Cakirok 2
2
1Ameno polo gi piny gi kisi cwec je orumo. 2#Wok 20:11; Ebu 4:4,10Aka i ndelo mar'abirio Were oyido otieko tic pere ma go otimo to ywomere. 3Ameno Were omiyo ndelo mar'abirio silwany to ketho ndelo no gicen paka ndelo manyakare; rupiri i ndelo no Were oywomere kwoŋ tic ma go oyido timo i cweyo piny. 4Aka ameno apaka polo gi piny ocwey.
Ndelo ma Eden
Munyo Rwoth Were ocweyo polo gi piny, 5dudi gi kodhi oyido fodi ongoye, rupiri Were oyido fodi k'odhiro koth; aka oyido ongoye ŋat'ofur lowo. 6To pi oyido nyule wok i pendi lowo to dhieko piny.
7 #
1 Kor 15:45
Kenyo Rwoth Were okwanyo lowo moro wok piny to cweyo jacwo, to ywe i ume luya ma kwo to jacwo bedo gi kwo.
8Aka Were opidho ndelo i Eden, yuwok ceŋ; aka kenyo go oketho nyatoro ma go oyido ocweyo. 9#Meny 2:7; 22:2,14Aka omiyo kisi nger yath twi maber anena aka ma cemo; yath ma kwo bende i dier ndelo kodi yath ma ŋeyo gimaber gi gimarac.
10Malawa oyido mol i Eden aka dhieko ndelo aka otiakere ka diŋwen. 11Marapena oyido ilwoŋo ni Pison; mol thoko piny Havila. 12(Zahabu mangil nwaŋere kenyo kodi mo manitie gi kur kodi telin ma pilin.) 13Mar'ario ilwoŋo ni, Gihon; aka mol thoko piny Ethopiya. 14Mar'adek ilwoŋo ni Tigris; mol yuwok ceŋ ma Asiria, aka mar'aŋwen ilwoŋo ni Yufrete.
15Rwoth Were otero jacwo to ketho go i ndelo ma Eden furo gi kuro. 16Aka Were omiyo jacwo cik ni, “Inyalo camo yath moro je i ndelo, 17t'ikir'icam yath ma ŋeyo gimaber gi gimarac, rupiri i ndelo m'inocam'iye ilatho.”
18Kenyo Were owaco ni, “Kiber ni jacwo wobedi kende; abino cweyo rigo jakony ma ripo gi go.” 19Ameno okwanyo lowo wok piny to cweyo ogwaŋe je gi winyin je, aka okelo ri jacwo neno gima go nyalo timo gi jo; aka kisi gima jacwo ocwoko kisi cwec manitie gi kwo, meno obedo nyinge. 20Ameno jacwo ocwoko nyingi ogwaŋe gi winyin je; to ngoye kwoŋ jo m'oyido ripo gi konyo go.
21Ameno Were omiyo jacwo nindo mapek, aka munyo go nindo, okwanyo kediŋete acel to umo kenyo gi riŋo. 22Aka ocweyo dhako wok kwoŋ kedi ŋeti jacwo to kelo rigo. 23Kenyo jacwo owaco ni,
“Tingili me onyo coko ma cokin paran
aka del paran won;
ilalwoŋo go ni dhako
rupiri okwany go wok kwoŋ jacwo.”
24 #
Mat 19:5; Mar 10:7,8; 1 Kor 6:16; Efeso 5:31 Meno am'omiyo jacwo weyo bamere gi min to riwere gi cege aka jolokere del acel.
25Jacwo gi dhako je oyido jonitie kinyoro, to oyido jongoye gi wickwot.
Цяпер абрана:
Cakirok 2: DHOPE
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhopadhola DC Bible © Bible Society of Uganda, 2018.