Luk 7
7
Rom tiŋ lanjimanba yudaanɔ daabir po
(Matiu 8.5-13)
1Yisa nba din wann niib bont kur ki gbenn na, ki u ji din gar saan Kapenaum. 2Ki Rom tiŋ lanjimanba yudaansɔɔ din be leŋ ki mɔk daabilonkak, ki yiaru din soorɔ ki u per kuuma. 3Li yoo maŋ ki lanjimanba yudaanɔ na gbat Yisa po ki tun Juu teeb saakab u boor ni a bin saan ki saa barimɔ ki wun baar ki tan te ki u daabir na-n paak. 4Ki bi din saan Yisa boor ki saa barimɔ bonchiann ki yetɔ a “Jɔɔ maŋ jaŋ nan fan sommɔwa, 5kimaan u loon ti niib. U bia poŋ maa Yenjiantu diiuk ki turita gbaa.”
6Ŋanne ki Yisa din weib saan. Wa din saa per ŋaak maŋ yoonba, ki lanjimanba yudaanɔ maŋ din tun u yɔɔsinba ki betib a bin yet Yisa nna a “N Yomdaanɔ, daa bakint a mɔŋ ki baati, kimaan n ki ŋan nan fan baar kɔɔ n ŋaak ni. 7N bia ki ŋan nan ki n nakin a boori. N loon fan lek pak mɔbonne, ki te ki n daabir na-n paak. 8Kimaan n mɔk binba garin ki yenin, ki n mun dia lanjimanba ki yemm, ki fit tian yenɔ paak, ‘Baat,’ ki u baat; ki tian lɔɔ paak a ‘Saant,’ ki u saa; ki bia te ki n daabir tuun ma loon biaŋinba.”
9Yisa nba din gbat linba na, ki li yaar litɔ, ki u jiant ki got niburchiauŋ nba waa u poorpo na ki betib a “N beerie, n daa ki mi la sɔɔ ki u teenin yada na booru yimm Israel teeb booru niwa gbaa.”
10Li yoo maŋe ki lanjimanba yudaanɔ maŋ yɔɔsinba na din ŋmat ki saan u ŋaak ni ki saa baar sɔɔ daabir maŋ paaka.
Yisa nba din fiin pakɔɔk bija kuun ni labaar
11Li din yente ki Yisa din saa doo nba ki bi yi Neenn na, ki u poorpoweiteeb nan niburchiauŋ din waau. 12Wa din saa baar doo maŋ tammɔb ni yoonba, li maama na ki u la ki niib bonchiann nyi doo maŋ ni ki jii kuun a bin saan pii. Kpeemɔ maŋ naa din tee pakɔɔke; ki ŋɔɔe din tee u bijayemmir. 13Ki Yisa nba din la pakɔɔk na, ki ninbaauk soorɔ, ki u yetɔ a “Daa mɔ,” 14ŋaan saan sii kuun liaŋ na paak; ki binba jiiu na set. Ki Yisa yet a “Ŋaajɔɔ, fiit.” 15Ki kpeemɔ maŋ manfoor jen, ki u fiir ki kar ki piin piak. Ki Yisa din jiiu ki kubinɔ u naa.
16Ki jaŋmaanii ji din soor niib kur nba be leŋ na, ki bi din dont Yennu sann ki yeen leeb a “Yennu sɔkiniijaann be ti sinsuuk ni;” ki bia yeen bi leeb a “Yennu sik a wun somm u niib.” 17Ki Yisa labaar na din yat Judea tiŋ nan digbankpinii kpinii nba kpia leŋ maŋ kura.
Jɔɔnn nba din wuur niib Yennu nyunwuru na labaar
(Matiu 11.2-19)
18Li poorpoe ki Jɔɔnn nba wuur niib Yennu nyunwuru na poorpoweiteeb din saan ki saa betɔ li labaar kur; ki u tan yiin u poorpoweiteeb bannlee bi ni, 19ki tumm ti Yomdaanɔ Yisa boor, a bin saa boiɔ a “Fine tee wunba yaa wun tan baar na amii tii daa kii guu li yɔɔ?” 20Ki bi din saan Yisa peŋ ki saa betɔ a “Jɔɔnn wunba wuur niib Yennu nyunwuru na tumit a peŋ a ti tan boia ki laan fii tee wunba yaa wun tan baar na amii tii daa kii guu lɔɔ?”
