SOQQAMAASINETE LOOSO 7
7
ISXIFAANOOSI COYI'RINO COYE
1Qeesootu roorrichi Isxifaanoosi, «Kuni yinanni coyi garaho?» yee xa'mi.
2Isxifaanoosino, «Roduuwa'yanna annuwa'ya, hanni macciishshe! Anninke Abirihaami Kaaraani gobba ha'rara albaanni Mesiphexoomiyaho hee'reenna, ayirrinyu Magani leellinosi. 3‹Gobbakkinni fulte, fiixikkiwiinni baxxite, ani leellisheemmohe gobba ha'ri!› yiinosi.#Kal 12:1 lai. 4Hatte yannara Keledootu gobba agure mare Kaaraani hee'rino. Annisi reyihu gedensaanni Maganu Kaaraani gobbanni kayise, kune techo ki'ne heedhinanni gobba abbinosi.#Kal 11:31; 12:4 lai. 5Dayi yannara kaxxe uurranno darga nafa diuyinosi. Ikkollana hattenne gobba isiranna sirchisira iqqa asse aara xaarino. Xaarinohu Abirihaami ooso ilikkinniiti.#Kal 12:7; 13:15; 15:18; 17:8 lai. 6Sirchisi allaggu gobbara wosi'ne hee'rannotanna hakkiichono shoole xibbe diro borojje ikke, kadame galannota kulinosi.#Kal 15:13-14 lai. 7Maganu qole, ‹Insa borojje asse gashshi'ranno manni aanano yoo yeemmo. Hakkunni gedensaanni borojjimmatenni fulte, hakkiichonni magansidhannoe› yee coyi'rino.#Ful 3:12 lai. 8Hakkunni gedensaanni barcimate gondooro uyinosi; kunnira Yisihaaqi ilamihunni settikki barra barcimshiishino. Yisihaaqino beettosi Yaiqoobi barcimshiishino. Yaiqoobino gosate annuwa ikkitinore tonaa lamenta oososi barcimshiishino.#Kal 3:11-14; 21:2-4; 25:26; 29:31-35; 18 lai.
9«Yaiqoobi ooso rodoonsa Yooseefi hinaasse Gibitsete gobbara borojjicho ikke hee'ranno gede hirtinosi. Maganu kayinni ledosi no.#Kal 37:11; 28; 39:2; 21 lai. 10Qarru baalunkunnino fushshe, Gibitsete moote Feriooni albaanni ayirrinyenna egenno uyinosi. Mooteno Gibitsetenna minisira baalaho hajajaancho assinosi.#Kal 41:39-41 lai. 11Hatte yannara Gibitsetenna Kana"aani gobba baalate lowo qarra abbitino hude ubbino. Annuwankeno sagale afi'ra didandiitino.#Kal 42:1-2 lai. 12Yaiqoobi Gibitsete gobbara gidu noota macciishshe, umo asse annuwanke hakkiichira soyino. 13Layinkimeeshsho Gibitse hadhu yannara Yooseefi roduuwisira isonoo egensiisino. Ayiddesino Ferioonira egensiisino.#Kal 45:1; 16 lai. 14Hakkunni gedensaanni Yooseefi annasi Yaiqoobinna ayiddesi baala isiwa dagganno gede assino. Kiironsa lamalayina onte mannaati.#Kal 45:9-10,17-18; 46:27 lai. 15Yaiqoobino kae Gibitsete gobba ha'rino; isino annuwankeno hakko reyitino.#Kal 46:1-7; 49:33 lai. 16Miqqansa Sekeemi haa'ne ha'ne Abirihaami Hamoori oosowiinni woxunni hidhino waammara madaarroonni.#Kal 23:3-16; 33:19; 50:7-13; Iya 24:32 lai.
