YOHAANNISI 12
12
YESUUSIRA SHITTO BUURTU MANCHO
(Mat 26:6-13; Maq 14:3-9)
1Ayihudennihu Agure Sa"ate Ayyaani eara leyu barri gate hee'reenna, Yesuusi Biitaaniya ha'ri. Biitaaniyu, Yesuusi reyotenni kayisi manchi Aliaazaari hee'ranno qachaati. 2Hakkiicho hashshi hurbaate qixxeessinisi; Maartano soqqamatenni kaa'litunsa. Yesuusi ledo hurbaate itara shiqino manni ledo Aliaazaarino no. 3Hatte yannara Maariyaami lowo woxinni hirrannita litirete darate ikkitanno shitto haadhe Yesuusi lekkara duntu; dananchisennino fiitu. Su'niilluno mine wo'mi. 4Yesuusi rosaano giddonni mittu iso hirihu Asiqorootu Yihudi, 5«Tenne shitto 300 birrira#Yoh 6:7 lai. hirre woxe buxanete diuyinanni?» yii. 6Hatto yiinohu buxane marare ikkikkinni, mooraancho ikkinohuraati; woxe amadannohu iso ikkino daafira, aaninni kayise adha rosinohuraati.
7Yesuusi kayinni, «Tenne shitto waamma'ya barrira qixxeessitinona, agurrese! 8Buxane wo'manka woyite ki'ne ledo no. Ane kayinni, wo'manka woyite diaffinannie» yii.
9Hatte yannara lowo Ayihudooti Yesuusi Biitaaniyaho noota affe daggu. Dagginohu Yesuusa calla la'ara ikkikkinni, Yesuusi reyotenni kayisiha Aliaazaarino la'ara yiteeti. 10Qeesootu roorrooti Aliaazaarino shitara ma'litu. 11Isono shitara ma'litinohu, isinni kainohunni lowo Ayihude insa agurte hadhe Yesuusa ammantinohuraati.
YESUUSI AYIRRINYUNNI YERUSAALAME EI
(Mat 21:1-11; Maq 11:1-11; Luq 19:28-40)
12Layinki soodo Agure Sa"ate Ayyaana ayirrisate dayinohu kiiro batinyu manni Yesuusi Yerusaalame daannota macciishshi. 13Kunnira saattu daro haa're Yesuusa haa'rara fule,
«Galata Maganoho;
Mootichu su'minni daannohu
Israeelete Moote maassaminoho»#Far 118:25-26 lai.
yaanni qeexaa'li.
14-15Yesuusi harrichote ilmatticho afi're gulufi. Kunino,
«Tsiyooni Katama, waajjitooti!
Kuneeti mootekki harrichote ilmatticho gulufe daanno»
yinoonni himani wo'manno gedeeti.
16Rosaanosira kuni coyi umo dileellinonsa. Ikkollana, Yesuusi ayirrinyunniwa ei yannara konne coye isi daafira borreessinoonnitanna konneno isira yine assinoonnita qaaggu.
17Yesuusi Aliaazaari waammate giddonni woshshi woyitenna reyotenni kayisi yannara ledosi noo manni baalu afinore duduwi. 18Lowo manni haa'rasira fulinohuno assino maalale macciishshinohuraati. 19Farisootu kayinni insa insanaawa, «Kune gobba baala isi hoode hadhanni no. Ninke mittoreno assa hoongoommowe!» yitu.
SHIIMU GIRIIKOOTI YESUUSA HASIDHU
20Ayyaana ayirrisate Yerusaalame dagginori giddo shiimu Giriikete manni ledo no. 21Insa Galiilaho Beetesayidu manchiwa Filiphoosiwa shiqqe, «Mooticha, Yesuusa la'nammora hasi'noommo» yitu. 22Filiphoosino mare Indiriyaasira kuli. Lamunku mitteenni marte Yesuusira kultu.
23Yesuusino, «Manchi Beetti ayirrinyunniwa eanno yanna iillitino. 24Halaale kuleemmo'nena, qamadete gumi uulla uwe reya hoogiro callisi gatanno; reyiro kayinni, batinye guma laalanno. 25Lubbosi baxannohu hu'nanno; tenne gobbara lubbosi giwannohu hegere heeshshora wodhanno. 26Anera soqqama hasi'rannohu hoode'ya dayo; soqqamaanchi'ya ani noommowa hee'ranno. Anera soqqamannoha Anni'ya ayirrisannosi» yii.
