon. 32N ki baar a n bet yentina kaa a bin nyik bi biiti, ŋaan n baar ma n bet biitdamme a bin nyik bi biit.”
Mɔloru labaar
(Matiu 9.14-17; Mak 2.18-22)
33Ŋanne ki nisiab din yet Yisa a “Jɔɔnn poorpoweiteeb yɔɔ lorin mɔi ki mei Yennu, ki Farisiinba poorpoweiteeb mun tee nna, ŋaan a poorpoweiteeb ŋanin di ki nyu.”
34Ki u jiin ki boib a “Poochianu-i be, sɔɔ sa fit ki te ki saamm-n lor mɔi yoo nba ki pooyookir sɔrɔ daa be bi boor niwa-aa? Aaii. 35Ŋaan sianyoo baat na ki bi tan sa nyinn pooyookir sɔrɔ na bi boor; li yoo maŋe ki bi sa lor mɔi.”
36Ki Yisa din yimm barjouk biak a “Sɔɔ kan pat tapaann chabir ki lik takperi. Li-i tee ki u teen nnaie, u sa biir tapaann maŋ, ŋaan chabpaann nan takper maŋ bia lek kii jami. 37Nnee mun ki sɔɔ kan jii dapaanin ki liak dalenkper ni. Li-i tee ki u teen nnaie, ki dapaanin na tan mɔ yoonba, li sa yeer dalenkper nae, ki daan maŋ-n mɔɔn yann, ki linlenn na mun-n yeer. 38See ki a jii dapaanin ki liak linlenpaann ni. 39Tɔn, li-i tee ki wunba nyu dakperiie, u-i la dapaamm, u ki faatiri; u sa yet a ‘Dakperiie man.’ ”
Цяпер абрана:
Luk 5: BIM
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Luk 5
5
Biaŋinba ki Yisa din gann u sinsinn poorpoweiteeb
(Matiu 4.18-22; Mak 1.16-20)
1Dasiar ki Yisa din saan saa see mɔkgbeŋŋir nba ki bi yi Genesaret na mɔb paak ki want niib Yennu maan; ki niburchiauŋ din tut gbin a bin gbiint u maan maŋ. 2Ki burgbeta ŋannlee din be mɔkgbeŋŋir maŋ gbingbann, ki jansoor teeb din nyikir ŋaan chat saan a bin wuur bi janlaant. Yisa nba din la burgbeta maŋ yoonba, 3ki u kɔɔ Simon yar ni, ŋaan betɔ a wun chat waan ki sikin nyun ni. Wa chat waan ki sikin, ŋanne ki u kar burgbetir maŋ ni, ŋaan want niburchiauŋ na Yennu maan.
4Wa din wann niib ki gbenn yoonba ki u bia bet Simon a “Jirin nyun sunsuŋ po ki lu i janlaant ki soor janii.” 5Ŋaan ki Simon jiin ki betɔ a “Chanbaa, wonn nyiɔk munna ti won yabir a ti soor janii, ŋaan ki fit soor siari. Tɔn, fa pak linba na ŋanniŋana n sa lu ki got.” 6Ki Simon nan u leeb na ji din lu bi janlaant na ki soor janii bonchiann; ki bi janlaant ji yaa lin pat. 7Li paak, ki bi kabint bi leeb burgbetleer na ni a bin baar ki tan sommib. Ba baar yoonba ki bi din donn janii ki tan gbeen bi burgbeta ŋannlee kura, ki li din kpiak ki bi ji yaa bin kpii nyun ni.
8Ki Simon Piita nba din la linba teen na, ki u gbaan Yisa tɔɔnn ni ŋaan yetɔ a “N Yomdaanɔ, n tee biitdaanɔe. N ki ŋan nan ki n nakinani. Nyik min ŋaan kii saa,” 9kimaan ba soor janii bonchiann biaŋinba na, ki li bakit Simon Piita nan u naasinyɔɔsinba na kur, 10nan u leeb, Jems nan Jɔɔnn nba din tee Sebedee waas na. Ki Yisa bet Simon a “Daa tiin jaŋmaanii. La jii dinna ki saa, a sa saan kii daak niib kii baat namm n boor.”
11Ŋanne ki bi ji din tut bi burgbeta maŋ ki donn gbingbann, ŋaan nyik bi bont kur leŋ ŋaan waa Yisa.
Yisa nba din te ki gbaatir paak biaŋinba
(Matiu 8.1-4; Mak 1.40-45)
12Sianyoo ki Yisa din be dosau, ki gbaatir din be leŋ ki yiaru na be u paak bonchiann. Wa din tan la Yisa yoonba, ki u baar ki gbaan funfabir u tɔɔnn ki miarɔ a “N Yomdaanɔ, a sa fit ki te ki n ŋaauk na-n gbenna. A kan sakii?”
13Ki Yisa tant u nuu ŋaan siiu ki yetɔ a “N saka. A ŋaauk maŋ-n gbenn.” Li taakpaak ni ki u ŋaauk na set gbenn. 14Ŋanne ki Yisa kpaanɔ a “Daa piak sɔɔ barii na. I saa Yennu mantɔɔ boor ki jii a mɔŋ ki wannɔ, ki bia mann marouŋ ki tur Yennu kaman nan Moses nba din senn ki jiin gbaata paaku po na, ki sɔɔ kur-n bann nan a ŋaauk maŋ set gbenna.”
