Luk 8
8
Poob nba din waa Yisa labaar
1Li poorpo ki Yisa din lin digbansaakara ni nan digbanbis ni, ki mɔɔntir Yennu naan baaru barŋanii, ki u poorpoweiteeb piik nan bannlee din waau. 2Poob nba ki u din nyinn narinbiit bi ni, ki bia te ki bi yiarii na gbenn na mun din be leŋ maŋ ki waau. Yenɔ din tee Mari (wunba ki bi din yiu Magdaliin na). Ŋɔɔe din tee wunba ki Yisa din nyinn narinbiit bannlore u ni na; 3ki leeb mun din tee Chusa ŋaapoo Joanna (Chusa din tee Herod ŋaatoontunna saakɔɔ), nan Susanna, nan pooleeb bonchiann. Ki bi kura din jikit bi mɔŋ mɔŋ bont ki teen Yisa ki din sommit ŋɔɔ nan u poorpoweiteeb.
Tanburtɔɔ barjouk
(Matiu 13.1-9; Mak 4.1-9)
4Niib lek din nyi digbann nan digbann ki baat Yisa boor, ki niburchiauŋ din lakin, ki Yisa yimm barjouk a:
5“Jasɔɔ din doo u kpaab ni a wun saa bur dii. Wa din buur na, ki bonboorii na yenninba din yat baa sanjouk paak; ki niib gaar ŋmaat li paak, ki nɔɔnii bia tɔkii ki di. 6Ki leer mun din baa tanpuut paak. Bonboorii maŋ nba din tan pia yoonba, li tan kpoe, kimaan li din ki baa maatuk ni. 7Ki leer mun din baa kunkonii ni, ki tan lakin pia ki kpaat namm, ŋaan ki kunkonii ŋmabir. 8Ŋaan ki leer mun baa tinŋaŋ ni, ki pia ki kpaat bonŋann, ki tan nan nyik nyik nyik.”
Yisa nba yimm barjouk maŋ ki gbenn na, ki u yet a “Wunba mɔk tuba ki sa gbat, wun gbiint.”
Barjokit yinu paak
(Matiu 13.10-17; Mak 4.10-12)
9Li poorpoe ki u poorpoweiteeb din boiɔ a “Barjouk na paakii?” 10Ki u jiin ki betib a “Yimm ŋanin, Yennu chab a yin bann woonin ni barii ki jii jiin u naan po, ŋaan nileeb ŋanin, u yimm barjokite, a bin got ŋaan daa laati, ki bia gbiint, ŋaan daa bant li paaki.”
Tanburtɔɔ barjouk na paak
(Matiu 13.18-23; Mak 4.13-20)
11“Barjouk na paak tee nnee: Bonboorii nba nee tee Yennu maan. 12Ki linba baa sanjouk na paak naan nan niib nba ki n maan kɔɔ bi tuba ni, ŋaan ki Sintaanii tuu baar ki nyinnir bi para ni, a bi ji daa teenin yada ki laat tinnu. 13Ki linba mun baa tanpuut paak naan nan binba gbat n maan nan parpeenn, ŋaan ki li daa ki sik bi para ni fanu, ki bi tuu teenin yada yoo waaminna, ŋaan yoo nba ki jinjammii baarib, bi tuu yêt n weiue. 14Ki linba mun baa kunkonii ni na naan nan binba gbat n maan maŋ, ŋaan binbeŋ na daamii nan mɔkint loomm nan nianbiiuk nba be tingbouŋ na ni tuu nyakin maan maŋ bi para ni, ki li ŋakit. 15Ki linba mun baa tinŋaŋ ni na ŋanin naan nan popeendamm nba gbat n maan maŋ, ki bi para ni be fanu, ki bi dia maan na kenken, ki bia mɔk sukuru, ki nân nan barmɔnii.
