Eyɔɔ Ato aga mbɔʼ aŋwɛʼrɛ zɔnɔ

Ato aga mbɔʼ aŋwɛʼrɛ zɔnɔ

Aŋwɛʼrɛ Eyɔɔ ne tee Yeso ne ebwa Ngwe wɛ e me tye ekyɛ ŋwaʼ ngɛ nɔ. Ega wunɔ “à firi gho gɛ̀rɛ̀ tsɔmɔ nè ntsɔ” (1.14) Aŋu aŋwɛʼrɛ mɔmbwo me ga ngɛ, â ŋwɛʼrɛ aŋwɛʼrɛ zɔnɔ mbɔʼtye abɔ byɛ e ma zɔʼrɔ ngɛ le ebɛrɛ kpe Yeso na M̀pwèerèse yɛ a shi tɔ̧ɔrɔ ngɛ, mwɔ ŋwɔ Ngwe. Angɔ gɛrɛ nɛɛ kpe nyɛ̀rɛ̀ zèʼe ene ebɛrɛtaa ndzɔɔ ene engɔ, mbɔɔ be né le etyê. (20.31)

Aŋu a shi ga abwa mbɔʼ ega Ngwe wɛ e me tye ekyɛ ŋwaʼ mane Yeso ngɛ, antiri mbèmbè tee m̀pèrè abwa zodo zodo yɛ à tee kpe Yeso na M̀pwèerèse, mwɔ ŋwɔ Ngwe ngɛ. Abwa akɛkɛ à kiri ma tòʼrò aŋu abwa zodo zodo mwɔ ngɛ. Antiri zɔnɔ ye toʼro aŋu abɔ adeʼ à le ebɛrɛ ene Yeso mwɔ bɔ bɛɛrɛ abwa ngɔ, abɔ tsɛrɛ tɔn fɛ̀ɛrɛ nè ngɔ ne le ebɛrɛ ene engɔ bo. Ebɔʼ 13-17 ne ga aŋu Yeso à ma nde afwɔbi nè bɔ bɛɛrɛ abwa mɔ ǹklì yɛ â bere engɔ ngɛ. A gɛrɛ ye ga mbɔʼ aŋu engɔ à ma ndèerè ńtara angɔ gɛ̀rɛ̀ ma twàʼrà angɔ ǹklì anji yɛ a ma ko é kɔ̀mmɔ̀ engɔ ngɛ. Ebɔʼ byɛ e me ngùdu ngɛ na ga aŋu â bere Yeso, kwa̧ʼra engɔ, kɔmmɔ engɔ, engɔ zhwɛm ene ewu gɛ̀rɛ̀ tee amɔ ebe bɔ bɛɛrɛ abwa mɔ èndzobo chɛ engɔ à zhwɛm ngɛ.

E ne ge ebwa mbɔʼ aye wɛ â bere engɔ ene endese ngɛ. 8:1-11 Eŋwɛʼrɛ sam deʼ ke le bo, adeʼ me le.

Eyɔɔ à hli ebwa mbɔʼ etyê kengudu wɛ Ngwe me ndɛʼ nyɛ̀rɛ̀ zèʼe achim Yeso Kristo. Etyê wunɔ ne etɔ̧ɔrɔ deʼ yɛ e me klada enjitsɔ gɛrɛ ma ngo mwɔ ebe abɔ byɛ â nu Yeso na aghɛʼnji éŋwaʼa mane etyê ngɛ. Angwa ebwa wɛ Eyɔɔ me le efwɔ aŋwɛʼrɛ mɔ ngɛ na aŋu engɔ à ma glì abwa yɛ a me mwɔ abwe bɔ ngɛ é ga mbɔʼ abwa azhwɛɛrɛ. Engɔ à gli ela na ndim, ǹgoŋ, ekɛʼ, àkɔʼ ǹglɔ̀rɔ̀ mane ǹglɔ̀rɔ̀ mɔ, eke vana mane enta mɔ.

Aŋu e me gɛ̀bbɛ abwa efwɔ aŋwɛʼrɛ zɔnɔ

Ato aga 1:1-18

Eyɔɔ Andɛʼndim mane bɔ bɛɛrɛ abwa mbèmbè Yeso 1:19-51

Afwɛʼ Yeso 2:1–12:50

Enji ngùdu ebara mane efwɔ abɛ Jerusalɛm 13:1–19:42

Aŋu Masakɛ à zhwɛm ene ewu tee amɔ apɛpɛ ngɛ 20:1-31

Yeso gɛrɛ wu tee amɔ apɛpɛ abɛ Galilii 21:1-25

Цяпер абрана:

Eyɔɔ Ato aga mbɔʼ aŋwɛʼrɛ zɔnɔ: nbt

Пазнака

Падзяліцца

Капіяваць

Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце

Больш падрабязна Аб Aŋwɛʼrɛ Ebuumu Fe Nè Ngwe

Eyɔɔ Ato aga mbɔʼ aŋwɛʼrɛ zɔnɔ

Папулярныя біблейскія вершы з
Eyɔɔ Ato aga mbɔʼ aŋwɛʼrɛ zɔnɔ

Біблія:

Ngwo

Пераклад: Aŋwɛʼrɛ Ebuumu Fe Nè Ngwe - nbt