21Li yoo li yoo na ki Yisa din te ki baatib nan yiarpaarii damm bonchiann paak, ki nyinn narinbiit siab ni, ki nyɔɔnt jɔɔnii bonchiann; 22ki u ji bet Jɔɔnn toomii na “Yi ŋmat man ki saa bet Jɔɔnn linba ki i la ki bia gbat na; a i la ki jɔɔnii nyɔɔntir, ki wɔbii taa naatir ki bi somm, ki gbaata ŋaat gbent, ki tukpaa ji gbia, ki kpeemm fi kuun ni, ki talasdamm gbiintir barŋanii mɔɔntii. 23Ki parpeenn be wunba ki birisin na paak.”
24Jɔɔnn toomiinba nba din ŋmat na poorpoe ki Yisa ji din piin ki boi niib maŋ buboit ki jikit saa Jɔɔnn po a “Ya daan saan Jɔɔnn peŋ muuk ni na, i daan dukii nan i sa saa la bee? I daan mi a i sa la muuk nba ki wouŋ damm naee? 25amii i mantik jia daan saan a i saa la bee? Nirɔ ki u lia taŋant amii? Nnara, niib nba lia taŋant ki be bi yama ni na be kpanbara ŋei nie. 26Tɔn, wantin man nibooru nba ki i daan saan muuk na ni a i saa la. I daan dukin nan i sa la Yennu sɔkinii amii? Barmɔniie ki n beeri, Jɔɔnn ŋanin gar sɔkiniiwa. 27Ŋɔɔ poe ki Yennu din yet u gbouŋ ni a ‘Nnara, n sa tun n toomu a tɔɔnn po, wunba sa gar ki ŋamm a baaru sɔnu.’ ” 28Ki Yisa bia din yetib a “N beerie, bi daa ki mi mar sɔɔ ki u chee Jɔɔnni, ŋaan wunba joont tarik Yennu naan ni cheeu.”
29Ki niib kur nan lampogaarteeb din sak a Yennu ŋan, kimaan bi din gbat Jɔɔnn mɔɔntii, ki ŋaan ki u wurib Yennu nyunwuru, 30ŋaan ki Farisiinba nan sennu wannteeb din ki gaar linba ki Yennu lor turib, kimaan bi din ki sak a Jɔɔnn-n wurib Yennu nyunwuru.
31Ki Yisa bia yetib a “Yimm mɔtana nigbouŋ na, n sa bikini nan bee na? N taan mi i tee niboor bee na? 32I naan nan waas nba tuu tikir ki kar daak ni ki tian leeb paak nee a ‘Ti peeb yerii ki teeni, ŋaan ki i ki waa. Ti mɔ kpemɔnii ki teeni, ŋaan ki i ki mɔ fabini.’ 33Yimm mɔtana nigbouŋ na mun naan nan waas maŋe, kimaan Jɔɔnn din baar ki ki di jemɔnti, ki bia ki nyu daami, ŋaan ki i yaa a u waate; 34ki min nisaarik Bik mun tan baar ki di ki nyu, ŋaan ki i yaa a ‘Gotir man, a u tee podaanɔ nan danyuruko; a u bia tee lampogaarteeb nan biitdamm yɔɔke.’ 35Tɔn, binba kur mɔk Yennu yan tuu yaa a li ŋan.”
Yisa nba din tun biaŋinba Farisiisɔɔ ŋaak ni
36Ki Farisiisɔɔ din be, ki din tan yiin Yisa a wun baar ki di jeet u ŋaak ni; ki Yisa din saan jɔɔ na ŋaak ni, ki bi saa lakin kar ki dii. 37Ki poosɔɔ mun din be doo maŋ ni ki tee bonchonchonn; ki wa tan gbat a Yisa di jeet ŋaak maŋ ni, ki u baar nan salenŋann nba gbee nan tulaarii, 38ki din set Yisa poor, u taa boor, ŋaan mɔ; ki u ninnyuut baa Yisa taa paak ki tan maak; ki u din tan jii u yut ki fian Yisa taa, ŋaan barin pit, ki tan but tulaarii na u taa paak. 39Ki Farisiijɔɔ nba yiin Yisa na din la linba na, ki u dukin u par ni a “Jɔɔ na-i bo-i tee Yennu sɔkiniie nan barmɔnii, a u bo sa bann poo na nba tee poosɔɔ nbae ki siinɔ na. U bo sa bann nan u tee biitdaanɔwa.”