Fitir barjouk
(Mak 4.21-25)
16“Sɔɔ kan joo fitir ŋaan likin ŋmaŋ li paaki, amii ki gur u gado lɔuŋ ni. See ki u jiir ki tɔɔn bonsiar nba fɔk paak, ki lin yent, ki niib-i jikii kɔɔ yoonba, bii laat yentu na. 17Barii nba kur woo, see ki li tan woot nyii paanu ni; ki linba mun liik, see ki li tan likit ki nyii.
18“Li paak, i mi man ya gbiintir Yennu maan biaŋinba. Tɔn, wunba gbat ki gaar bonŋann, u sa ŋamm gaar ki pukin, ŋaan wunba ki gbiintir, u sa kɔŋ linba ki u dukii a u mɔk na gbaa.”
Yisa naa nan u waarii labaar
(Matiu 12.46-50; Mak 3.31-35)
19Li yoo na ki Yisa naa nan u waarii din baar, ŋaan ki ki fit la sɔnu nba ki bi sa nakinɔ, kimaan niib na din yabita. 20Ki sɔɔ tan betɔ a “A naa nan a waarii be nanyer po ki loon bin la-a.”
21Ŋanne ki u yetib a “Binba gbia Yennu maan ki saak ki bia tuun li biaŋ, ŋamme tee n naa nan n waarii.”
Wouŋ nan nyun nba sak Yisa mɔb biaŋinba
(Matiu 8.23-27; Mak 4.35-41)
22Dasiar ki Yisa nan u poorpoweiteeb din kɔɔ burgbetir ni; ki u betib, “Ŋaant man ki ti poot ki saan mɔkgbeŋŋir na gbingbanleer po.” Ki bi piin saanu. 23Ba saa yoonba ki Yisa dɔɔr gɔɔn. Ki wounpaaruk tan fikit ki da mɔkgbeŋŋir maŋ ni, ki nyunpana pir ki kɔɔ burgbetir na ni ki tan yaa lin gbee, ki bi ji din kɔɔ ninbɔŋ ni. 24Ki u poorpoweiteeb din baar ki fiinɔ ki yi a “Chanbaa, chanbaa, ti be kuun nie.” Ki u fiir ki tian wouŋ nan nyunpana na paak a bin ŋmin, ki li ji din fɔɔ ki ŋmin soonna. 25Ki u jiant boi u poorpoweiteeb a “I ki teenin yada-aa?”
Ki jaŋmaanii din soorib, ki li bia yaar litib, ki bi boi bi leeb a “Jaboor bee na? ki u tan yet mɔb ki tur wouŋ nan nyunpana ki bi sak u mɔbu.”
Biaŋinba ki Yisa te ki nirɔ nba ki narinbiit be u ni na paak
(Matiu 8.28-34; Mak 5.1-20)
26Ki bi baar Gerasa tiŋ ni, ki set, ŋaan ki Galilee tiŋ biar poor po. 27Ki Yisa nba din nyii burgbetir na ni, ki Gerasa jasɔɔ din chetɔ; ki narinbiit din be jɔɔ maŋ ni; ki u din ki lia siari ki li yukir hei. U bia din ki saak kaar ŋaak ni, ŋaan dɔɔ kaat paak. 28-29Yoo kur narinbiit maŋ din tuu fiirɔe, ki u doo ni teeb din tuu guu-u ki baan u nii nan u taa nan jarit, ŋaan wun yan jarit na; ki narinbiit maŋ beerɔ ki kɔɔntɔ muuk. Wa din la Yisa yoonba, ki u yikin sanpaapowa, ŋaan gbaan Yisa tɔɔnn ni ki tian yet a “Yisa, wunba tee Yabint Yennu Bija, min nan fin, nlee mantiki? N barimae, a daa mukisirimi.” U din yet nna kimaan Yisa poŋ yakii nan narinbiiuk na a wun nyi jɔɔ na ni. 30Ki Yisa boiɔ, “A sannii?”
