Iyohaichish 26

26. Iyohaichish.

Dabid karabe.

1AA Ehoba, oheuge sak no ku apkash gusu, en koipishi wa en kore;

Utumashi shomoki no Ehoba gusu ku eyaikopashte nisa ruwe ne.

2Aa Ehoba, en pishi wa en esanniyo wa en kore;

Ku keutum newa kinop shiruwande wa en kore.

3E sange omap an ramuhauge-i anak ne ku shik samata an;

Orowa, E koro sonep otta ku apkash nisa ruwe ne gusu ne na.

4Irara utara tura shomo ku a nisa;

Shui, kokandama ki utara ukoiram no shomo ku ahun kusu ne.

5Wen utara uwekari ku etunne,

Orowa, akokatpak utara tura ku a shomoki kusu ne.

6Turu sakbe ani ku tekehe ku furaye kusu ne;

Ene ku an wa, aa Ehoba, E koro yange set orun ku oman kusu ne na:

7Yaiiraige hau ku ashte kuni gusu,

Samata, E ki aeiyokunnure ikip anure kuni gusu ne na.

8Aa Ehoba, otta E oshiroma kenru,

Otta E nupeki an ushike ku omap ruwe ne.

9Akokatpak utara otta iteki ku keutum arapare;

Kem un utara otta iteki ku ramat omande wa en kore:

10Nei utara koro teke otta irarape okai,

Koro shimon teke wairo ani aeshik wa an ruwe ne.

11Koroka, kuani anak ne oupeka no ku apkash kusu ne:

En kikiraye, pirika irenga sange wa en kore.

12Ku kema anak ne kaptek ushiketa ash:

Uwekari otta Ehoba ku iramye kusu ne na.

Цяпер абрана:

Iyohaichish 26: AINU

Пазнака

Падзяліцца

Капіяваць

Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце

Папулярныя біблейскія вершы з
Iyohaichish 26