40Ŋanne ki Yisa yet Farisiijɔɔ maŋ a “Simon, n mɔk mɔbonsiar ki yaa n beta.”
Ki Simon jiin ki yetɔ, “Chanbaa, betirin.”
41Ki Yisa yetɔ a “Jab bannlee din be ki mɔk likikpentitɔɔ pann. Yenɔ din mɔk u pann pɔŋ kobii ŋannlee nan piiŋŋmu, ki lɔɔ na mun din mɔk u pann pɔŋ piinnlee nan ŋaŋŋmu. 42Bi bannlee maŋ sɔɔ din ki fit pa. Ŋanne ki u din chab bi kura a bii saa. Tɔn, i dukii nan ŋmee mantik sii loon likikpentitɔɔ maŋi?”
43Ki Simon jiin ki yetɔ a “N dukin nan li sii tee wunba ki u chab pann yab nee.”
Ki Yisa yetɔ a “A mɔk mɔnii,” 44ki din jiant got poo na, ŋaan bet Simon, “A la poo na-aa? N kɔɔ a ŋaak nna, ki a ki turin nyun ki n fobit n taa, ŋaan poo maŋ ŋanin fobit n taa nan u ninnyuut, ki bia jii u yut ki fiarin. 45Ŋaan fin ŋanin ki barin pitimi, ŋaan ŋɔɔ ŋanin bo ki nyik n taabarimu teee nan ma baar yoonba nawa. 46A bia lek ki sɔɔr n yut nan kpan, ŋaan poo maŋ bia jii tulaarii ki sɔɔr n taa. 47N beerae, n nyik u biit nba yab ki chabɔ; li paak te ki u mantik loonin bonchiann. Ŋaan wunba ki n nyik chab u biit waaminna, ŋɔɔe loonin waaminna mun.”
48Ŋanne ki Yisa jiant ki yet poo na a “N nyik a biit ki chabawa.” 49Ki nileeb nba kar ki di na ji din piin beer bi leeb a “Waa, a ŋmapoe sa fit nyik chab nirɔ u biiti?”
50Ki Yisa bet poo na, “Fa teenin yada na, a la tinnuwa. Li paak, i saa nan parmaasir.”
Цяпер абрана:
Luk 7: BIM
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Luk 7
7
Rom tiŋ lanjimanba yudaanɔ daabir po
(Matiu 8.5-13)
1Yisa nba din wann niib bont kur ki gbenn na, ki u ji din gar saan Kapenaum. 2Ki Rom tiŋ lanjimanba yudaansɔɔ din be leŋ ki mɔk daabilonkak, ki yiaru din soorɔ ki u per kuuma. 3Li yoo maŋ ki lanjimanba yudaanɔ na gbat Yisa po ki tun Juu teeb saakab u boor ni a bin saan ki saa barimɔ ki wun baar ki tan te ki u daabir na-n paak. 4Ki bi din saan Yisa boor ki saa barimɔ bonchiann ki yetɔ a “Jɔɔ maŋ jaŋ nan fan sommɔwa, 5kimaan u loon ti niib. U bia poŋ maa Yenjiantu diiuk ki turita gbaa.”
6Ŋanne ki Yisa din weib saan. Wa din saa per ŋaak maŋ yoonba, ki lanjimanba yudaanɔ maŋ din tun u yɔɔsinba ki betib a bin yet Yisa nna a “N Yomdaanɔ, daa bakint a mɔŋ ki baati, kimaan n ki ŋan nan fan baar kɔɔ n ŋaak ni. 7N bia ki ŋan nan ki n nakin a boori. N loon fan lek pak mɔbonne, ki te ki n daabir na-n paak. 8Kimaan n mɔk binba garin ki yenin, ki n mun dia lanjimanba ki yemm, ki fit tian yenɔ paak, ‘Baat,’ ki u baat; ki tian lɔɔ paak a ‘Saant,’ ki u saa; ki bia te ki n daabir tuun ma loon biaŋinba.”
9Yisa nba din gbat linba na, ki li yaar litɔ, ki u jiant ki got niburchiauŋ nba waa u poorpo na ki betib a “N beerie, n daa ki mi la sɔɔ ki u teenin yada na booru yimm Israel teeb booru niwa gbaa.”
10Li yoo maŋe ki lanjimanba yudaanɔ maŋ yɔɔsinba na din ŋmat ki saan u ŋaak ni ki saa baar sɔɔ daabir maŋ paaka.