YESUUSI IILLANNOSI QARRIRENNA REYOSIRE KULI
27Xaano Yesuusi, «Kune lubbo'ya shettinona, hanni hiikko! Anna'ya, tenne shettonni gatisie! Hatto yeemmokki gede, dayommohu konne qarra adhammoraatina, giddoonni hige sa"a hasiissannoe. 28Anna'ya, su'makki ayirrisi!» yii.
Hakkunni gedensaanni, «Su'ma'ya ayirrisoommo; ledeno ayirriseemmo» yitanno huuro gordunni daggu.
29Hakkiicho uurre noo manni konne coye macciishshi yannara, «Kuni beleqoho» yii. Gamu qole, «Isi ledo sokkaasinchu hasaawanni no» yii.
30Yesuusi qole, «Tini huuro dagginohu dianeraatina, ki'neraati. 31Tenne gobbara yoo yinanni yanna iillitino; tenne gobba gashshaancho fushshine tungannihu xaati. 32Ani sutameemmo yannara baalanka anewa gamba asseemmo» yii. 33Yesuusi hatto yiinohu ma garinni reyannoro kula hasi'reeti.
34Hatto yiita mannu, «Seeru giddo, ‹Kiristoosi hegere geeshsha hee'ranno› yine borreessinoonni. Ati kayinni, ‹Manchi Beetti sutama hasiissannosi› mayira yiitto? Kuni Manchi Beettino ayeti?» yii.#Far 110:4; Isa 9:7; Hiz 37:25; Dan 7:14 lai.
35Yesuusi daware, «Shiima yanna geeshsha xawaabbu hee'ranno'ne. Tunsichu amadanno'nekki gede xawaabbu hee'reenna alba higgine hadhe. Tunsichunni ha'rannohu mamira ha'ranni nooro diafino. 36Xawaabbu ooso ikkitinanni gede, xawaabbu hee'reenna'ne xawaabba ammanne!» yiinsa. Yesuusi konne coye coyi're kae insawiinni go'li.
AYIHUDENNITA AMMA'NA HOOGANSA
37Yesuusi tenne maalale baala albansaanni loosanni hee'reenna nafa, Ayihudootu diammantinosi. 38Kuni ikkinohuno himanaanchu Isayaasi,
«Mooticha, ninke coyi'neemmore ayi ammanino?
Kaaliiqi wolqa ayera leeltino?»#Isa 51:1 lai.
yiino qaali wo'manno gedeeti. 39Kunnira ammana didandiitino; hakkuno himanaanchu Isayaasi wolewa,
40«Illensanni la'e affannokki gedenna,
wodaninsanni wodanchitannokki gede,
higgannokki gedenna hursannonsakki gede,
Maganu illensa ballisino;
wodanansano dilleessino»#Isa 6:10 lai.
yiino coyi wo'maraati. 41Isayaasi togo yiinohu Kiristoosi ayirrinye afino daafira, isire coyi'ranniiti.
42Ikkirono Ayihudete roorrooti giddonni nafa batinyu Yesuusa amma'nitino. Ikkollana, «Farisootu xaadu mininni fushshite huntannonke» yite waajjitino daafira konne coye xawoho dihasaabbino. 43Tenne gibbinohu, Maganunkunni roore mannu jajansara hasidhinohuraati.
YESUUSI YAANNO YOO
44Yesuusi qoonqosi naggi asse, «Ane amma'nannohu, diane callana soyinoehano amma'nanno. 45Ane la"annohu, ane soyinohano la"anno. 46Ane amma'nannohu baalu tunsichoho hee'rannokki gede, ani tenne gobba xawaabba ikke dayommo. 47Qaale'ya macciishshe agadhannokkihura yoo yeemmohu ane di"ikkoommo. Ani tenne gobba manna gatisate ikkinnina insa aana yoo yaammora didayommo. 48Ane hasi'rannokkihunna qaale'ya giwannohu aana yoo yaannohu no. Kuni ani kuleemmo qaali goofimarchu barra isi aana yoo yaannosi. 49Ani umi'ya roorrenni dicoyi'roommo. Coyi'reemmorenna coyi'reemmo gara hajajinoehu soyinoe Annaati. 50Isi hajajo hegere heeshsho ikkitinota egennoommo. Kunnira ani Anni'ya kulinoere coyi'reemmo» yii.
