Yohana 20
20
Kaliel m'ongoye gimoro
(Mat 28:1-8; Mar 16:1-8; Luk 24:1-12)
1I Sabiti odikin worwor, mafodi piny riprip, Maria ma wok Magdala okidho kaliel to neno ni oŋil woko tele ma dhok kaliel. 2Go oringo to kidho bongi Simon Petero kodi jafonjirok man ma Yesu omaro, to waco rijo ni, “Jokwanyo woko Rwoth i kaliel aka wakuya kam'oketh'iye go!” 3Gikenyo Petero gi jafonjirok man no joay to jokidho i kaliel. 4Jario no oyido joringo, to jafonjirok man no odwire oyombo Petero to telo tundo i kaliel. 5Go oluŋere to neno sukin ama odoŋ, to k'odonjo i iye. 6Simon Petero oluwo go cen to donjo i kaliel, to neno sukin no kenyo, 7kodi nanga m'onwaŋo otwey gine wiy Yesu m'odole gicen kakende. 8Gikenyo, jafonjirok, m'otelo tundo i kaliel bende odonjo to neno to yeyo. 9(Jono fodi oyido jok'oniaŋ odoco kwoŋ randik ma waco ni go ripo cerino). 10Gikenyo jofonjirok no jodok peco pajo.
Yesu menyere ri Maria Magadalina
(Mat 28:9-10; Mar 16:9-11)
11Maria ocungo munyo ywak dho thengi kaliel; 12gikenyo go oneno jomalaika ario kenyo, i nangin matar, ma jobedo piny kam'onwaŋo oketh'iye delkwoŋ Yesu, acel yuwiye, man yu tiende. 13Jopenjo go ni, “Dhakodwoŋ, iywaki aŋo?” Go odwoko ni, “Jokwanyo Rwoth paran, aka akuya kama joketh'iye go!” 14Munyo go otieko waco ameno, go owire to neno Yesu ocungo kenyo; to k'oŋeyo ni manago Yesu. 15Yesu openjo go ni, “Dhakodwoŋ, raŋo iywaki. Raŋo ŋa?” Paka dheno oparo ni meno won ndelo, owaco rigo ni, “K'iŋati ikwanyo go, jadwoŋ, waci ran kam'iketh'iye go akidhi aom go.” 16Yesu owaco rigo ni, “Maria!” Go owire yubonge to waco gi Dhohiburu ni, “Raboni!” (Dwoŋ mere ni Jafonji.) 17Yesu owaco rigo ni, “Ikir'imakan rupiri fodi akigiki bongi Baba. To kidhi bongi wutmera iwaci rijo ni akidho malo bongi Baba ma Bawin, Were paran ma Were mewin.” 18Gikenyo Maria Magadalina owaco ri jofonjirok pere ni, “Atieko neno Rwoth.” To liesa rijo gima Yesu owaco rigo je.
Yesu menyere ri jofonjirok pere
(Mat 28:16-20; Mar 16:14-18; Luk 24:36-49)
19Munyo piny oumere i ndelo ma Sabiti no, jofonjirok oyido jocokere kanyacel kareno jocego thigin, rupiri oyido jolworo Joyuda. Gikenyo Yesu obino to cungo i dier jo to waco ni, “Siem wobedi kodi win.” 20Munyo go otieko waco ameno, onyutho jo cinge gi ŋete. Jofonjirok kisangala opoŋ i cuny jo munyo joneno Rwoth. 21Gikenyo Yesu odoko owaco rijo ni, “Siem wobedi kodi win. Paka Baba ooran abende aoro win.” 22Go owaco gime to kudho jo gi luya to waco ni, “Limi win Cuny Maleŋ. 23#Mat 16:19; 18:18Reco pa ji ma winocwaki rijo, ibino cwako rijo; to reco pa ji ma wik'ocwaki rijo bende k'ocwaki rijo.”
Yesu kodi Toma
24Acel kwoŋ jofonjirok, Toma (m'ilwoŋo ni Rut) onwaŋo ongoye bongi jo munyo Yesu obino. 25To jofonjirok wadi jowaci rigo ni, “Watieko neno Rwoth!” Toma owaco rijo ni, “K'akineno waŋpoyo ma musumal oweyo i cinge, t'arwako lwetan kama musumal odonj'iye i ŋete, ak'oyey.”
26Munyo ndelo abirio okadho, jofonjirok oyido jonitie kanyacel kendo, aka Toma oyido nigi jo. Thigin je oyido ocegi, to Yesu obino to cungo i dier jo to waco rijo ni, “Siem wobedi gi win.” 27Gikenyo go owaco ri Toma ni, “Rwaki lwetin ka, aka neni cingan; odoko keli cingin irwaki i ŋetan bende. Ikir'ibedi gi kiganagana, to bedi gi yeyo ayin!” 28Toma odwoko ni, “Rwoth paran kendo Were paran!” 29Yesu owaco rigo ni, “Onyo iyeyo rupiri itieko nenan? Josilwany a joma yeyo kada mafodi jok'onenan!”
Atoŋa ma kitawo me
30Yesu otimo ranyuth man kweth ruwaŋ jofonjirok pere ma k'ondiki i kitawo me. 31To me ondiki aka ŋey wiyey ni Yesu obedo Kristo, Wod Were, aka ni yeyo gime winyal limo kwo makirum i nyingi go!
Цяпер абрана:
Yohana 20: DHOPE
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhopadhola DC Bible © Bible Society of Uganda, 2018.
Yohana 20
20
Kaliel m'ongoye gimoro
(Mat 28:1-8; Mar 16:1-8; Luk 24:1-12)
1I Sabiti odikin worwor, mafodi piny riprip, Maria ma wok Magdala okidho kaliel to neno ni oŋil woko tele ma dhok kaliel. 2Go oringo to kidho bongi Simon Petero kodi jafonjirok man ma Yesu omaro, to waco rijo ni, “Jokwanyo woko Rwoth i kaliel aka wakuya kam'oketh'iye go!” 3Gikenyo Petero gi jafonjirok man no joay to jokidho i kaliel. 4Jario no oyido joringo, to jafonjirok man no odwire oyombo Petero to telo tundo i kaliel. 5Go oluŋere to neno sukin ama odoŋ, to k'odonjo i iye. 6Simon Petero oluwo go cen to donjo i kaliel, to neno sukin no kenyo, 7kodi nanga m'onwaŋo otwey gine wiy Yesu m'odole gicen kakende. 8Gikenyo, jafonjirok, m'otelo tundo i kaliel bende odonjo to neno to yeyo. 9(Jono fodi oyido jok'oniaŋ odoco kwoŋ randik ma waco ni go ripo cerino). 10Gikenyo jofonjirok no jodok peco pajo.
Yesu menyere ri Maria Magadalina
(Mat 28:9-10; Mar 16:9-11)
11Maria ocungo munyo ywak dho thengi kaliel; 12gikenyo go oneno jomalaika ario kenyo, i nangin matar, ma jobedo piny kam'onwaŋo oketh'iye delkwoŋ Yesu, acel yuwiye, man yu tiende. 13Jopenjo go ni, “Dhakodwoŋ, iywaki aŋo?” Go odwoko ni, “Jokwanyo Rwoth paran, aka akuya kama joketh'iye go!” 14Munyo go otieko waco ameno, go owire to neno Yesu ocungo kenyo; to k'oŋeyo ni manago Yesu. 15Yesu openjo go ni, “Dhakodwoŋ, raŋo iywaki. Raŋo ŋa?” Paka dheno oparo ni meno won ndelo, owaco rigo ni, “K'iŋati ikwanyo go, jadwoŋ, waci ran kam'iketh'iye go akidhi aom go.” 16Yesu owaco rigo ni, “Maria!” Go owire yubonge to waco gi Dhohiburu ni, “Raboni!” (Dwoŋ mere ni Jafonji.) 17Yesu owaco rigo ni, “Ikir'imakan rupiri fodi akigiki bongi Baba. To kidhi bongi wutmera iwaci rijo ni akidho malo bongi Baba ma Bawin, Were paran ma Were mewin.” 18Gikenyo Maria Magadalina owaco ri jofonjirok pere ni, “Atieko neno Rwoth.” To liesa rijo gima Yesu owaco rigo je.
Yesu menyere ri jofonjirok pere
(Mat 28:16-20; Mar 16:14-18; Luk 24:36-49)
19Munyo piny oumere i ndelo ma Sabiti no, jofonjirok oyido jocokere kanyacel kareno jocego thigin, rupiri oyido jolworo Joyuda. Gikenyo Yesu obino to cungo i dier jo to waco ni, “Siem wobedi kodi win.” 20Munyo go otieko waco ameno, onyutho jo cinge gi ŋete. Jofonjirok kisangala opoŋ i cuny jo munyo joneno Rwoth. 21Gikenyo Yesu odoko owaco rijo ni, “Siem wobedi kodi win. Paka Baba ooran abende aoro win.” 22Go owaco gime to kudho jo gi luya to waco ni, “Limi win Cuny Maleŋ. 23#Mat 16:19; 18:18Reco pa ji ma winocwaki rijo, ibino cwako rijo; to reco pa ji ma wik'ocwaki rijo bende k'ocwaki rijo.”
Yesu kodi Toma
24Acel kwoŋ jofonjirok, Toma (m'ilwoŋo ni Rut) onwaŋo ongoye bongi jo munyo Yesu obino. 25To jofonjirok wadi jowaci rigo ni, “Watieko neno Rwoth!” Toma owaco rijo ni, “K'akineno waŋpoyo ma musumal oweyo i cinge, t'arwako lwetan kama musumal odonj'iye i ŋete, ak'oyey.”
26Munyo ndelo abirio okadho, jofonjirok oyido jonitie kanyacel kendo, aka Toma oyido nigi jo. Thigin je oyido ocegi, to Yesu obino to cungo i dier jo to waco rijo ni, “Siem wobedi gi win.” 27Gikenyo go owaco ri Toma ni, “Rwaki lwetin ka, aka neni cingan; odoko keli cingin irwaki i ŋetan bende. Ikir'ibedi gi kiganagana, to bedi gi yeyo ayin!” 28Toma odwoko ni, “Rwoth paran kendo Were paran!” 29Yesu owaco rigo ni, “Onyo iyeyo rupiri itieko nenan? Josilwany a joma yeyo kada mafodi jok'onenan!”
Atoŋa ma kitawo me
30Yesu otimo ranyuth man kweth ruwaŋ jofonjirok pere ma k'ondiki i kitawo me. 31To me ondiki aka ŋey wiyey ni Yesu obedo Kristo, Wod Were, aka ni yeyo gime winyal limo kwo makirum i nyingi go!
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhopadhola DC Bible © Bible Society of Uganda, 2018.