Ki u jiin a “N sann yi bure;” li paak tee a narinbiit bonchiann din be u ni. 31Li yoo na ki narinbiit maŋ ji din barin Yisa hei a u daa te ki bi saa bootsunsuŋ maŋ ni.
32Ki doorii bonchiann din be kunkonn na paak ki di; ki narinbiit na barin Yisa a wun chabib bin saan kɔɔ doorii maŋ ni; ki Yisa chabib sɔnu. 33Ŋanne ki narinbiit na nyii jɔɔ na ni ki saan saa kɔɔ doorii na ni; ki doorii na kur din tin burburbur ki nyii kunkonn na paak ki sik ki saa baa mɔkgbeŋŋir na ni, ki dii nyun.
34Dookpaarii na nba din la linba teen maŋ, ki bi chiar li yoo na, ki saa mɔɔnt li labaar doo ni nan kpaant ni. 35Ki niib baar a bin la linba tun na, ki saa baar Yisa boor, ki sɔɔ jɔɔ nba ki narinbiit poŋ nyii u ni na, ki u kar Yisa boor nan laafia nan u dudukit kura fanu, ki ji lia tiat; ki jaŋmaanii soor niib na. 36Ki binba lar nan bi nunii na betib biaŋinba ki Yisa te ki jɔɔ na paak. 37Ŋanne ki Gerasa tiŋ teeb kur din baar Yisa boor ki barimɔ a wun seet nna kii saa, kimaan jaŋmaanii soorib hei.
Ki Yisa ji din kɔɔ burgbetir na ni a wun ŋmat; 38ŋaan wa din yaa wun ŋmat yoonba na, ki jɔɔ nba ki narinbiit nyii u ni na barimɔ ki yeen a “Ŋaant ki min nan fin-n lakin saan.” Ŋaan ki Yisa din te ki u nyik ŋaan betɔ a, 39“I ŋmat kii kun a ŋaak ni ki saa mɔɔnt toonjaann nba ki Yennu tun ki tura na.”
Ki u ŋmat ki lin doo na kur ki mɔɔntir toonjaann nba ki Yisa tun ki turɔ na.
Jairus bonpobik baatuk labaar
(Matiu 9.18-26; Mak 5.21-43)
40Yoo nba ki Yisa din ŋmat ki saa poot mɔkgbeŋŋir na, ki sɔɔ ki niburchiauŋ din tookɔ nan parpeenn, kimaan bi kur poŋ din guu u baarue. 41Jasɔɔ nna din be leŋ ki bi din yiu Jairus; ki u din tee Yenjiantu diiuk saakɔɔ; ki u tan baar ki gbaan Yisa tɔɔnn ki barimɔ a wun baar u ŋaak ni, 42a kimaan u bonpoyemmir wunba tee bina piik nan ŋannlee bik nee yiar, ki per kuuma. Ŋanne ki ŋɔɔ nan Yisa din saa.
Poosɔɔ nba sii Yisa liatir ki la paaku biaŋinba
(Matiu 9.20-22; Mak 5.25-34)
Yisa nba din saa na ki niburchiauŋ na mun waau ki gbin muk ki tan tutɔ. 43Ki poosɔɔ nna mun bia din be leŋ, ki tee wunba siik faboŋ ki tan jaŋ bina piik nan ŋannlee, ki u din tan yat u bont kur ki tur tebteeb, ŋaan bi sɔɔ din ki fit tebɔ ki u paaki; 44ki u tan baar Yisa poor ki sii u liatir mɔgbann. Li taakpaak ni, ki u faboŋ na ji din jit. 45Ki Yisa boi a “Ŋmee siimi?” Ki sɔɔ kur nba be leŋ na din yeen a “Min kaa, min kaa.” Ki Piita tan boiɔ a “Chanbaa, a ki la niburchiauŋ nba mukanii?”