17«Maganu Abirihaamira xaare uyino hexxo wo'mitanno yanna gambissuta, Gibitsete hee'rannohunniti manninke kiiro batidhino. 18Kuni ikkinohu Yooseefi egenninokkihu wolu moote Gibitsete gobbara mooha geeshshaati.#Kal 1:7-8 lai. 19Kuni haaru moote manninkera gano gane annuwanke gadadisino. Qaaqquullinsa reyara fushshite gobba huntanno gede annuwanke qarrisino.#Kal 1:10-11; 22 lai. 20Muse hatte yannara ilamino. Isi Maganu illera xuma qaaqqooti. Sase agana annisi mine lophino.#Kal 2:2 lai. 21Gobba fushshine hunni yannara Feriooni beetto affe adhite ilase gede assite lossidhino.#Kal 2:3-10 lai. 22Isi Gibitsete gobba egenno baala rose, coyinninna loosunni jawaata ikkino.
23«Muse shoyilloo diro ikkisita fiixasi Israeele towata hasi'ri.#Ful 2:11-15 lai. 24Insa giddonni mitto, mittu Gibitsete manchi gawajjannanna tuganna afe, rabbate hakkonne Gibitsicha gane shiino. 25Maganu isi widoonni qole borojjimmatenni fushshannonsata gosasi qaaggannoha lawinosi. Insa kayinni tenne diqaaggino. 26Layinki soodono lamu Israeelooti mimmitu ledo giwantanna afe araarsara hasi're, ‹Ki'ne diroduuwaho, mayira giwantinanni?› yiinsa. 27Roduu ledo giwamanni noohu Muse ka'a qole tuge, ‹Ate ninkera gashshaanchonna yoo yaattoha asse worinohehu ayeti? 28Be'ro Gibitsicha shiitto gede aneno shaattoeraati?› yii. 29Muse konne coye macciishshe, Gibitsete gobbanni xooqe Midiyaami gobba ha're hakko wosinchimma hee'rino. Hakkiicho lame labballi ooso ilino.#Ful 18:3-4 lai.
30«Muse hatte gobbara shoyilloo diro hee'rihu gedensaanni, Siina Ilaalira nootera halallitte gobbara, buwanni noo citi giddo Maganu sokkaasinchi leellisi. 31Muse konne coye lae lowo geeshsha maala'li. Citunniwa shiqqi yee la"anni hee'reenna, 32‹Ani annuwakki Abirihaami, Yisihaaqi, Yaiqoobi Maganooti› yitanno huuro macciishshi. Lowo geeshsha masino daafira, hakka qole la"a waajji. 33Mootichu, ‹Uurrootto dargi Qullaawahona lekkakki koatte fushshi. 34Gibitsete gobbara noohunniha manni'ya qarra addinta afoommo; qarrunnita raarensano macciishshoommo. Kunnira gatisammonsara dirroommo. Xa ate Gibitsete gobba soyammoheraatina amo› yii.#Ful 2:14 lai.
35«Israeelete manni Muse, ‹Ate ninke aana gashshaanchonna yoo yaattoha assihehu ayeti?› yite gibbinosi. Maganu kayinni hakko Musenni citi giddo leellisi sokkaasinchi widoonni qole gashshaanchonna wolassannoha asse insawa soyino. 36Gibitsetenna Duumu Baari aana dhaggenna maalale leellishanni Gibitsetenni fushshe shoyilloo diro massaginonsahu isooti.#Ful 7:5; 14:21; Kir 14:33 lai. 37‹Maganu ane kayisinte gede roduuwi'ne giddonnino himanaancho soyanno'ne› yee coyi'rino Muse isooti.#Ful 8:15; 18 lai. 38Halalla songe noo manni ledonna Siina Ilaali aana coyi'ri sokkaasinchinna annuwanke ledo noohu isooti. Maganunniha heeshshote qaale ninkera sayisinonkehu Muse isooti.#Ful 19:1-20; 17; Mar 5:1-33 lai.