Цяпер абрана:
YOHAANNISI 12: QulMax
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© The Bible Society of Ethiopia; Sidama Holy Bible BSE-UBS 262 P 2014
YOHAANNISI 12
12
YESUUSIRA SHITTO BUURTU MANCHO
(Mat 26:6-13; Maq 14:3-9)
1Ayihudennihu Agure Sa"ate Ayyaani eara leyu barri gate hee'reenna, Yesuusi Biitaaniya ha'ri. Biitaaniyu, Yesuusi reyotenni kayisi manchi Aliaazaari hee'ranno qachaati. 2Hakkiicho hashshi hurbaate qixxeessinisi; Maartano soqqamatenni kaa'litunsa. Yesuusi ledo hurbaate itara shiqino manni ledo Aliaazaarino no. 3Hatte yannara Maariyaami lowo woxinni hirrannita litirete darate ikkitanno shitto haadhe Yesuusi lekkara duntu; dananchisennino fiitu. Su'niilluno mine wo'mi. 4Yesuusi rosaano giddonni mittu iso hirihu Asiqorootu Yihudi, 5«Tenne shitto 300 birrira#Yoh 6:7 lai. hirre woxe buxanete diuyinanni?» yii. 6Hatto yiinohu buxane marare ikkikkinni, mooraancho ikkinohuraati; woxe amadannohu iso ikkino daafira, aaninni kayise adha rosinohuraati.
7Yesuusi kayinni, «Tenne shitto waamma'ya barrira qixxeessitinona, agurrese! 8Buxane wo'manka woyite ki'ne ledo no. Ane kayinni, wo'manka woyite diaffinannie» yii.
9Hatte yannara lowo Ayihudooti Yesuusi Biitaaniyaho noota affe daggu. Dagginohu Yesuusa calla la'ara ikkikkinni, Yesuusi reyotenni kayisiha Aliaazaarino la'ara yiteeti. 10Qeesootu roorrooti Aliaazaarino shitara ma'litu. 11Isono shitara ma'litinohu, isinni kainohunni lowo Ayihude insa agurte hadhe Yesuusa ammantinohuraati.
YESUUSI AYIRRINYUNNI YERUSAALAME EI
(Mat 21:1-11; Maq 11:1-11; Luq 19:28-40)
12Layinki soodo Agure Sa"ate Ayyaana ayirrisate dayinohu kiiro batinyu manni Yesuusi Yerusaalame daannota macciishshi. 13Kunnira saattu daro haa're Yesuusa haa'rara fule,
«Galata Maganoho;
Mootichu su'minni daannohu
Israeelete Moote maassaminoho»#Far 118:25-26 lai.
yaanni qeexaa'li.
14-15Yesuusi harrichote ilmatticho afi're gulufi. Kunino,
«Tsiyooni Katama, waajjitooti!
Kuneeti mootekki harrichote ilmatticho gulufe daanno»
yinoonni himani wo'manno gedeeti.
16Rosaanosira kuni coyi umo dileellinonsa. Ikkollana, Yesuusi ayirrinyunniwa ei yannara konne coye isi daafira borreessinoonnitanna konneno isira yine assinoonnita qaaggu.
17Yesuusi Aliaazaari waammate giddonni woshshi woyitenna reyotenni kayisi yannara ledosi noo manni baalu afinore duduwi. 18Lowo manni haa'rasira fulinohuno assino maalale macciishshinohuraati. 19Farisootu kayinni insa insanaawa, «Kune gobba baala isi hoode hadhanni no. Ninke mittoreno assa hoongoommowe!» yitu.
SHIIMU GIRIIKOOTI YESUUSA HASIDHU
20Ayyaana ayirrisate Yerusaalame dagginori giddo shiimu Giriikete manni ledo no. 21Insa Galiilaho Beetesayidu manchiwa Filiphoosiwa shiqqe, «Mooticha, Yesuusa la'nammora hasi'noommo» yitu. 22Filiphoosino mare Indiriyaasira kuli. Lamunku mitteenni marte Yesuusira kultu.
23Yesuusino, «Manchi Beetti ayirrinyunniwa eanno yanna iillitino. 24Halaale kuleemmo'nena, qamadete gumi uulla uwe reya hoogiro callisi gatanno; reyiro kayinni, batinye guma laalanno. 25Lubbosi baxannohu hu'nanno; tenne gobbara lubbosi giwannohu hegere heeshshora wodhanno. 26Anera soqqama hasi'rannohu hoode'ya dayo; soqqamaanchi'ya ani noommowa hee'ranno. Anera soqqamannoha Anni'ya ayirrisannosi» yii.