46Ŋaan ki Yisa yet a “Sɔɔ siima, kimaan n bann nan paŋ nyii n niwa.” 47Ŋanne ki poo na ji din bann nan u kan fit bɔr u mɔŋ nan Yisa, ki ji din nyii paanu ni ki jekir, ki tan gbaan Yisa tɔɔnn, ŋaan yetɔ sɔɔ kur numm ni linba paak ki u siiu, nan biaŋinba ki u paak yiama na. 48Ki Yisa betɔ, “N diamm, fa teenin yada na paak te ki a la paaku. I saa nan parmaasir.”
Yisa nba fiin bonpobik kuun ni biaŋinba
(Matiu 9.23-26; Mak 5.35-43)
49Yoo nba ki Yisa daa din see ki piak na, ki toomu nyii saakɔɔ maŋ ŋaak ni ki tan baar yetɔ a “A bonpobik na taan kpowa; ki a ji daa bakint Wanntɔɔ na.”
50Ki Yisa gbat nna maŋ ki jiant bet saakɔɔ na a “Daa tiin jaŋmaanii; teent yada kuukɔɔ, ki u sa la paaku.”
51-53Yisa nba din baar kɔɔ ŋaak maŋ ni yoonba, ki u la niburchiauŋ be leŋ ki bui kpemɔnii ki fabin bik maŋ paak; ki Yisa betib a “I daa mɔ man; bik na ki kpo kaa, u gɔɔnte.” Ŋaan ki bi laau, kimaan bi bann nan bik na poŋ kpowa. Li yoo na ki u din ki sak ki sɔɔ-n weiɔ kɔɔ kpediiuk na ni see Piita nan Jɔɔnn nan Jems ki pukin bik na baa nan u naa. 54Ki Yisa soor bik na nuu ŋaan yiin a “N bik, fiit.” 55-56Ki u jen u manfoor ni ki fiir yiama. Ki li ji din bakit u baa nan u naa bonchiann. Ki Yisa betib a bin tur bik na jeet ki wun di; ŋaan bia kpaamm a bii mi ki bin bet sɔɔ wa tun biaŋinba na.
Цяпер абрана:
Luk 8: BIM
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Luk 8
8
Poob nba din waa Yisa labaar
1Li poorpo ki Yisa din lin digbansaakara ni nan digbanbis ni, ki mɔɔntir Yennu naan baaru barŋanii, ki u poorpoweiteeb piik nan bannlee din waau. 2Poob nba ki u din nyinn narinbiit bi ni, ki bia te ki bi yiarii na gbenn na mun din be leŋ maŋ ki waau. Yenɔ din tee Mari (wunba ki bi din yiu Magdaliin na). Ŋɔɔe din tee wunba ki Yisa din nyinn narinbiit bannlore u ni na; 3ki leeb mun din tee Chusa ŋaapoo Joanna (Chusa din tee Herod ŋaatoontunna saakɔɔ), nan Susanna, nan pooleeb bonchiann. Ki bi kura din jikit bi mɔŋ mɔŋ bont ki teen Yisa ki din sommit ŋɔɔ nan u poorpoweiteeb.
Tanburtɔɔ barjouk
(Matiu 13.1-9; Mak 4.1-9)
4Niib lek din nyi digbann nan digbann ki baat Yisa boor, ki niburchiauŋ din lakin, ki Yisa yimm barjouk a:
5“Jasɔɔ din doo u kpaab ni a wun saa bur dii. Wa din buur na, ki bonboorii na yenninba din yat baa sanjouk paak; ki niib gaar ŋmaat li paak, ki nɔɔnii bia tɔkii ki di. 6Ki leer mun din baa tanpuut paak. Bonboorii maŋ nba din tan pia yoonba, li tan kpoe, kimaan li din ki baa maatuk ni. 7Ki leer mun din baa kunkonii ni, ki tan lakin pia ki kpaat namm, ŋaan ki kunkonii ŋmabir. 8Ŋaan ki leer mun baa tinŋaŋ ni, ki pia ki kpaat bonŋann, ki tan nan nyik nyik nyik.”