39«Annuwanke kayinni hajajama gibbinosi; wodaninsanni galagalte Gibitse higgara halchitino. 40Aaroonira, ‹Hakku Gibitsetenni fushshinkehu Muse maikkinoro dianfoommona, albankeenni hadhanni massaggannonke maganna seekkinke› yitino.#Ful 32:1 lai. 41Hatte yannara siitu misile seekkite isera kakkalo shiqishshino. Angansanni seekkidhinorira hagiidhite jila ji'litino.#Ful 32:2-6 lai. 42Maganu kayinni insawiinni fafino. Gordu beeddahe magansidhanno gede assinonsa. Hakkuno himanaanote maxaafira,
‹Ki'ne Israeelete manna,
shoyilloo diro wo'ma,
halalla kakkalonna fushshaate,
shiqishshinoonnihu aneraatini?
43Haadhine hadhinoonnihu Molooki dukkanaatinna,
Rafaani magani beeddakko misileeti.
Insa, magansidhinansara yitine,
anga'nenni seekkidhinoonni misillaati.
Kunni daafira qafadote Baabilooni gobba soyemmo'ne› yiino.#Amo 5:25-27 lai.
44«Annuwankera halalla farci'rote dukkani noonsa. Hakko dukkana Muse Maganu kulinosinna leellishinosi garinni seekkino.#Ful 25:9; 40 lai. 45Maganu albinsanni shorre huni daga gobba ragidhu yannara, annuwanke hakkonne dukkana Iyyaasu ledo hakkiichira haadhe massitino. Daawiti yanna geeshshano hakkiicho keeshshino.#Iya 3:14-17 lai. 46Daawitino Maganu albaanni ayirrinye afi're, Yaiqoobi Magani Kaaliiqi galanno mine minara huuccatto assi'rino.#2Sam 7:1-16; 1Dud 17:1-14 lai. 47Maganu mine mininohu kayinni Selemooniiti.#1Mot 6:1-38; 2Dud 3:1-17 lai.
48«Ayirradu Magani kayinni mannu minino mine digalanno. Hakkuno himanaanchu,
49‹Gordu ayirrinyu barcima'yaati;
baatto lekka'yanni kaxxoommowaati.
Anera mintinannie mini hiittoohoyya?
Fooliishshi'reemmo dargino hiittoohoyya?› yaanno Mootichu.
50‹Konne baala dianga'ya loossino?›
yaanno» yee borreessino gedeeti.
51Qoleno, «Ki'ne mokkookkootu wodananna macca beebbinoonniri! Ki'ne Annuwa'nente gede Qullaawa Ayyaana gibbinanni.#Isa 63:10 lai. 52Annuwa'ne xiibbinokki himanaano nooni? Insa Qullaawu daannota umo assite kultinore shitino. Ki'neno xa konne Qullaawa sayissine uyitine shitinoonni. 53Ki'ne sokkaasinete widoonni Seera adhitinoonni; ikkollana diagadhitinoonni» yii.
ISXIFAANOOSI REYO
54Songote miilla konne coye macciishshite lowo geeshsha hanqite, Isxifaanoosira suume ga'midhu. 55Isi kayinni Qullaawu Ayyaani wo'meennasi iima hige lae Maganu ayirrinye lai. Yesuusano Maganoho qiniiteenni uurre nooha afi. 56Kunnira, «Kuneeti, gordu fa'nameenna Manchi Beetti Maganu qiniiteenni nooha la"anni noommo» yii.
57Hatte yannara insa lowo geeshsha cancitu. Macca cu'midhe mitteenni isiwa higge doddu. 58Katamu gobbaanni fushshite kinnatenni awwaaltusi. Naqqassannori uddannansa Saawuli yinanni wedellichi lekka mule wodhitu.
59Isxifaanoosi kinnatenni awwaaltanni heedheennasi, «Mooticha'ya Yesuusa, lubbo'ya atewa haa'ri!» yee huucci'ri. 60Guluphe lowo qoonqonni raare, «Mooticha'ya, tenne sao kiirtootinsa!» yee kae reyi.
