Yohana 21
21
Yesu menyere ri jofonjirok pere abirio
1Rumacen, Yesu onyuthere kendo ri jofonjirok pere dho wakawaka ma Tiberia. Me apaka go otimo. 2Simon Petero, Toma (m'ilwoŋo ni Rut), Nathanel (ma wok Kana i Galili) wot Zebedayo kodi jofonjirok pa Yesu man jario je oyido jo ni kanyacel. 3#Luk 5:5Simon Petero owaco rijo ni, “Akidho kitoga.” Jowaco ni, “Wabino kidho kodin.” Ameno jodonjo i ye, to wor no gipi jok'omako gimoro. 4Munyo ceŋ gulo, Yesu ocungo dho thengi pi, to jofonjirok jok'oŋeyo ni manago Yesu. 5Gikenyo go owaco rijo ni, “Yac me, witieko mako ye gimoro?” Jodwoko ni, “Ongoye gimoro.” 6Go owaco rijo ni, “Bol win bwo mewin yuthengi ye maracuc aka wibino mako gimoro.” Gikenyo jobolo bwo pajo, to jok'onyalo wodho ro thotho pa rec. 7Jafonjirok ma Yesu omaro owaco ni, “manago Rwoth!” Munyo Simon Petero owinjo ni manago Rwoth, otweyere gi nanga pere ma woko (rupiri oyido olunyo woko nangin pere), to por i pi. 8Jofonjirok m'odoŋ jobino dho geŋin gi ye to joywayo bwo ma rec opoŋ'iye, rupiri onwaŋo jokini bor gi geŋin kam'othwo, to oyido romo cegin mita miya acel kende. 9Munyo jotundo wi geŋin joneno cuk mac m'okur kenyo gi rec i wiye kodi mugat. 10Gikenyo Yesu owaco ri jofonjirok pere ni, “Keli win rec moro ma witieko mako.” 11Simon Petero odonjo i ye to kelo bwo wi geŋin, m'opoŋ'iye rec madongo miya adek gi piero abic g'adek; to kad'oyido rec dit ameno, je bwo k'oyec. 12Yesu owaco rijo ni, “Biye cemi win.” Ongoye kada ŋat'acel kwoŋ jofonjirok m'obedo gi miseni ma penjo go ni, “In iŋa?” Ato oyido joŋeyo ni manago Rwoth. 13Gikenyo Yesu okidho, okwanyo mugat no, to miyo jo, to timo ameno bende gi rec.
14Me oyido hongo mar'adek ma Yesu onyuther'iye ri jofonjirok pere munyo otieko cerino kwoŋ jom'otho.
Yesu gi Petero
15Munyo jotieko cemo, Yesu openjo Simon Petero ni, “Simon, wod Yona, imaran loyo jome?” Go odwoko ni, “Ey Rwoth, iŋeyo nike amarin.” Yesu owaco rigo ni, “Pidhi nyithindhi rombo paran.” 16Ma dirio Yesu odoko openjo go ni, “Simon wod Yohana, imaran?” Go odwoko ni, “Ey Rwoth, iŋeyo paka amarin.” Yesu owaco rigo ni, “Kway rombo paran.” 17Ma didek Yesu odoko omedo penjo go ni, “Simon wod Yohana, imaran?” Gikenyo Petero cunye oramo, rupiri Yesu openjo go ma didek ni, “Imaran?” Ameno odwoko go ni, “Rwoth, kole iŋeyo gimoro je, iŋeyo paka amarin.” Yesu owaco rigo ni, “Pidhi rombo paran. 18Adieri awaco rin, munyo fodi ithin onwaŋo iwon irukere t'ikidho kam'iyenyo je; to ka iti ibino rieyo cingin ŋatiman ama worukin to terin kama d'ikimito kidh'iye.” 19(Ameno Yesu owaco ama ma nyutho paka Petero d'otho ma miyo Were dwoŋ.) Gikenyo Yesu owaco rigo ni, “Luwan.”
Yesu kodi jofonjirok
20Petero owire to neno jafonjirok man luwo jo ma Yesu omaro, ma ndir ca othenere bongi Yesu dhower to penjo ni, “Rwoth, ŋata kidho camo rin sereko?” 21Munyo Petero oneno go, openjo Yesu ni, “Rwoth, to ŋatin?” 22Yesu odwoko go ni, “K'amito ni ŋato wokwo cuka anodwoki, meno mako kwoŋin? Luwan ayino!” 23Gikenyo wac onyay i dier jofonjirok pa Yesu nike jafonjirok no k'otho. To Yesu k'owaco nike go k'otho; go owaco nike, “K'amito ni go wokwo cuka anodwoki, meno mako kwoŋin?”
24Go a jafonjirok ma luwo kwoŋ gigipiny me, aka ama ondiko gigipiny me; aka waŋeyo nike gima go ondiko obedo adieri.
Wac macowe
25Onyo, nitie gigipiny man kweth ma Yesu otimo. Bedi ndiki je acel acele, aparo nike piny gipi di k'onyalo tiŋo kitawin mere.
Цяпер абрана:
Yohana 21: DHOPE
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhopadhola DC Bible © Bible Society of Uganda, 2018.
Yohana 21
21
Yesu menyere ri jofonjirok pere abirio
1Rumacen, Yesu onyuthere kendo ri jofonjirok pere dho wakawaka ma Tiberia. Me apaka go otimo. 2Simon Petero, Toma (m'ilwoŋo ni Rut), Nathanel (ma wok Kana i Galili) wot Zebedayo kodi jofonjirok pa Yesu man jario je oyido jo ni kanyacel. 3#Luk 5:5Simon Petero owaco rijo ni, “Akidho kitoga.” Jowaco ni, “Wabino kidho kodin.” Ameno jodonjo i ye, to wor no gipi jok'omako gimoro. 4Munyo ceŋ gulo, Yesu ocungo dho thengi pi, to jofonjirok jok'oŋeyo ni manago Yesu. 5Gikenyo go owaco rijo ni, “Yac me, witieko mako ye gimoro?” Jodwoko ni, “Ongoye gimoro.” 6Go owaco rijo ni, “Bol win bwo mewin yuthengi ye maracuc aka wibino mako gimoro.” Gikenyo jobolo bwo pajo, to jok'onyalo wodho ro thotho pa rec. 7Jafonjirok ma Yesu omaro owaco ni, “manago Rwoth!” Munyo Simon Petero owinjo ni manago Rwoth, otweyere gi nanga pere ma woko (rupiri oyido olunyo woko nangin pere), to por i pi. 8Jofonjirok m'odoŋ jobino dho geŋin gi ye to joywayo bwo ma rec opoŋ'iye, rupiri onwaŋo jokini bor gi geŋin kam'othwo, to oyido romo cegin mita miya acel kende. 9Munyo jotundo wi geŋin joneno cuk mac m'okur kenyo gi rec i wiye kodi mugat. 10Gikenyo Yesu owaco ri jofonjirok pere ni, “Keli win rec moro ma witieko mako.” 11Simon Petero odonjo i ye to kelo bwo wi geŋin, m'opoŋ'iye rec madongo miya adek gi piero abic g'adek; to kad'oyido rec dit ameno, je bwo k'oyec. 12Yesu owaco rijo ni, “Biye cemi win.” Ongoye kada ŋat'acel kwoŋ jofonjirok m'obedo gi miseni ma penjo go ni, “In iŋa?” Ato oyido joŋeyo ni manago Rwoth. 13Gikenyo Yesu okidho, okwanyo mugat no, to miyo jo, to timo ameno bende gi rec.
14Me oyido hongo mar'adek ma Yesu onyuther'iye ri jofonjirok pere munyo otieko cerino kwoŋ jom'otho.
Yesu gi Petero
15Munyo jotieko cemo, Yesu openjo Simon Petero ni, “Simon, wod Yona, imaran loyo jome?” Go odwoko ni, “Ey Rwoth, iŋeyo nike amarin.” Yesu owaco rigo ni, “Pidhi nyithindhi rombo paran.” 16Ma dirio Yesu odoko openjo go ni, “Simon wod Yohana, imaran?” Go odwoko ni, “Ey Rwoth, iŋeyo paka amarin.” Yesu owaco rigo ni, “Kway rombo paran.” 17Ma didek Yesu odoko omedo penjo go ni, “Simon wod Yohana, imaran?” Gikenyo Petero cunye oramo, rupiri Yesu openjo go ma didek ni, “Imaran?” Ameno odwoko go ni, “Rwoth, kole iŋeyo gimoro je, iŋeyo paka amarin.” Yesu owaco rigo ni, “Pidhi rombo paran. 18Adieri awaco rin, munyo fodi ithin onwaŋo iwon irukere t'ikidho kam'iyenyo je; to ka iti ibino rieyo cingin ŋatiman ama worukin to terin kama d'ikimito kidh'iye.” 19(Ameno Yesu owaco ama ma nyutho paka Petero d'otho ma miyo Were dwoŋ.) Gikenyo Yesu owaco rigo ni, “Luwan.”
Yesu kodi jofonjirok
20Petero owire to neno jafonjirok man luwo jo ma Yesu omaro, ma ndir ca othenere bongi Yesu dhower to penjo ni, “Rwoth, ŋata kidho camo rin sereko?” 21Munyo Petero oneno go, openjo Yesu ni, “Rwoth, to ŋatin?” 22Yesu odwoko go ni, “K'amito ni ŋato wokwo cuka anodwoki, meno mako kwoŋin? Luwan ayino!” 23Gikenyo wac onyay i dier jofonjirok pa Yesu nike jafonjirok no k'otho. To Yesu k'owaco nike go k'otho; go owaco nike, “K'amito ni go wokwo cuka anodwoki, meno mako kwoŋin?”
24Go a jafonjirok ma luwo kwoŋ gigipiny me, aka ama ondiko gigipiny me; aka waŋeyo nike gima go ondiko obedo adieri.
Wac macowe
25Onyo, nitie gigipiny man kweth ma Yesu otimo. Bedi ndiki je acel acele, aparo nike piny gipi di k'onyalo tiŋo kitawin mere.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhopadhola DC Bible © Bible Society of Uganda, 2018.