Yisa nba din fiin pakɔɔk bija kuun ni labaar
11Li din yente ki Yisa din saa doo nba ki bi yi Neenn na, ki u poorpoweiteeb nan niburchiauŋ din waau. 12Wa din saa baar doo maŋ tammɔb ni yoonba, li maama na ki u la ki niib bonchiann nyi doo maŋ ni ki jii kuun a bin saan pii. Kpeemɔ maŋ naa din tee pakɔɔke; ki ŋɔɔe din tee u bijayemmir. 13Ki Yisa nba din la pakɔɔk na, ki ninbaauk soorɔ, ki u yetɔ a “Daa mɔ,” 14ŋaan saan sii kuun liaŋ na paak; ki binba jiiu na set. Ki Yisa yet a “Ŋaajɔɔ, fiit.” 15Ki kpeemɔ maŋ manfoor jen, ki u fiir ki kar ki piin piak. Ki Yisa din jiiu ki kubinɔ u naa.
16Ki jaŋmaanii ji din soor niib kur nba be leŋ na, ki bi din dont Yennu sann ki yeen leeb a “Yennu sɔkiniijaann be ti sinsuuk ni;” ki bia yeen bi leeb a “Yennu sik a wun somm u niib.” 17Ki Yisa labaar na din yat Judea tiŋ nan digbankpinii kpinii nba kpia leŋ maŋ kura.
Jɔɔnn nba din wuur niib Yennu nyunwuru na labaar
(Matiu 11.2-19)
18Li poorpoe ki Jɔɔnn nba wuur niib Yennu nyunwuru na poorpoweiteeb din saan ki saa betɔ li labaar kur; ki u tan yiin u poorpoweiteeb bannlee bi ni, 19ki tumm ti Yomdaanɔ Yisa boor, a bin saa boiɔ a “Fine tee wunba yaa wun tan baar na amii tii daa kii guu li yɔɔ?” 20Ki bi din saan Yisa peŋ ki saa betɔ a “Jɔɔnn wunba wuur niib Yennu nyunwuru na tumit a peŋ a ti tan boia ki laan fii tee wunba yaa wun tan baar na amii tii daa kii guu lɔɔ?”
21Li yoo li yoo na ki Yisa din te ki baatib nan yiarpaarii damm bonchiann paak, ki nyinn narinbiit siab ni, ki nyɔɔnt jɔɔnii bonchiann; 22ki u ji bet Jɔɔnn toomii na “Yi ŋmat man ki saa bet Jɔɔnn linba ki i la ki bia gbat na; a i la ki jɔɔnii nyɔɔntir, ki wɔbii taa naatir ki bi somm, ki gbaata ŋaat gbent, ki tukpaa ji gbia, ki kpeemm fi kuun ni, ki talasdamm gbiintir barŋanii mɔɔntii. 23Ki parpeenn be wunba ki birisin na paak.”
24Jɔɔnn toomiinba nba din ŋmat na poorpoe ki Yisa ji din piin ki boi niib maŋ buboit ki jikit saa Jɔɔnn po a “Ya daan saan Jɔɔnn peŋ muuk ni na, i daan dukii nan i sa saa la bee? I daan mi a i sa la muuk nba ki wouŋ damm naee? 25amii i mantik jia daan saan a i saa la bee? Nirɔ ki u lia taŋant amii? Nnara, niib nba lia taŋant ki be bi yama ni na be kpanbara ŋei nie. 26Tɔn, wantin man nibooru nba ki i daan saan muuk na ni a i saa la. I daan dukin nan i sa la Yennu sɔkinii amii? Barmɔniie ki n beeri, Jɔɔnn ŋanin gar sɔkiniiwa. 27Ŋɔɔ poe ki Yennu din yet u gbouŋ ni a ‘Nnara, n sa tun n toomu a tɔɔnn po, wunba sa gar ki ŋamm a baaru sɔnu.’ ” 28Ki Yisa bia din yetib a “N beerie, bi daa ki mi mar sɔɔ ki u chee Jɔɔnni, ŋaan wunba joont tarik Yennu naan ni cheeu.”
29Ki niib kur nan lampogaarteeb din sak a Yennu ŋan, kimaan bi din gbat Jɔɔnn mɔɔntii, ki ŋaan ki u wurib Yennu nyunwuru, 30ŋaan ki Farisiinba nan sennu wannteeb din ki gaar linba ki Yennu lor turib, kimaan bi din ki sak a Jɔɔnn-n wurib Yennu nyunwuru.