Цяпер абрана:
SOQQAMAASINETE LOOSO 7: QulMax
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© The Bible Society of Ethiopia; Sidama Holy Bible BSE-UBS 262 P 2014
SOQQAMAASINETE LOOSO 7
7
ISXIFAANOOSI COYI'RINO COYE
1Qeesootu roorrichi Isxifaanoosi, «Kuni yinanni coyi garaho?» yee xa'mi.
2Isxifaanoosino, «Roduuwa'yanna annuwa'ya, hanni macciishshe! Anninke Abirihaami Kaaraani gobba ha'rara albaanni Mesiphexoomiyaho hee'reenna, ayirrinyu Magani leellinosi. 3‹Gobbakkinni fulte, fiixikkiwiinni baxxite, ani leellisheemmohe gobba ha'ri!› yiinosi.#Kal 12:1 lai. 4Hatte yannara Keledootu gobba agure mare Kaaraani hee'rino. Annisi reyihu gedensaanni Maganu Kaaraani gobbanni kayise, kune techo ki'ne heedhinanni gobba abbinosi.#Kal 11:31; 12:4 lai. 5Dayi yannara kaxxe uurranno darga nafa diuyinosi. Ikkollana hattenne gobba isiranna sirchisira iqqa asse aara xaarino. Xaarinohu Abirihaami ooso ilikkinniiti.#Kal 12:7; 13:15; 15:18; 17:8 lai. 6Sirchisi allaggu gobbara wosi'ne hee'rannotanna hakkiichono shoole xibbe diro borojje ikke, kadame galannota kulinosi.#Kal 15:13-14 lai. 7Maganu qole, ‹Insa borojje asse gashshi'ranno manni aanano yoo yeemmo. Hakkunni gedensaanni borojjimmatenni fulte, hakkiichonni magansidhannoe› yee coyi'rino.#Ful 3:12 lai. 8Hakkunni gedensaanni barcimate gondooro uyinosi; kunnira Yisihaaqi ilamihunni settikki barra barcimshiishino. Yisihaaqino beettosi Yaiqoobi barcimshiishino. Yaiqoobino gosate annuwa ikkitinore tonaa lamenta oososi barcimshiishino.#Kal 3:11-14; 21:2-4; 25:26; 29:31-35; 18 lai.
9«Yaiqoobi ooso rodoonsa Yooseefi hinaasse Gibitsete gobbara borojjicho ikke hee'ranno gede hirtinosi. Maganu kayinni ledosi no.#Kal 37:11; 28; 39:2; 21 lai. 10Qarru baalunkunnino fushshe, Gibitsete moote Feriooni albaanni ayirrinyenna egenno uyinosi. Mooteno Gibitsetenna minisira baalaho hajajaancho assinosi.#Kal 41:39-41 lai. 11Hatte yannara Gibitsetenna Kana"aani gobba baalate lowo qarra abbitino hude ubbino. Annuwankeno sagale afi'ra didandiitino.#Kal 42:1-2 lai. 12Yaiqoobi Gibitsete gobbara gidu noota macciishshe, umo asse annuwanke hakkiichira soyino. 13Layinkimeeshsho Gibitse hadhu yannara Yooseefi roduuwisira isonoo egensiisino. Ayiddesino Ferioonira egensiisino.#Kal 45:1; 16 lai. 14Hakkunni gedensaanni Yooseefi annasi Yaiqoobinna ayiddesi baala isiwa dagganno gede assino. Kiironsa lamalayina onte mannaati.#Kal 45:9-10,17-18; 46:27 lai. 15Yaiqoobino kae Gibitsete gobba ha'rino; isino annuwankeno hakko reyitino.#Kal 46:1-7; 49:33 lai. 16Miqqansa Sekeemi haa'ne ha'ne Abirihaami Hamoori oosowiinni woxunni hidhino waammara madaarroonni.#Kal 23:3-16; 33:19; 50:7-13; Iya 24:32 lai.
17«Maganu Abirihaamira xaare uyino hexxo wo'mitanno yanna gambissuta, Gibitsete hee'rannohunniti manninke kiiro batidhino. 18Kuni ikkinohu Yooseefi egenninokkihu wolu moote Gibitsete gobbara mooha geeshshaati.#Kal 1:7-8 lai. 19Kuni haaru moote manninkera gano gane annuwanke gadadisino. Qaaqquullinsa reyara fushshite gobba huntanno gede annuwanke qarrisino.#Kal 1:10-11; 22 lai. 20Muse hatte yannara ilamino. Isi Maganu illera xuma qaaqqooti. Sase agana annisi mine lophino.#Kal 2:2 lai. 21Gobba fushshine hunni yannara Feriooni beetto affe adhite ilase gede assite lossidhino.#Kal 2:3-10 lai. 22Isi Gibitsete gobba egenno baala rose, coyinninna loosunni jawaata ikkino.
23«Muse shoyilloo diro ikkisita fiixasi Israeele towata hasi'ri.#Ful 2:11-15 lai. 24Insa giddonni mitto, mittu Gibitsete manchi gawajjannanna tuganna afe, rabbate hakkonne Gibitsicha gane shiino. 25Maganu isi widoonni qole borojjimmatenni fushshannonsata gosasi qaaggannoha lawinosi. Insa kayinni tenne diqaaggino. 26Layinki soodono lamu Israeelooti mimmitu ledo giwantanna afe araarsara hasi're, ‹Ki'ne diroduuwaho, mayira giwantinanni?› yiinsa. 27Roduu ledo giwamanni noohu Muse ka'a qole tuge, ‹Ate ninkera gashshaanchonna yoo yaattoha asse worinohehu ayeti? 28Be'ro Gibitsicha shiitto gede aneno shaattoeraati?› yii. 29Muse konne coye macciishshe, Gibitsete gobbanni xooqe Midiyaami gobba ha're hakko wosinchimma hee'rino. Hakkiicho lame labballi ooso ilino.#Ful 18:3-4 lai.
30«Muse hatte gobbara shoyilloo diro hee'rihu gedensaanni, Siina Ilaalira nootera halallitte gobbara, buwanni noo citi giddo Maganu sokkaasinchi leellisi. 31Muse konne coye lae lowo geeshsha maala'li. Citunniwa shiqqi yee la"anni hee'reenna, 32‹Ani annuwakki Abirihaami, Yisihaaqi, Yaiqoobi Maganooti› yitanno huuro macciishshi. Lowo geeshsha masino daafira, hakka qole la"a waajji. 33Mootichu, ‹Uurrootto dargi Qullaawahona lekkakki koatte fushshi. 34Gibitsete gobbara noohunniha manni'ya qarra addinta afoommo; qarrunnita raarensano macciishshoommo. Kunnira gatisammonsara dirroommo. Xa ate Gibitsete gobba soyammoheraatina amo› yii.#Ful 2:14 lai.
35«Israeelete manni Muse, ‹Ate ninke aana gashshaanchonna yoo yaattoha assihehu ayeti?› yite gibbinosi. Maganu kayinni hakko Musenni citi giddo leellisi sokkaasinchi widoonni qole gashshaanchonna wolassannoha asse insawa soyino. 36Gibitsetenna Duumu Baari aana dhaggenna maalale leellishanni Gibitsetenni fushshe shoyilloo diro massaginonsahu isooti.#Ful 7:5; 14:21; Kir 14:33 lai. 37‹Maganu ane kayisinte gede roduuwi'ne giddonnino himanaancho soyanno'ne› yee coyi'rino Muse isooti.#Ful 8:15; 18 lai. 38Halalla songe noo manni ledonna Siina Ilaali aana coyi'ri sokkaasinchinna annuwanke ledo noohu isooti. Maganunniha heeshshote qaale ninkera sayisinonkehu Muse isooti.#Ful 19:1-20; 17; Mar 5:1-33 lai.