15Barmɔnii ki Yisa sann set din doo bonchiann ki gar sinsinn yoo na, ki niburchiauŋ din lakin u boor a bii gbiintir u maan, ki baatib nba be leŋ na bia loon bii laat paaku. 16Ŋaan u din tuu yɔɔ nyi ki saa muuk ni ki saa mei Yennu.
Yisa nba din te ki gbanankpeenn daanɔ paak biaŋinba
(Matiu 9.1-8; Mak 2.1-12)
17Sianyoo ki Farisiinba nan sennu wannteeb mun din nyii Galilee doo kur ni, nan Judea doo kur ni, nan Jerusalem, ki baar Yisa boor. Li daar ki Yisa din want niib Yennu maan ŋasiak nna diiuk ni, ki Farisiinba nan sennu wannteeb maŋ kar leŋ, ki ti Yomdaanɔ Yennu paŋ din be Yisa ni a wuu te ki niib-n paak. 18Ki nisiab din tan baat ki jii baatsɔɔ liaŋ paak, wunba ki u gbanant kpo, ki bi din koor a bin jiiu ki kɔɔ nanɔ diiuk maŋ ni ki birɔ Yisa tɔɔnn, 19ŋaan bi din ki la yiar nba sa kɔɔ, kimaan niib din yabit bonchiann. Li paak ki bi din jiiu ki doo nanɔ mɔpinn paak, ki chɔɔ loot mɔpinn yur paak, ki sikinɔ nan liaŋ na ki tan birɔ Yisa tɔɔnn ni, niib na sinsuuk ni. 20Yisa nba din la ba teenɔ yada biaŋinba na, ki u bet jɔɔ na a “N yɔɔk, n nyik chab a biita.” 21Ki sennu wannteeb nan Farisiinba na ji din dukii bi para ni a “Nilanɔpoe mun piak nna ki jikit Yennu yikoo u yur paaki? Ŋmee daa sa fit nyik chab nirɔ biiti, ki li ki tee Yennu kuukɔɔ kaa?”
22Yisa ŋanin din mi ba dukii biaŋinba, ki u boib a “Bee ki i dukii nna? 23Ma yet baatɔɔ na a ‘N nyik chab a biit,’ amii ma yaa n yetɔ a ‘Fiit kii somm na,’ maan munnlee na sinsuuk ni lannpoe paari? 24N ji sa wanni nan min nisaarik Bik mɔk yikoo tingbouŋ na ni ki sa nyik chab niib bi biit;” ŋanne ki u jiant bet jɔɔ nba ki u gbanant kpo na a “Fini, fiit ki jii a liaŋ kii kun a ŋaak ni.” 25Li taakpaak ni ki jɔɔ maŋ din fiir ki set bi numm po, ki jii u liaŋ maŋ, ki kun; wa saa na ki u piak dont Yennu. 26Ki li bakit bi kura, ki jaŋmaanii bia soorib; ki bi piak dont Yennu ki yeen a “Dinna ti jia la duniaa.”
Yisa nba din yiin sɔɔ ki u sann din tee Liifai
(Matiu 9.9-13; Mak 2.13-17)
27Li poorpoe ki Yisa din nyii ŋaak maŋ ni ki saa, ki saa la lampogaartɔɔ, ki u sann din tee Liifai, ki u kar u toonn paak lampogaar diiuk ni; ki Yisa betɔ a “Fiit kii waan.” 28Ki u nyik u bont kur ŋaan fiir ki waau.
29Ŋanne ki u tan teen jaangbeŋŋir u ŋaak ni ki tur Yisa; ki lampogaarteeb nan niib bonchiann din baar ki lakin dii namm. 30Ki Farisiinba siab nan bi sennu wannteeb din baar ki tan burin nan Yisa poorpoweiteeb ki boib a “Bee ki i di ki nyu nan lampogaarteeb nan biitdammi?”
31Ki Yisa din jiant ki gatib a “Binba mɔk laafia, bi ki loon tebtɔɔ; binba yiar, ŋamme loon. 32N ki baar a n bet yentina kaa a bin nyik bi biiti, ŋaan n baar ma n bet biitdamme a bin nyik bi biit.”
Mɔloru labaar
(Matiu 9.14-17; Mak 2.18-22)
33Ŋanne ki nisiab din yet Yisa a “Jɔɔnn poorpoweiteeb yɔɔ lorin mɔi ki mei Yennu, ki Farisiinba poorpoweiteeb mun tee nna, ŋaan a poorpoweiteeb ŋanin di ki nyu.”
34Ki u jiin ki boib a “Poochianu-i be, sɔɔ sa fit ki te ki saamm-n lor mɔi yoo nba ki pooyookir sɔrɔ daa be bi boor niwa-aa? Aaii. 35Ŋaan sianyoo baat na ki bi tan sa nyinn pooyookir sɔrɔ na bi boor; li yoo maŋe ki bi sa lor mɔi.”
36Ki Yisa din yimm barjouk biak a “Sɔɔ kan pat tapaann chabir ki lik takperi. Li-i tee ki u teen nnaie, u sa biir tapaann maŋ, ŋaan chabpaann nan takper maŋ bia lek kii jami. 37Nnee mun ki sɔɔ kan jii dapaanin ki liak dalenkper ni. Li-i tee ki u teen nnaie, ki dapaanin na tan mɔ yoonba, li sa yeer dalenkper nae, ki daan maŋ-n mɔɔn yann, ki linlenn na mun-n yeer. 38See ki a jii dapaanin ki liak linlenpaann ni. 39Tɔn, li-i tee ki wunba nyu dakperiie, u-i la dapaamm, u ki faatiri; u sa yet a ‘Dakperiie man.’ ”
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце