Tim pa Jomoor 1
1
1 #
Luk 1:1-4
Mondo Thiofilo, i kitawo marapena m'andiko, aluwo kwoŋ gimoro je ma Yesu otimo kendo ofonjo, 2cuka ndelo m'oter'iye go i polo. Aka gi meni pa Cuny Maleŋ, omiyo jomoor pere ma go oyero or. 3Go onyutho jo i yo madit paka go onyo kwo, munyo otieko candirok to tho; aka i hongo ma ndelo piero aŋwen gipi obedo munyo menyere rijo aka luwo rijo kwoŋ Ker pa Were; 4#Luk 24:49aka go omiyo jo or munyo nitie dhower gi jo ni, “Wikiri wieye Yerusalem; to kuri win gikenyo mic ma Were Baba ociko ma witieko winjo. 5#Mat 3:11; Mar 1:8; Luk 3:16; Yoh 1:33Ato batisimo pa Yohana obedo gi pi, to wibino limo batisimo gi Cuny Maleŋ mafodi ndelo k'okadho mathoth.”
Itero Yesu malo i polo
(Mar 16:19-20; Luk 24:50-53)
6Aka jom'oyido jobino kenyo jopenjo go ni; “Rwoth, imito dwoko dhum i cingi Isiraili pama?” 7Yesu owaco rijo ni, k'obedo tic mewin ŋeyo ndir kodi hongo ma Baba won oyiko gi meni pere; 8#Mat 28:19; Mar 16:15; Luk 24:47,48to wibino nwaŋo meni ka Cuny Maleŋ otieko loro kwoŋ win; aka wibino bedo jokony ma ridho wac paran i Yerusalem kodi i Yuda gipi, i Samaria, kodi i witum je ma piny. 9#Mar 16:19; Luk 24:50-51Munyo otieko waco ameno, joneno paka otiŋ go t'itero malo, cuka pondeponde oumo go ma jokinen. 10Aka munyo fodi joyaro waŋ gin malo munyo joneno paka go kadho, piyo piyo j'ario ma joruko nangin matar jocungo kabuti jo. 11Jopenjo ni, “Win ji ma Galili, raŋo ma wicungo wiŋiyo polo? Kole Yesu me, ma okwany bongi win t'itero i polo, bino dwoko i piny ka i kite no won, paka wiwok neno go munyo kadho i polo.”
Jalunji kabedo pa Yuda
(Mat 27:3-10)
12Gikenyo jomoor jogik Yerusalem munyo jowok wi got Oliv, ma romo cegin adec mayiro wok i tindi. 13#Mat 10:2-4; Mar 3:16-19; Luk 6:14-16Jodonjo Yerusalem aka joidho malo i ot m'onwaŋo jobed'iye; Petero, Yohana, Yakobo kodi Andereya, Filipo gi Toma, Batholomayo kodi Matayo, Yakobo wod pa Alfayo, Simon ma jalweny ri piny pere, kodi Yuda wod pa Yakobo. 14Joje jocokere kanyacel i bwora to jokwayo adhik, kanyacel gi mon, kodi Maria min Yesu, kodi wutmin Yesu.
15Munyo ndelo okadho manok, romo pa jom'oyeyo obedo (ma romo ji cegin miya acel), to Petero cungo to luwo. 16Owaco ni, “Wutmera, ndiko oyido ripo wotundi i kare kwoŋ gima Cuny Maleŋ, munyo luwo gi dhok Daudi, owaco con kwoŋ Yuda m'otelo ji munyo jobino mako Yesu. 17Yuda oyido jakweth mawan, rupiri oyido oyer go bende i tic mawan.”
18 #
Mat 27:3-8
(Pesa ma Yuda olimo i tim pere marac no onyewo gine ndelo, kama go ogor'iye piny to tho; aka okedhere to gir iye dhure piny. 19Ji je ma jobedo Yerusalem jowinjo gino, aka i dhodhok pajo wegi jolwoŋo ndelo no ni Akeldama, dwoŋ mere ni, “Ndelo ma Remo.”)
20 #
Zab 69:26; Zab 109:8 Kole ondiki i Zabuli ni,
“Weyi ot pere wodoŋ nono, aka moro wokiri wobed'iye.”
Kendo ni,
“Weyi ŋatiman woter kabedo pere.”
21 #
Mat 3:16; Mar 1:9; Luk 3:21; Mar 16:19; Luk 24:51 Am'omiyo acel kwoŋ cwo ma jowotho gi wan i hongo no je munyo Rwoth Yesu oyido fodi nigi wan noknok, 22wok i ndir ma Yohana oyido miyo batisimo tundo ceŋ m'okwany'iye go bongi wan t'itero go malo, ama ripo bedo jakony m'oneno gi wan cerino pere. 23Gikenyo to joketho j'ario ruwaŋ jo: Yozefu m'ilwoŋo ni Barsaba, m'ocwok nyinge ni Yusito, kodi Matias. 24Aka jokwayo Were munyo jowaco ni, “Rwoth, iŋeyo cuny dhano je, nyuthi wan acel kwoŋ jario me, ŋat'iyero 25ni woter tic paka acel kwoŋ jomoor, i kabedo ma Yuda oweyo to kidho kapere.” 26To jobolo rijo kwir, to Matias loyo; t'iketho go i kitipa pa jomoor apar g'acel.
Цяпер абрана:
Tim pa Jomoor 1: DHOPE
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhopadhola DC Bible © Bible Society of Uganda, 2018.