39«Annuwanke kayinni hajajama gibbinosi; wodaninsanni galagalte Gibitse higgara halchitino. 40Aaroonira, ‹Hakku Gibitsetenni fushshinkehu Muse maikkinoro dianfoommona, albankeenni hadhanni massaggannonke maganna seekkinke› yitino.#Ful 32:1 lai. 41Hatte yannara siitu misile seekkite isera kakkalo shiqishshino. Angansanni seekkidhinorira hagiidhite jila ji'litino.#Ful 32:2-6 lai. 42Maganu kayinni insawiinni fafino. Gordu beeddahe magansidhanno gede assinonsa. Hakkuno himanaanote maxaafira,
‹Ki'ne Israeelete manna,
shoyilloo diro wo'ma,
halalla kakkalonna fushshaate,
shiqishshinoonnihu aneraatini?
43Haadhine hadhinoonnihu Molooki dukkanaatinna,
Rafaani magani beeddakko misileeti.
Insa, magansidhinansara yitine,
anga'nenni seekkidhinoonni misillaati.
Kunni daafira qafadote Baabilooni gobba soyemmo'ne› yiino.#Amo 5:25-27 lai.
44«Annuwankera halalla farci'rote dukkani noonsa. Hakko dukkana Muse Maganu kulinosinna leellishinosi garinni seekkino.#Ful 25:9; 40 lai. 45Maganu albinsanni shorre huni daga gobba ragidhu yannara, annuwanke hakkonne dukkana Iyyaasu ledo hakkiichira haadhe massitino. Daawiti yanna geeshshano hakkiicho keeshshino.#Iya 3:14-17 lai. 46Daawitino Maganu albaanni ayirrinye afi're, Yaiqoobi Magani Kaaliiqi galanno mine minara huuccatto assi'rino.#2Sam 7:1-16; 1Dud 17:1-14 lai. 47Maganu mine mininohu kayinni Selemooniiti.#1Mot 6:1-38; 2Dud 3:1-17 lai.
48«Ayirradu Magani kayinni mannu minino mine digalanno. Hakkuno himanaanchu,
49‹Gordu ayirrinyu barcima'yaati;
baatto lekka'yanni kaxxoommowaati.
Anera mintinannie mini hiittoohoyya?
Fooliishshi'reemmo dargino hiittoohoyya?› yaanno Mootichu.
50‹Konne baala dianga'ya loossino?›
yaanno» yee borreessino gedeeti.
51Qoleno, «Ki'ne mokkookkootu wodananna macca beebbinoonniri! Ki'ne Annuwa'nente gede Qullaawa Ayyaana gibbinanni.#Isa 63:10 lai. 52Annuwa'ne xiibbinokki himanaano nooni? Insa Qullaawu daannota umo assite kultinore shitino. Ki'neno xa konne Qullaawa sayissine uyitine shitinoonni. 53Ki'ne sokkaasinete widoonni Seera adhitinoonni; ikkollana diagadhitinoonni» yii.
ISXIFAANOOSI REYO
54Songote miilla konne coye macciishshite lowo geeshsha hanqite, Isxifaanoosira suume ga'midhu. 55Isi kayinni Qullaawu Ayyaani wo'meennasi iima hige lae Maganu ayirrinye lai. Yesuusano Maganoho qiniiteenni uurre nooha afi. 56Kunnira, «Kuneeti, gordu fa'nameenna Manchi Beetti Maganu qiniiteenni nooha la"anni noommo» yii.
57Hatte yannara insa lowo geeshsha cancitu. Macca cu'midhe mitteenni isiwa higge doddu. 58Katamu gobbaanni fushshite kinnatenni awwaaltusi. Naqqassannori uddannansa Saawuli yinanni wedellichi lekka mule wodhitu.
59Isxifaanoosi kinnatenni awwaaltanni heedheennasi, «Mooticha'ya Yesuusa, lubbo'ya atewa haa'ri!» yee huucci'ri. 60Guluphe lowo qoonqonni raare, «Mooticha'ya, tenne sao kiirtootinsa!» yee kae reyi.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© The Bible Society of Ethiopia; Sidama Holy Bible BSE-UBS 262 P 2014