31Ki Yisa bia yetib a “Yimm mɔtana nigbouŋ na, n sa bikini nan bee na? N taan mi i tee niboor bee na? 32I naan nan waas nba tuu tikir ki kar daak ni ki tian leeb paak nee a ‘Ti peeb yerii ki teeni, ŋaan ki i ki waa. Ti mɔ kpemɔnii ki teeni, ŋaan ki i ki mɔ fabini.’ 33Yimm mɔtana nigbouŋ na mun naan nan waas maŋe, kimaan Jɔɔnn din baar ki ki di jemɔnti, ki bia ki nyu daami, ŋaan ki i yaa a u waate; 34ki min nisaarik Bik mun tan baar ki di ki nyu, ŋaan ki i yaa a ‘Gotir man, a u tee podaanɔ nan danyuruko; a u bia tee lampogaarteeb nan biitdamm yɔɔke.’ 35Tɔn, binba kur mɔk Yennu yan tuu yaa a li ŋan.”
Yisa nba din tun biaŋinba Farisiisɔɔ ŋaak ni
36Ki Farisiisɔɔ din be, ki din tan yiin Yisa a wun baar ki di jeet u ŋaak ni; ki Yisa din saan jɔɔ na ŋaak ni, ki bi saa lakin kar ki dii. 37Ki poosɔɔ mun din be doo maŋ ni ki tee bonchonchonn; ki wa tan gbat a Yisa di jeet ŋaak maŋ ni, ki u baar nan salenŋann nba gbee nan tulaarii, 38ki din set Yisa poor, u taa boor, ŋaan mɔ; ki u ninnyuut baa Yisa taa paak ki tan maak; ki u din tan jii u yut ki fian Yisa taa, ŋaan barin pit, ki tan but tulaarii na u taa paak. 39Ki Farisiijɔɔ nba yiin Yisa na din la linba na, ki u dukin u par ni a “Jɔɔ na-i bo-i tee Yennu sɔkiniie nan barmɔnii, a u bo sa bann poo na nba tee poosɔɔ nbae ki siinɔ na. U bo sa bann nan u tee biitdaanɔwa.”
40Ŋanne ki Yisa yet Farisiijɔɔ maŋ a “Simon, n mɔk mɔbonsiar ki yaa n beta.”
Ki Simon jiin ki yetɔ, “Chanbaa, betirin.”
41Ki Yisa yetɔ a “Jab bannlee din be ki mɔk likikpentitɔɔ pann. Yenɔ din mɔk u pann pɔŋ kobii ŋannlee nan piiŋŋmu, ki lɔɔ na mun din mɔk u pann pɔŋ piinnlee nan ŋaŋŋmu. 42Bi bannlee maŋ sɔɔ din ki fit pa. Ŋanne ki u din chab bi kura a bii saa. Tɔn, i dukii nan ŋmee mantik sii loon likikpentitɔɔ maŋi?”
43Ki Simon jiin ki yetɔ a “N dukin nan li sii tee wunba ki u chab pann yab nee.”
Ki Yisa yetɔ a “A mɔk mɔnii,” 44ki din jiant got poo na, ŋaan bet Simon, “A la poo na-aa? N kɔɔ a ŋaak nna, ki a ki turin nyun ki n fobit n taa, ŋaan poo maŋ ŋanin fobit n taa nan u ninnyuut, ki bia jii u yut ki fiarin. 45Ŋaan fin ŋanin ki barin pitimi, ŋaan ŋɔɔ ŋanin bo ki nyik n taabarimu teee nan ma baar yoonba nawa. 46A bia lek ki sɔɔr n yut nan kpan, ŋaan poo maŋ bia jii tulaarii ki sɔɔr n taa. 47N beerae, n nyik u biit nba yab ki chabɔ; li paak te ki u mantik loonin bonchiann. Ŋaan wunba ki n nyik chab u biit waaminna, ŋɔɔe loonin waaminna mun.”
48Ŋanne ki Yisa jiant ki yet poo na a “N nyik a biit ki chabawa.” 49Ki nileeb nba kar ki di na ji din piin beer bi leeb a “Waa, a ŋmapoe sa fit nyik chab nirɔ u biiti?”
50Ki Yisa bet poo na, “Fa teenin yada na, a la tinnuwa. Li paak, i saa nan parmaasir.”
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце