Makuh Pyenhlüma
Pyenhlüma
Makuha yuk thangkdaw “Hin hin Mhnama capa Jesuh Khritawa mawng, thangkdaw ni” tia cuteiki. Jesuh cun khutbinak la ana takia khyanga ngdangsaka kyaki. A ana cun a mtheimthangnake, ngmüimkhya kse he a ja nängnak, la khyang hea katnak he a jah mhlätnak üng hmuha kyaki. Jesuh naw amät cun katnak üngka naw jah mhlät lü a xünnak jah pe khaia lawkia khyanga capa, ti lü a pyen.
Makuh naw Jesuha jah mtheimthangnak la a ngthukhyü hea kthaka, Jesuha a bilawh he ngsingkhai bawk khaia jah mdangki. Baptican pekia Johan, Baptican a khannak la Jesuh naw hlawhlep a khamnaka mawng aktawia a jah pyen käna, Jesuha khutbi, a jah yaisaknak la a jah mtheimthangnake jah mdangki. Akcün bäih läk läk se Jesuha a hnukläk he naw ani cun akdawa ami ksing law däm däm. Cunsepi Jesuh am hlüeiki he naw hneng law ksehlenkie. Abäihnaka akyangdäm üng Jesuh khawmdeka a xün a bäihnaka khyün üng, ami taihnak la a thawhnak bea mawng he mi jah hmuki.
Thangkdawa bäihnak nghngih cun, Makuh naw am yuk lü khyang kcea yuk bea ngaiha kyaki.
Amawng Ktawi he
Thangkdawa cuteinak (1:1-13)
Jesuh Kalile khaw üng khut a binak (1:14—9:50)
Kalile üngka naw Jerusalem mlüha (10:1-52)
Abäihnaka khyün la Jerusalema pipei (11:1—15:47)
Jesuha thawhnak be (16:1-8)
Thobeki Bawipa ngdangnak la khana a kainak be (16:9-20)
Цяпер абрана:
Makuh Pyenhlüma: DNT
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
The New Testament in Dai © The Word for the World International and North East Centre for Training and Research, 2018.