Yisa nba yimm barjouk maŋ ki gbenn na, ki u yet a “Wunba mɔk tuba ki sa gbat, wun gbiint.”
Barjokit yinu paak
(Matiu 13.10-17; Mak 4.10-12)
9Li poorpoe ki u poorpoweiteeb din boiɔ a “Barjouk na paakii?” 10Ki u jiin ki betib a “Yimm ŋanin, Yennu chab a yin bann woonin ni barii ki jii jiin u naan po, ŋaan nileeb ŋanin, u yimm barjokite, a bin got ŋaan daa laati, ki bia gbiint, ŋaan daa bant li paaki.”
Tanburtɔɔ barjouk na paak
(Matiu 13.18-23; Mak 4.13-20)
11“Barjouk na paak tee nnee: Bonboorii nba nee tee Yennu maan. 12Ki linba baa sanjouk na paak naan nan niib nba ki n maan kɔɔ bi tuba ni, ŋaan ki Sintaanii tuu baar ki nyinnir bi para ni, a bi ji daa teenin yada ki laat tinnu. 13Ki linba mun baa tanpuut paak naan nan binba gbat n maan nan parpeenn, ŋaan ki li daa ki sik bi para ni fanu, ki bi tuu teenin yada yoo waaminna, ŋaan yoo nba ki jinjammii baarib, bi tuu yêt n weiue. 14Ki linba mun baa kunkonii ni na naan nan binba gbat n maan maŋ, ŋaan binbeŋ na daamii nan mɔkint loomm nan nianbiiuk nba be tingbouŋ na ni tuu nyakin maan maŋ bi para ni, ki li ŋakit. 15Ki linba mun baa tinŋaŋ ni na ŋanin naan nan popeendamm nba gbat n maan maŋ, ki bi para ni be fanu, ki bi dia maan na kenken, ki bia mɔk sukuru, ki nân nan barmɔnii.
Fitir barjouk
(Mak 4.21-25)
16“Sɔɔ kan joo fitir ŋaan likin ŋmaŋ li paaki, amii ki gur u gado lɔuŋ ni. See ki u jiir ki tɔɔn bonsiar nba fɔk paak, ki lin yent, ki niib-i jikii kɔɔ yoonba, bii laat yentu na. 17Barii nba kur woo, see ki li tan woot nyii paanu ni; ki linba mun liik, see ki li tan likit ki nyii.
18“Li paak, i mi man ya gbiintir Yennu maan biaŋinba. Tɔn, wunba gbat ki gaar bonŋann, u sa ŋamm gaar ki pukin, ŋaan wunba ki gbiintir, u sa kɔŋ linba ki u dukii a u mɔk na gbaa.”
Yisa naa nan u waarii labaar
(Matiu 12.46-50; Mak 3.31-35)
19Li yoo na ki Yisa naa nan u waarii din baar, ŋaan ki ki fit la sɔnu nba ki bi sa nakinɔ, kimaan niib na din yabita. 20Ki sɔɔ tan betɔ a “A naa nan a waarii be nanyer po ki loon bin la-a.”
21Ŋanne ki u yetib a “Binba gbia Yennu maan ki saak ki bia tuun li biaŋ, ŋamme tee n naa nan n waarii.”
Wouŋ nan nyun nba sak Yisa mɔb biaŋinba
(Matiu 8.23-27; Mak 4.35-41)
22Dasiar ki Yisa nan u poorpoweiteeb din kɔɔ burgbetir ni; ki u betib, “Ŋaant man ki ti poot ki saan mɔkgbeŋŋir na gbingbanleer po.” Ki bi piin saanu. 23Ba saa yoonba ki Yisa dɔɔr gɔɔn. Ki wounpaaruk tan fikit ki da mɔkgbeŋŋir maŋ ni, ki nyunpana pir ki kɔɔ burgbetir na ni ki tan yaa lin gbee, ki bi ji din kɔɔ ninbɔŋ ni. 24Ki u poorpoweiteeb din baar ki fiinɔ ki yi a “Chanbaa, chanbaa, ti be kuun nie.” Ki u fiir ki tian wouŋ nan nyunpana na paak a bin ŋmin, ki li ji din fɔɔ ki ŋmin soonna. 25Ki u jiant boi u poorpoweiteeb a “I ki teenin yada-aa?”
