Yohanes Demo ma mulaingi
Demo ma mulaingi
Habari Roanga ga'a Yohanes 'a lefo ga'a lefo boku nena-ne gena-ge ngowa'a matengo: Yesus 'ai me-mete'e ga'a Unanga 'o dadalara 'a lefo (21:20-24, 13:23, 19:26, 20:2, 21:2-7).
Yohanes 'ai maksudu 'i silefo toma boku nena-ne, toma bu-bula'a—bu-bula'a ma betongo so'o ne: “...'oru ga'a ta lefo 'ane-ne, la ngini ni ngaku mangale Yesus, Unanga gena-ge Kristus ga'a Ma Jou'ongu Madutu ro sijaji, Ma Jou'ongu Madutu 'Ai Ngowa'a Nau'u re, la ngini sanga 'ahu kasingado-ngadolo i'a, sababu ninga ngo-ngaku ra Ma Jou'ongu Madutu.” (20:30-31) Toma balangu rimoi singadolo nyagi moi romoḏiḏi ngene wa baca didina'o heranga soi tumudingi ga'a ma ngale: Unanga mode-mode'e Ma Jou'ongu Madutu 'Ai Ngowa'a Nau'u. Re Yesus si'aro'o Ma Jou'ongu Madutu 'Ai Ngowa'a Nau'u (1:34, 1:49, 3:16-18, 5:23-25, 11:4, 11:27, 20:31).
Re Yesus 'o kanau mangale Unanga masiretene: “Ngoi nena-ne roti ga'a sigasa 'ahu” (6:35), “Ngoi nena-ne dungia ma tarangi” (8:12), “Ngoi nena-ne karunga ma ngalana” (10:7-9), “Ngoi nena-ne 'O Sowohi ma La-La” (10:11-14), “Ngoi nena-ne dadunu to si'ahu ngowa-ngowa'a sengene, re To pula'a 'ahu ḏi'i” (11:25), “Ngoi nena-ne ngo'omo di'a ni sapolo ra Tari Ḇaḇa. Ngoi nena-ne to sijumu 'oru ga'a 'i banari mangale 'Ari Ḇaḇa. Re ḏi'i Ngoi nena-ne to pula'a 'ahu kasingado-ngadolo i'a.” (14:6), “Ngoi nena-ne 'anggur ma lese lamo'o mode-mode'e” (15:1-5). Soi moi ḏi'i Yesus 'o kanau, “Sibuoro 'a Abraham nyangu, Ngoi 'age ḏua” (8:58) gena-ge ma ngale Yesus Ma Jou'ongu Madutu 'Ai Ngowa'a Nau'u, Kai mulaingi ua, re Kai ḏo-ḏogumu ua.
Ma dara:
1. Demo ma mulaingi (1:1-8)
2. Yesus 'o 'a'a ga'a hera-heranga reo doto'o ngowa'a repe. 'A sitarangi mangale Unanga Ma Jou'ongu Madutu 'Ai Ngowa'a Nau'u. (1:19—12:50)
a. Yesus mulaingi 'Ai munara toma dungia. (1:19—4:54)
b. 'Oru ga'a 'i dadi toma limau Yerusalem wakutu Sabata ma wangere. (balangu 5)
c. 'Oru ga'a 'i dadi toma limau Galilea wakutu Paskah ma Wangere (balangu 6)
d. 'Oru ga'a 'i dadi toma Yudea wakutu laya 'a'a suyu'u reo ate ma so'a (7:1—10:21)
e. 'Oru ga'a 'i dadi toma laya tabisi Ma Jou'ongu Madutu 'ai Wala. (10:22-42)
2. 'Oru ga'a 'i dadi wakutu siḏo-ḏogumu Paskah ma Wangere nyangu. (balangu 11-12)
3. Yesus 'o doto'o 'Ai me-mete'e, 'orasa lobi'i wakutu 'U sisengene Yesus nyangu. (balangu 13-17)
4. Yesus sanga cako'o, sisengene, re dadunu 'o 'ahu moju. (18:1—20:29)
5. Boku nena-ne ma maksudu. (20:30-31)
6. Yesus 'ai demo-demo ma ḏo-ḏogumu wakutu Yesus dadunu 'O 'ahu moju re 'O masibaiti Tai me-mete'e nga tumudingi. (balangu 21)
Цяпер абрана:
Yohanes Demo ma mulaingi: SNT
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
2015 © Indonesian Bible Society