YOWANO 19
19
1Haze vene Pilatu amutwalile Yesu, #Mateu 27.26.amuvetesele vikote.
2 #
Mateu 27.27-30; Mako 15.16-19. Maswalale vavinjile mucama wamingonga, vamuvwikilewo kumutwe wenyi, kaha vamuvwikile cikovelo cicila.
3Vapandamine kuli Ikiye, vamwambile ngwavo, Vulye! Vulye! Ove mwangana wavaYuleya! Kaha #18.22.vamuvetele jimbanda.
4Pilatu #18.38.alovokele ceka kuweluka, avambile ngwenyi, Talenu, nangumulovola kuli enu kuweluka mangana mutacikize ngwenu, #v. 6; 18.38; Luka 23.4.kangwamwene mulonga kuli Ikiyeko.
5Kaha Yesu alovokele kuweluka, navwale uze mucama wamingonga nacize cikovelo cicila. Pilatu avambile ngwenyi, Mutalenu mutu ou!
6Kaha vapilixitu vavalemu natupitau hakumumona vatambakanyine ngwavo, Vamusukike kukulusu! Vamusukike kukulusu! Pilatu avambile ngwenyi, Mutambulenu enu vavene mumusukike kukulusu, mwomwo ami kangwamwene mulonga kuli ikiyeko.
7VaYuleya vamukumbulwile ngwavo, #Levi 24.16; Mateu 26.63-66.Etu tuli naluximbi, kaha kuluximbi kana atela kufwa, mwomwo nalivuluka kupwa ngwenyi, NguMwanaKalunga, xikaho.
8Xikaho Pilatu hakwivwa lizu eli ahambakanyine kwivwa woma.
9Engilile ceka #19.9:Tala 18.28.muPeletolyume, amwihwile Yesu ngwenyi, Ove watuma kulihi? Oloze Yesu kamukumbulwileko.
10Xikaho Pilatu amwihwile ngwenyi, Kawexi kuhanjika kuli amiko tahi? Kawatacikijileko tahi? nguli nangolo jakukweca, nguli nangolo nawa jakukusukikisa kukulusu.
11Yesu amukumbulwile ngwenyi, #Loma 13.1.Kawexi nangolo hali Amiko, xina kuvanga vanakuhanejo mwilu. Xikaho #18.13-14, 28-32.uze nangunehe kuli ove, ikiye ali namulonga wakuhambakana.
12Kufumisa haze vene Pilatu asakile ngwenyi, amwece, oloze vaYuleya vatambakanyine ngwavo, #Luka 23.2.Kaci nge ou naumweca, kaha kawexi usepa lyaKesaleko. Wexowo mwalivuluka kupwa ngwenyi, Ngumwangana, ali nakulikanga kuli Kesale.
13Xikaho Pilatu hakwivwa mazu awa amulowele Yesu kuweluka, atwamine hacitwamo cakusopela kuze vavuluka ngwavo, Kwakwalamalolwa, oloze mulilimi lyavaHepeleu ngwavo, KuNgambata.
14Jino #v. 31, 42.hapwile halikumbi lyakulongesa vyahapaseka. Hapwile kafwe halwola lwamucitanu nalumwe. Pilatu avambile vaYuleya ngwenyi, Talenu mwangana wenu ou!
15Vakivo vatambakanyine ngwavo, Mufumise! Mufumise! Vamusukike kukulusu! Pilatu himwavehula ngwenyi, Mwangana wenu ngumusukikise kukulusu? Vapilixitu vavalemu vamukumbulwile ngwavo, Katwexi namwangana wekako, kuvanga Kesale kaha.
16Xikaho hahaze vene avahanyineyo mangana vakamusukike kukulusu.
Navamutacika Yesu kukulusu
(Mateu 27.32-50; Mako 15.21-37; Luka 23.26-49)
17Jino vamutwalile Yesu, kaha #Luka 14.27.hakulimbacila kulusu yenyi alovokele ayile kuma kuze vavuluka ngwavo, Kukayoya, mulilimi lyavaHepeleu vamba ngwavo, KuNgolongota.
18Kwakuze vene vamusukikilile kukulusu, naveka vavali naikiye hamwe kujikulusu, mukwavo kuluhaci, mukwavo kuluhaci, naYesu mukaci kavo.
19Pilatu asonekele nawa mazu, awahakile kukulusu yenyi. Vasonekeleho ngwavo, #Mateu 27.37.Ou Yesu wakuNazaleta, Mwangana wavaYuleya.
20Kaha mazu awa vaYuleya vavavulu vawatangile, mwomwo kuze vamusukikile Yesu kukulusu kwapwile kwakamwihi nanganda, kaha apwile akusoneka mulilimi lyavaHepeleu neli lyavaLoma neli lyavaHelase, xikaho.
21Xikaho vapilixitu vavalemu navaYuleya vamwambile Pilatu ngwavo, Kanda usoneka ngwove, Mwangana wavaYuleyako, oloze ngwove, Ou ambile ngwenyi, Ngumwangana wavaYuleya.
22Pilatu avakumbulwile ngwenyi, Eci ngunasoneka ngunacisoneka lyehi kaha kunahu.
23Jino omu valingile maswalale hivanamusukika lyehi Yesu kukulusu, vambacile kuvwala cenyi, valipangilileco muwana, liswalale nacenyi liswalale nacenyi, nacikuto cenyi nawa. Cikuto kana kacapwile cakutunga munukoko, vacitungile camujingulule, kufuma kuxingo mbwe nakumavu.
24Xikaho valyambile ngwavo, Kanda tucipulako, oloze tucitahise navitaho tumone ou mwacitambula. Mangana Mazu-vasoneka akalumbunuke, awa akwamba ngwawo,
#
Samu 22.18. Valipangilile kuvwala cami,
Kaha vatahixile navitaho hacikuto cami.
25Ngoco maswalale valingile vyumevi. #Mateu 27.55-56; Mako 15.40-41; Luka 23.39.Oloze kwakamwihi nakulusu yaYesu kwemanyine naye nandumbwanaye wapwevo naMaliya pwevo lyaKeleyopa naMaliya wakuMangatala.
26Kaha Yesu hakumona naye #13.23; 20.2; 21.20.nakambaji uze vazangilenga kuli Yesu nemana, ambile kuli naye ngwenyi, #2.4.Ove pwevo, tala mwanove ou!
27Himwamwamba nawa uze kambaji kenyi ngwenyi, Tala noko ou! Kaha kufumisa kulwola luze uze kambaji kenyi amutwalile kumahyenyi.
28Vyumevi hakukuma, Yesu hakutacikiza ngwenyi, Vyuma vyosena vinahu jino, mangana #Samu 69.21.Mazuvasoneka alumbunuke, ambile ngwenyi, Nguli nalipwila.
29Kuze kwapwile mulondo wakutumbika wakuzala navinyo vingangamina. Ngoco vavombekele #19.29:Cuma cacivwovu cakufwana nge mupelo. Veji kuviwananga kukalungalwiji.ciponja muvinyo vize vingangamina, vacihakile #19.29:Husope yinapu kaciputa kakulifuci lize.kuhusope, vacihakile kukanwa kenyi.
30Kahomu alingile Yesu hanavitambula lyehi vize vinyo vingangamina ambile ngwenyi, #17.4.Cinahu. Kaha azewile mutwe wenyi, ecele xipilitu yenyi.
Navamutova Yesu kuluhaci
31Jino hapwile hakulongesa vyahapaseka, kaha vambile ngwavo, #Luxi. 21.33.Vivimbi kanda vatwama hajikulusu nahasambatako (mwomwo likumbi lyasambata lize lyapwile lyalilemu), xikaho vaYuleya vamulombele Pilatu ngwavo, Vakahokole mahinji avo vakavafumiseho.
32Kaha maswalale vejile, vahokwele mahinji ayou wakulivanga nawawa amukwavo, vaze vasukikile kujikulusu naikiye hamwe.
33Oloze hakuheta kuli Yesu, hakumumona ngwavo, nafu lyehi, kavahokwele mahinji enyiko.
34Oloze kuli vaze maswalale umwe amutuvile likunga kuluhaci, kaha linwomu kwalovokele #Yowa. 1, 5.6-8.manyinga nameya.
35Ou acimwene ikiye #15.27; 21.24.nambulula unjiho wenyi, kaha unjiho wenyi unapu wamucano, ikiye natacikiza ngwenyi, Nguli nakuhanjika mwamucano, mangana nayenu nawa mwitave.
36Mwomwo vyuma kana vyasolokele mangana Mazu-vasoneka alumbunuke ngwavo, #Kulo. 12.46; Kula. 9.12; Samu 34.20.Kavexi kuhokola cifuhwa cenyi cipwe cimweko.
37Kaha ceka nawa lizu lyeka vasoneka Unambe ngwalyo, #Zeka. 12.10.Navakamutala uze vatuvile.
Navamufunda Yesu
(Mateu 27.57-61; Mako 15.42-47; Luka 23.50-56)
38Vyumevi hakukuma, Yosefwe wakuAlimateya, apwilenga kambaji kaYesu, oloze azenekele kulilumbununa #7.13.hakwivwa woma wavaYuleya, amulombele Pilatu ngwenyi, amwitavile kufumisaho mujimba waYesu. Kaha Pilatu etavile. Kahejile afumixile mujimba waYesu.
39Kwejile #3.1; 7.50.naNyikotemu nawa, uze ejile hakulivanga kuli Yesu naufuku, ikiye #Mako 16.1.anehele #19.39:Vyuma vyamavumba amwaza.mila namalowe vyakufutula, pezo yavyo yatele kafwe mujipaundu likulukaji.
40Ngoco mujimba waYesu vaumbacile, #11.44.vaujingilile hamahina alinyu navyuma kana vyamavumba amwaza hamwe, nganomu veji kulingilanga vaYuleya hakufunda vafu.
41Kaha kuze kuma vamusukikilile kukulusu kwapwile milemba, kumilemba kana kwapwile #Mateu 27.60.cimbumbe cacihya capwile kanda vacifundemo lyehi mufu.
42Xikaho mwamuze vene vamufunjile Yesu, mwomwo hapwile hakulongesa vaYuleya vyahapaseka, mwomwo cimbumbe kana capwile hakamwihi, xikaho.
Цяпер абрана:
YOWANO 19: LUE70
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Luvale Bible © Bible Society of Zambia, 1970.