Ki jaŋmaanii din soorib, ki li bia yaar litib, ki bi boi bi leeb a “Jaboor bee na? ki u tan yet mɔb ki tur wouŋ nan nyunpana ki bi sak u mɔbu.”
Biaŋinba ki Yisa te ki nirɔ nba ki narinbiit be u ni na paak
(Matiu 8.28-34; Mak 5.1-20)
26Ki bi baar Gerasa tiŋ ni, ki set, ŋaan ki Galilee tiŋ biar poor po. 27Ki Yisa nba din nyii burgbetir na ni, ki Gerasa jasɔɔ din chetɔ; ki narinbiit din be jɔɔ maŋ ni; ki u din ki lia siari ki li yukir hei. U bia din ki saak kaar ŋaak ni, ŋaan dɔɔ kaat paak. 28-29Yoo kur narinbiit maŋ din tuu fiirɔe, ki u doo ni teeb din tuu guu-u ki baan u nii nan u taa nan jarit, ŋaan wun yan jarit na; ki narinbiit maŋ beerɔ ki kɔɔntɔ muuk. Wa din la Yisa yoonba, ki u yikin sanpaapowa, ŋaan gbaan Yisa tɔɔnn ni ki tian yet a “Yisa, wunba tee Yabint Yennu Bija, min nan fin, nlee mantiki? N barimae, a daa mukisirimi.” U din yet nna kimaan Yisa poŋ yakii nan narinbiiuk na a wun nyi jɔɔ na ni. 30Ki Yisa boiɔ, “A sannii?”
Ki u jiin a “N sann yi bure;” li paak tee a narinbiit bonchiann din be u ni. 31Li yoo na ki narinbiit maŋ ji din barin Yisa hei a u daa te ki bi saa bootsunsuŋ maŋ ni.
32Ki doorii bonchiann din be kunkonn na paak ki di; ki narinbiit na barin Yisa a wun chabib bin saan kɔɔ doorii maŋ ni; ki Yisa chabib sɔnu. 33Ŋanne ki narinbiit na nyii jɔɔ na ni ki saan saa kɔɔ doorii na ni; ki doorii na kur din tin burburbur ki nyii kunkonn na paak ki sik ki saa baa mɔkgbeŋŋir na ni, ki dii nyun.
34Dookpaarii na nba din la linba teen maŋ, ki bi chiar li yoo na, ki saa mɔɔnt li labaar doo ni nan kpaant ni. 35Ki niib baar a bin la linba tun na, ki saa baar Yisa boor, ki sɔɔ jɔɔ nba ki narinbiit poŋ nyii u ni na, ki u kar Yisa boor nan laafia nan u dudukit kura fanu, ki ji lia tiat; ki jaŋmaanii soor niib na. 36Ki binba lar nan bi nunii na betib biaŋinba ki Yisa te ki jɔɔ na paak. 37Ŋanne ki Gerasa tiŋ teeb kur din baar Yisa boor ki barimɔ a wun seet nna kii saa, kimaan jaŋmaanii soorib hei.
Ki Yisa ji din kɔɔ burgbetir na ni a wun ŋmat; 38ŋaan wa din yaa wun ŋmat yoonba na, ki jɔɔ nba ki narinbiit nyii u ni na barimɔ ki yeen a “Ŋaant ki min nan fin-n lakin saan.” Ŋaan ki Yisa din te ki u nyik ŋaan betɔ a, 39“I ŋmat kii kun a ŋaak ni ki saa mɔɔnt toonjaann nba ki Yennu tun ki tura na.”