YESUUSI IILLANNOSI QARRIRENNA REYOSIRE KULI
27Xaano Yesuusi, «Kune lubbo'ya shettinona, hanni hiikko! Anna'ya, tenne shettonni gatisie! Hatto yeemmokki gede, dayommohu konne qarra adhammoraatina, giddoonni hige sa"a hasiissannoe. 28Anna'ya, su'makki ayirrisi!» yii.
Hakkunni gedensaanni, «Su'ma'ya ayirrisoommo; ledeno ayirriseemmo» yitanno huuro gordunni daggu.
29Hakkiicho uurre noo manni konne coye macciishshi yannara, «Kuni beleqoho» yii. Gamu qole, «Isi ledo sokkaasinchu hasaawanni no» yii.
30Yesuusi qole, «Tini huuro dagginohu dianeraatina, ki'neraati. 31Tenne gobbara yoo yinanni yanna iillitino; tenne gobba gashshaancho fushshine tungannihu xaati. 32Ani sutameemmo yannara baalanka anewa gamba asseemmo» yii. 33Yesuusi hatto yiinohu ma garinni reyannoro kula hasi'reeti.
34Hatto yiita mannu, «Seeru giddo, ‹Kiristoosi hegere geeshsha hee'ranno› yine borreessinoonni. Ati kayinni, ‹Manchi Beetti sutama hasiissannosi› mayira yiitto? Kuni Manchi Beettino ayeti?» yii.#Far 110:4; Isa 9:7; Hiz 37:25; Dan 7:14 lai.
35Yesuusi daware, «Shiima yanna geeshsha xawaabbu hee'ranno'ne. Tunsichu amadanno'nekki gede xawaabbu hee'reenna alba higgine hadhe. Tunsichunni ha'rannohu mamira ha'ranni nooro diafino. 36Xawaabbu ooso ikkitinanni gede, xawaabbu hee'reenna'ne xawaabba ammanne!» yiinsa. Yesuusi konne coye coyi're kae insawiinni go'li.
AYIHUDENNITA AMMA'NA HOOGANSA
37Yesuusi tenne maalale baala albansaanni loosanni hee'reenna nafa, Ayihudootu diammantinosi. 38Kuni ikkinohuno himanaanchu Isayaasi,
«Mooticha, ninke coyi'neemmore ayi ammanino?
Kaaliiqi wolqa ayera leeltino?»#Isa 51:1 lai.
yiino qaali wo'manno gedeeti. 39Kunnira ammana didandiitino; hakkuno himanaanchu Isayaasi wolewa,
40«Illensanni la'e affannokki gedenna,
wodaninsanni wodanchitannokki gede,
higgannokki gedenna hursannonsakki gede,
Maganu illensa ballisino;
wodanansano dilleessino»#Isa 6:10 lai.
yiino coyi wo'maraati. 41Isayaasi togo yiinohu Kiristoosi ayirrinye afino daafira, isire coyi'ranniiti.
42Ikkirono Ayihudete roorrooti giddonni nafa batinyu Yesuusa amma'nitino. Ikkollana, «Farisootu xaadu mininni fushshite huntannonke» yite waajjitino daafira konne coye xawoho dihasaabbino. 43Tenne gibbinohu, Maganunkunni roore mannu jajansara hasidhinohuraati.
YESUUSI YAANNO YOO
44Yesuusi qoonqosi naggi asse, «Ane amma'nannohu, diane callana soyinoehano amma'nanno. 45Ane la"annohu, ane soyinohano la"anno. 46Ane amma'nannohu baalu tunsichoho hee'rannokki gede, ani tenne gobba xawaabba ikke dayommo. 47Qaale'ya macciishshe agadhannokkihura yoo yeemmohu ane di"ikkoommo. Ani tenne gobba manna gatisate ikkinnina insa aana yoo yaammora didayommo. 48Ane hasi'rannokkihunna qaale'ya giwannohu aana yoo yaannohu no. Kuni ani kuleemmo qaali goofimarchu barra isi aana yoo yaannosi. 49Ani umi'ya roorrenni dicoyi'roommo. Coyi'reemmorenna coyi'reemmo gara hajajinoehu soyinoe Annaati. 50Isi hajajo hegere heeshsho ikkitinota egennoommo. Kunnira ani Anni'ya kulinoere coyi'reemmo» yii.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© The Bible Society of Ethiopia; Sidama Holy Bible BSE-UBS 262 P 2014