SOQQAMAASINETE LOOSO 8
8
1Saawuli Isxifaanoosi shaate sumuu yiino.
AMMANAANOTE XIIWAMANNA BILLAALLANSA
Isxifaanoosi reyi barra, Yerusaalamete noo beetekiristaanera lowo xiiwama iillitu. Soqqamaasine calla agurranna ammanaano baala Yihudunna Samaariyu gobba billaallitu. 2Jawaata ammanaano Isxifaanoosi reeshsha haadhe madaartu. Lowo geeshsha raarte wi'litusi.
3Saawuli kayinni beetekiristaane hunara murci're kaino. Minunni mine sa"anni ammanaano meyaa labbaaha amade usuru minira eessanno.
SAMAARIYAHO DANCHA DUDUWO KULLI
4Billaallitino Ammanaano hadhuwa baala Maganu qaale kultu. 5Filiphoosi Samaariyu katama mare mannaho Kiristoosire rosiisi. 6Mannu Filiphoosi rosiisinorenna assino maalale baala lae, mittu wodaninni seekke macciishshi. 7Busha ayyaannano lowo qaalinni raarte lowo manni giddonni fultu. Lowo laanshaawootinna naafootu hurtu. 8Kunnira hakko katamira lowo hagiirre ikki.
9Hakko katamira Simiooni yinanni manchi no. Kuni manchi Samaariyu katamira kiilanni manna dheggeeffachishanni hee'ranno. Isonoo jawu manchi gede asse hedanno. 10Jawa shiima yinikkinni mannu baalu, «Konne mancho rooreho yinoonnihu Maganu wolqa noosi daafiraati» yaanni seekke macciishshannosi. 11Seekke macciishshannosihu lowo yannanni kayise kiilanno woyite maala'litanno gede assinonsahuraati. 12Ikkollana Filiphoosi Maganu gashshootirenna Yesuusi Kiristoosi su'minni kulinoha Dancha Duduwo macciishshe meyaa labbaahu ammane cuuami. 13Simiooni nafa gatikkinni amma'ne, cuuame Filiphoosi ledo hee'ranni, leellinshanni malaatenna jajjabba maalale lae dhaggeeffati.
14Yerusaalamete heedhanno soqqamaasine Samaariyu gobba manni Maganu qaale adhinota macciishshite, Pheexiroosinna Yohaannisi hakkiira sokku. 15Pheexiroosinna Yohaannisi hakkiichira iillite Samaariyu manni Qullaawa Ayyaana adhanno gede huuccatto assitunsa. 16Samaariyu manni Mootichu Yesuusi su'minni cuuantinota ikkinnina Qullaawu Ayyaani mittu aana nafa didirrino. 17Kunnira Pheexiroosinna Yohaannisi anga aanaho wortunsata Qullaawu Ayyaani dirrinsa.
18Soqqamaasine anga aanaho worteenna mannu Qullaawa Ayyaana afi'rita lae Simiooni woxe abbe, 19«Anino anga aanaho woreemmo manni Qullaawa Ayyaana adhanno gede roorre uuyye"e!» yii.
20Pheexiroosi kayinni, «Maganu elto woxunni afi'rate hedoottohura woxikki ate ledo bao! 21Wodanikki Maganu albaanni suwashsho ikkinokki daafira, ati tenne kaayyo beeqqaasincho ikka didandaatto. 22Tenne bunshekkira gaabbite aagintaawi; miteekke wodanikki bunshe agurannoheha ikkannona Magano huucci'ri. 23Ati bushu hinaasinna cubbu usuri giddo wo'minoheha ikkoottota afoommo» yiisi.
24Simioonino, «Xa coyi'ritto coyi giddonni mittuno iillannoekki gede Magano ki'nenni huucce"e» yii.
25Pheexiroosinna Yohaannisi farcidhuhunna Mootichu qaale kultuhu gedensaanni, Samaariyu qachi baalaho Dancha Duduwo kultanni Yerusaalame higgu.
FILIPHOOSI ITIYOPHIYU MANCHO CUUI
26Maganu sokkaasinchi Filiphoosi, «Yerusaalametenni kae Gaaza massitanno doogo amade Wodiidira hige ha'ri» yii. Hatti doogo halallittete. 27Isino kae ha'ri. Hatte yannara Itiyophiyunnihu mittu mureessu manchi Magano magansi'rara Yerusaalame ha'rino. Isi Itiyophiyu mootitte Hindeke yinannitera muli amaalaanchootinna woxese baalaho hajajaanchoho. 28Isi gobbasi higanni hee're faradi gaarete aana ofolle himanaanchu Isayaasi maxaafa nabbawanni no. 29Hatte yannara Qullaawu Ayyaani Filiphoosi, «Marte hattenne faradi gaare mule uurri» yiisi.
30Filiphoosino faradi gaarenniwa rahe mare, Itiyophiyu manchi himanaanchu Isayaasi maxaafa nabbawanna macciishshe, «Nabbawattoha buuxootto?» yii.
31Manchuno, «Kulannoehu nookkiha maminni buuxeemmo?» yii.
Filiphoosi, «Faradi gaare'ya aanira giddite ane ledo ofolli» yiisi.
32Nabbawanni noo maxaafi gafi,
«Isi gorrinara haa'ne ha'nanni ge'rechi gede,
orda hanxanna sammi yaanno wilii'lichi gede,
afoo fa'nannokkiha sammi yiino.
33Iso qarrinse halaale beeshshine,
lubbosi baattote aaninni haa'ne hoolloonnita,
ilamasi giddonni coyi'rannohu nooni?»
yaannoho.
34Manchu Filiphoosira, «Himanaanchu konne coye aye daafira coyi'rino? Umisireetinso wolunnireeti? Hanni ballo kulie» yii. 35Filiphoosino Qullaawu Maxaafihu hakko gafinni kayise, Yesuusiha Dancha Duduwo kulisi.
36Hadhanni heedhe doogote wayi noowa iillitu. Manchino, «Kuneeti kawiicho wayi no; cuuama hoolannoeri nooni?» yii.
37Filiphoosi, «Wo'mu wodanikkinni amma'nittoro cuuama dandaatto» yiisi.
Isino, «Yesuusi Kiristoosi Maganu Beetto ikkinota ammanoommo» yii.
38Manchuno faradi gaare uurritanno gede hajaji. Lamunku wayi eelira dirriteenna Filiphoosi cuuisi. 39Wayi giddonni fultuhu gedensaanni Maganu Ayyaani Filiphoosi wolewa haa're ha'risi. Manchu layinkita iso diafino; ikkollana tashshi yaannasi doogosi ha'ri. 40Filiphoosi kayinni ha're Azoxoosi leelli. Qiisaariya daa geeshsha katamma baalate ha'ranni Dancha Duduwo kuli.
Цяпер абрана:
SOQQAMAASINETE LOOSO 8: QulMax
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© The Bible Society of Ethiopia; Sidama Holy Bible BSE-UBS 262 P 2014
SOQQAMAASINETE LOOSO 8
8
1Saawuli Isxifaanoosi shaate sumuu yiino.
AMMANAANOTE XIIWAMANNA BILLAALLANSA
Isxifaanoosi reyi barra, Yerusaalamete noo beetekiristaanera lowo xiiwama iillitu. Soqqamaasine calla agurranna ammanaano baala Yihudunna Samaariyu gobba billaallitu. 2Jawaata ammanaano Isxifaanoosi reeshsha haadhe madaartu. Lowo geeshsha raarte wi'litusi.
3Saawuli kayinni beetekiristaane hunara murci're kaino. Minunni mine sa"anni ammanaano meyaa labbaaha amade usuru minira eessanno.
SAMAARIYAHO DANCHA DUDUWO KULLI
4Billaallitino Ammanaano hadhuwa baala Maganu qaale kultu. 5Filiphoosi Samaariyu katama mare mannaho Kiristoosire rosiisi. 6Mannu Filiphoosi rosiisinorenna assino maalale baala lae, mittu wodaninni seekke macciishshi. 7Busha ayyaannano lowo qaalinni raarte lowo manni giddonni fultu. Lowo laanshaawootinna naafootu hurtu. 8Kunnira hakko katamira lowo hagiirre ikki.
9Hakko katamira Simiooni yinanni manchi no. Kuni manchi Samaariyu katamira kiilanni manna dheggeeffachishanni hee'ranno. Isonoo jawu manchi gede asse hedanno. 10Jawa shiima yinikkinni mannu baalu, «Konne mancho rooreho yinoonnihu Maganu wolqa noosi daafiraati» yaanni seekke macciishshannosi. 11Seekke macciishshannosihu lowo yannanni kayise kiilanno woyite maala'litanno gede assinonsahuraati. 12Ikkollana Filiphoosi Maganu gashshootirenna Yesuusi Kiristoosi su'minni kulinoha Dancha Duduwo macciishshe meyaa labbaahu ammane cuuami. 13Simiooni nafa gatikkinni amma'ne, cuuame Filiphoosi ledo hee'ranni, leellinshanni malaatenna jajjabba maalale lae dhaggeeffati.
14Yerusaalamete heedhanno soqqamaasine Samaariyu gobba manni Maganu qaale adhinota macciishshite, Pheexiroosinna Yohaannisi hakkiira sokku. 15Pheexiroosinna Yohaannisi hakkiichira iillite Samaariyu manni Qullaawa Ayyaana adhanno gede huuccatto assitunsa. 16Samaariyu manni Mootichu Yesuusi su'minni cuuantinota ikkinnina Qullaawu Ayyaani mittu aana nafa didirrino. 17Kunnira Pheexiroosinna Yohaannisi anga aanaho wortunsata Qullaawu Ayyaani dirrinsa.
18Soqqamaasine anga aanaho worteenna mannu Qullaawa Ayyaana afi'rita lae Simiooni woxe abbe, 19«Anino anga aanaho woreemmo manni Qullaawa Ayyaana adhanno gede roorre uuyye"e!» yii.
20Pheexiroosi kayinni, «Maganu elto woxunni afi'rate hedoottohura woxikki ate ledo bao! 21Wodanikki Maganu albaanni suwashsho ikkinokki daafira, ati tenne kaayyo beeqqaasincho ikka didandaatto. 22Tenne bunshekkira gaabbite aagintaawi; miteekke wodanikki bunshe agurannoheha ikkannona Magano huucci'ri. 23Ati bushu hinaasinna cubbu usuri giddo wo'minoheha ikkoottota afoommo» yiisi.
24Simioonino, «Xa coyi'ritto coyi giddonni mittuno iillannoekki gede Magano ki'nenni huucce"e» yii.
25Pheexiroosinna Yohaannisi farcidhuhunna Mootichu qaale kultuhu gedensaanni, Samaariyu qachi baalaho Dancha Duduwo kultanni Yerusaalame higgu.
FILIPHOOSI ITIYOPHIYU MANCHO CUUI
26Maganu sokkaasinchi Filiphoosi, «Yerusaalametenni kae Gaaza massitanno doogo amade Wodiidira hige ha'ri» yii. Hatti doogo halallittete. 27Isino kae ha'ri. Hatte yannara Itiyophiyunnihu mittu mureessu manchi Magano magansi'rara Yerusaalame ha'rino. Isi Itiyophiyu mootitte Hindeke yinannitera muli amaalaanchootinna woxese baalaho hajajaanchoho. 28Isi gobbasi higanni hee're faradi gaarete aana ofolle himanaanchu Isayaasi maxaafa nabbawanni no. 29Hatte yannara Qullaawu Ayyaani Filiphoosi, «Marte hattenne faradi gaare mule uurri» yiisi.
30Filiphoosino faradi gaarenniwa rahe mare, Itiyophiyu manchi himanaanchu Isayaasi maxaafa nabbawanna macciishshe, «Nabbawattoha buuxootto?» yii.
31Manchuno, «Kulannoehu nookkiha maminni buuxeemmo?» yii.
Filiphoosi, «Faradi gaare'ya aanira giddite ane ledo ofolli» yiisi.
32Nabbawanni noo maxaafi gafi,
«Isi gorrinara haa'ne ha'nanni ge'rechi gede,
orda hanxanna sammi yaanno wilii'lichi gede,
afoo fa'nannokkiha sammi yiino.
33Iso qarrinse halaale beeshshine,
lubbosi baattote aaninni haa'ne hoolloonnita,
ilamasi giddonni coyi'rannohu nooni?»
yaannoho.
34Manchu Filiphoosira, «Himanaanchu konne coye aye daafira coyi'rino? Umisireetinso wolunnireeti? Hanni ballo kulie» yii. 35Filiphoosino Qullaawu Maxaafihu hakko gafinni kayise, Yesuusiha Dancha Duduwo kulisi.
36Hadhanni heedhe doogote wayi noowa iillitu. Manchino, «Kuneeti kawiicho wayi no; cuuama hoolannoeri nooni?» yii.
37Filiphoosi, «Wo'mu wodanikkinni amma'nittoro cuuama dandaatto» yiisi.
Isino, «Yesuusi Kiristoosi Maganu Beetto ikkinota ammanoommo» yii.
38Manchuno faradi gaare uurritanno gede hajaji. Lamunku wayi eelira dirriteenna Filiphoosi cuuisi. 39Wayi giddonni fultuhu gedensaanni Maganu Ayyaani Filiphoosi wolewa haa're ha'risi. Manchu layinkita iso diafino; ikkollana tashshi yaannasi doogosi ha'ri. 40Filiphoosi kayinni ha're Azoxoosi leelli. Qiisaariya daa geeshsha katamma baalate ha'ranni Dancha Duduwo kuli.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© The Bible Society of Ethiopia; Sidama Holy Bible BSE-UBS 262 P 2014