Ki u ŋmat ki lin doo na kur ki mɔɔntir toonjaann nba ki Yisa tun ki turɔ na.
Jairus bonpobik baatuk labaar
(Matiu 9.18-26; Mak 5.21-43)
40Yoo nba ki Yisa din ŋmat ki saa poot mɔkgbeŋŋir na, ki sɔɔ ki niburchiauŋ din tookɔ nan parpeenn, kimaan bi kur poŋ din guu u baarue. 41Jasɔɔ nna din be leŋ ki bi din yiu Jairus; ki u din tee Yenjiantu diiuk saakɔɔ; ki u tan baar ki gbaan Yisa tɔɔnn ki barimɔ a wun baar u ŋaak ni, 42a kimaan u bonpoyemmir wunba tee bina piik nan ŋannlee bik nee yiar, ki per kuuma. Ŋanne ki ŋɔɔ nan Yisa din saa.
Poosɔɔ nba sii Yisa liatir ki la paaku biaŋinba
(Matiu 9.20-22; Mak 5.25-34)
Yisa nba din saa na ki niburchiauŋ na mun waau ki gbin muk ki tan tutɔ. 43Ki poosɔɔ nna mun bia din be leŋ, ki tee wunba siik faboŋ ki tan jaŋ bina piik nan ŋannlee, ki u din tan yat u bont kur ki tur tebteeb, ŋaan bi sɔɔ din ki fit tebɔ ki u paaki; 44ki u tan baar Yisa poor ki sii u liatir mɔgbann. Li taakpaak ni, ki u faboŋ na ji din jit. 45Ki Yisa boi a “Ŋmee siimi?” Ki sɔɔ kur nba be leŋ na din yeen a “Min kaa, min kaa.” Ki Piita tan boiɔ a “Chanbaa, a ki la niburchiauŋ nba mukanii?”
46Ŋaan ki Yisa yet a “Sɔɔ siima, kimaan n bann nan paŋ nyii n niwa.” 47Ŋanne ki poo na ji din bann nan u kan fit bɔr u mɔŋ nan Yisa, ki ji din nyii paanu ni ki jekir, ki tan gbaan Yisa tɔɔnn, ŋaan yetɔ sɔɔ kur numm ni linba paak ki u siiu, nan biaŋinba ki u paak yiama na. 48Ki Yisa betɔ, “N diamm, fa teenin yada na paak te ki a la paaku. I saa nan parmaasir.”
Yisa nba fiin bonpobik kuun ni biaŋinba
(Matiu 9.23-26; Mak 5.35-43)
49Yoo nba ki Yisa daa din see ki piak na, ki toomu nyii saakɔɔ maŋ ŋaak ni ki tan baar yetɔ a “A bonpobik na taan kpowa; ki a ji daa bakint Wanntɔɔ na.”
50Ki Yisa gbat nna maŋ ki jiant bet saakɔɔ na a “Daa tiin jaŋmaanii; teent yada kuukɔɔ, ki u sa la paaku.”
51-53Yisa nba din baar kɔɔ ŋaak maŋ ni yoonba, ki u la niburchiauŋ be leŋ ki bui kpemɔnii ki fabin bik maŋ paak; ki Yisa betib a “I daa mɔ man; bik na ki kpo kaa, u gɔɔnte.” Ŋaan ki bi laau, kimaan bi bann nan bik na poŋ kpowa. Li yoo na ki u din ki sak ki sɔɔ-n weiɔ kɔɔ kpediiuk na ni see Piita nan Jɔɔnn nan Jems ki pukin bik na baa nan u naa. 54Ki Yisa soor bik na nuu ŋaan yiin a “N bik, fiit.” 55-56Ki u jen u manfoor ni ki fiir yiama. Ki li ji din bakit u baa nan u naa bonchiann. Ki Yisa betib a bin tur bik na jeet ki wun di; ŋaan bia kpaamm a bii mi ki bin bet sɔɔ wa tun biaŋinba na.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце