Omochakano 9
9
Nyasae ogosesenia Nuhu na gokora okobwatana nere
1 #
Omoch 1:28
Nyasae agasesenia Nuhu amo nabamura baye, akabateebia: “Moibore, momeneteke, moichore ase ense. 2Ching’iti chionsi chire ase ense chibooboe na kobairoka inwe; chinyoni chia igoro, ne ching’iti chikwagura igoro ase ense, ne chinswe chionsi chi’enyancha; echio chionsi chiabekirwe ase amaboko aino.” 3Kera egetongwa kere moyo na gekwagura inakebe endagera yaino; buna nabaete chinyeni na ebimeri binde bigokina, naboigo nabaeire nebio bionsi. 4#Abal 7:26,27; 17:10-14; 19:26; Okoir 12:16,23; 15:23Korende timoria chinyama chire nobomoyo, engencho yaye echire namanyinga ime yabo. 5Amaene, amanyinga y’obogima bwaino ninyaganie ’nyaakanwe; korwa ase kera eng’iti ninyaganie, na korwa ase kera omonto oyogoita oyomwabo ninyaganie ’nyaakanwe obogima bw’omonto oyio.
6 #
Okong’ 20:13; Omoch 1:26 Onde bwensi oraitere amanyinga a Mwanyabaanto,
amanyinga y’omonto oyio neere naiterwe na Mwanyabaanto,
ekiagera Nyasae nigo atongete Mwanyabaanto
ase omobwekano oye ere omonyene.
7 #
Omoch 1:28
Nyasae agateeba: “Na inwe moibore, momenteke, mosaraare, na mobe abange ime ase ense.”
8Erio naende Nyasae agateebia Nuhu amo nabamura baye, 9“Rora, inche ngokora nde okobwatana kw’ogotianania nainwe, amo na ororeeria rwaino roraiborwe korwa magega yaino; 10naende na kera egetongwa kere moyo kere amo nainwe, chinyoni chionsi ne ching’iti chigotugwa, ne ching’iti chionsi chi’orosana echio chire amo nainwe, chionsi echiasokire korwa ase obwato ime. 11Ngokora nde okobwatana kw’ogotianania nainwe, ng’a kende gionsi kere moyo tigekomerwa naende n’amaache y’etoigo, gose etoigo tegocha koba naende egosaria ense magega y’ayio.” 12Naende Nyasae agateeba: “Eke nakio ekemanyererio gi’okobwatana kwane kw’ogotianania nakorire egati yane nainwe, na kera egetongwa kere moyo amo nainwe, na ase ebiaare bigochiagocha.” 13Erio naende Nyasae agateeba: “Inche nabekire omokubinyongo one ase amare, noro nobe ekemanyererio gi’okobwatana oko egati yane na ense. 14Ekero nkwara amare igoro y’ense, na omokubinyongo nobe okororekana ase amare. 15Erio nimbe nkoinyora okobwatana kwane, okwo nakorire egati yane nainwe, amo na kera egetongwa kere moyo. Amache takoba naende etoigo egoita ebitongwa bionsi bire moyo. 16Ekero omokubinyongo okoba ase amare, na inche nkoyorigereria, ning’inyore okobwatana kwane gwa kare na kare, okwo nakorire egati yane, buna inche Nyasae na kera egetongwa kere moyo ase ense.” 17Nyasae agateebia Nuhu: “Eke nakio ekemanyererio gi’okobwatana okwo nakorire egati yane na ebitongwa bionsi bire moyo ase ense.”
Abana ba Nuhu
18Abana ba Nuhu abarwete ase obwato nabwo aba: Shemu, na Hamu, na Yafeti. Hamu nere ise Kaanani. 19Aba batato nabwo baareenge abana ba Nuhu, na korwa ase abwo Mwanyabaanto bakaranda ase ense engima.
20Nuhu akaba omoremi, akaba oyo bw’eritang’ani gosimeka emesabibu, nero ekoroisigwa edivai. 21Ere akanywa edivai; erio agatinda, akaraara ore getirianda ase eema yaye ime. 22Hamu, ise Kaanani, akamorora ore getirianda, agateebia bamura bamwabo babere baareenge isiko amang’ana aya arooche. 23Erio Shemu na Yafeti bakabogoria engobo, bakayebeeka amareko abo igoro, bakagenda kemagega‐magega, bakabisia ise obogetirianda bwaye. Amaiso abo nigo arigereretie aase bakorwa, na tibarora obogetirianda bwa ise. 24Ekero Nuhu atindokire korwa ase okonywa kwaye kw’edivai, akamanya eke omwana oye omoke amokoreire, 25agateeba,
“Kaanani aragererigwe;
nigo arabe omosomba bw’abasomba ase abamwabo.”
26Naende agateeba,
“Omonene, Nyasae o Shemu, nasesenigwe,
na Kaanani abe omosomba oye.
27Nyasae amentere Yafeti obomenyo,
tiga amenye ase chiema chia Shemu,
na Kaanani abe omosomba oye.”
28Magega y’etoigo eria Nuhu akamenya naende emiaka amagana atato, na emerongo etano (350). 29Nuhu nigo akoorete emiaka amagana kianda, na emerongo etano (950), erio agakwa.
Цяпер абрана:
Omochakano 9: EKGE
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
©Bible Society of Kenya, 2021