Yohana 12
12
UMaliya akumubaka uYesu amafuta
(Matayo 26:6-13; Maluko 14:3-9; Luka 7:36-50)
1Umusika pe físigiye figono mutanda (6) ukufikila mu kyaka kya Paasaka, uYesu iihelelaga kangi ku Betaniya, mu luvala lwe amudzulubwise uLasalo ukuhuma ku wulungu. 2Avaanu va apo vakumutelekelaga uYesu ikyakuliya kya pa kyamihe. UMalita akuvalimilaga avagendzi, nayu Lasalo aali yumwinga va vagendzi aviikalile mu kuliilasa nu Yesu. 3Neke uMaliya anyamulage isupa iyili na mafuta matalamu aganya lunuusi lunofu, agaawuyiipwe ukuhuma ku kimelo ikiitambulwa naludo. Akumubakaga uYesu mu magulu, nu kupolosa ni fwili dzaakwe. Inyumba yonda yiidudiingʼanaga lunuusi lwa mafuta.
4Neke kangi uYuda Isikalyote, yumwinga va vanyigendwa va Yesu, ye ahadza akumusutula uYesu pambele, atigilage, 5“Kye kiki amafuta matalamu ago gasigudziidzwe idinaali#12:5 Idinaali Aga gaali magoobeli ga Valoma. Idinaali yimwinga yaalingʼiine nu luhombo lwa mulima-malimo mu kigono kimwinga. magana gadatu (300), neke amagoobeli ago vapeelwe avahangala?” 6UYuda asaalongaga ewo wiimila wa kuvasungukila avahangala, nda haamu, pakuva aali muhiidzi. Uyo ye mwene ye aakoleelaga ibogolo ya magoobeli. Aahiidzaga amagoobeli agaasopwaga umo. 7UYesu akumuhigaga uYuda iitigilaga, “Mumuleke, áviikile amafuta matalamu ago ukufikila lino, ukuta agugelanidze umuvili gwangu pa kigono ikya kusiilwa kwangu. 8Avahangala muli navo ifigono fyonda, neke kangi uneene musili naane ifigono fyonda.”
Ulukaani lwa kumukoma uLasalo
9Suwe ililugu likomi lya Vayahudi lyadzeeliye ukutigila umwene ali uko, nalyo liikwadzaga, si wiimila wa Yesu hela, nda haamu, nu kumuwona uLasalo nave, ye ádzulubwiswe nu Yesu ukuhuma ku wulungu. 10Neke kangi avateekedzi avakomi vasakulage ulukaani lwa kumukomela uLasalo nave, 11pakuva aVayahudi voloofu vavalekile avalongodzi vaawo wiimila wa mola ya kudzulubuswa kwa Lasalo, vakumufuuwaga uYesu.
UYesu iikwingila mu Yelusalemu nu luheeyo
(Matayo 21:1-11; Maluko 11:1-11; Luka 19:28-40)
12Ikigono ikyafudiike, ililugu likomi lya vaanu lyadzile ku lukeelanilo lwa kyaka kya Paasaka, lyapuliike ukutigila uYesu ali mu ngʼaasi, iikwadza ku Yelusalemu. 13Neke linyamulage amahandzo ga makindo, lihelelage kumwanukila. Liiyooyaga liitigilaga,
“Hosyana!#12:13 Hosyana Mu ndongele iya Kiebulaniya, kwe kutigila Utupoke.
Áfuunyiliilwe ye iikwadzila mu litaawa lya Mutwa Nguluvi!#Ndzimbililo 118:25-26
Áfuunyiliilwe uMutwa va Vaisilaheli.”
14UYesu akuyiwonaga indzanambunda, iihovaga ngita kye lúsimbiilwe mu Wusimbe uWiimike ukutigila,
15“Nye vaanu va mu wudzenge wa Sayuni,#12:15 Vaanu va mu wudzenge wa Sayuni Ikikelo pa kikelo, muhindza Sayuni. Sayuni litaawa ilingi lya wudzenge wa Yelusalemu. mutane ukoogopa!
Lolage, uMutwa veenyo iikwadza,
íikalile pakyanya pa ndzanambunda!”#12:15 Ndzanambunda Imbunda ku Vayahudi, dzaali dze ndiimwa idza kunyamula avaanu, enewuli ifitegulo. Avatwa vaahovaga ifwalasi pe vaahelelaga ku magoha. Pa kuhova imbunda, uYesu aawoneesiidze ukutigila, umwene ye Mutwa ye iikwadza mu lutengamaso nu lwiyiso.#Sakalya 9:9
16Umusika ugo, avanyigendwa va Yesu vasalufikile ulo. Neke kangi uYesu, pe aaviye íinwiswe ukuhelela kukyanya ku ndolo dzaakwe, umusika ugo viiwiike amadzwi ago agaali gásimbiilwe ulwa mwene, kangi ukutigila vaali vámulimiye ngita kye gaasimbiilwe.
17Lino ililugu lya vaanu ilyali pamwinga nu Yesu, pe amukemeelaga uLasalo ukuhuma mu mombwe nu kumudzulubusa ukuhuma ku wulungu, lyolelelaga imola idzo. 18Lwe lwene avaanu voloofu vaaheliye kumwanukila uYesu, pakuva vaapuliike ukutigila álimile kimanyilo ikyo. 19Neke aVafwalisayo valonganage veene vatigilage, “Lolage, twilemwa ukulima kikivedzaga! Avaanu vonda vakumuniniila umwene.”
UYesu iilonga ulwa fuwa yaakwe
20Lino vaali koovali na Vagiliki mu vaanu avo avaaheliye ku Yelusalemu kwifuunya kwa Nguluvi mu kyaka kya Paasaka. 21AVagiliki avo viihelelaga kwa Filipo ye aahumile ku wudzenge wa Betisayida mu mugoola gwa Galilaya, vakumunyilikaga viitigilaga, “Mutwave, twinyilika tumuwone uYesu.” 22UFilipo iihelelaga kumulongela uAndeleya imola idzo, neke vonda vavili vahelelage kumulongela uYesu.
23UYesu akuvahigaga iitigilaga, “Gúfikile umusika gwa kuvilatulwa indolo dza Muswamuve va Muunu. 24Ndakyene ndikuvalongela ndiitigila, ngana imbeyu yisinaa yisiilwa pa muganga, ngita umuunu ye áfuwe, siyiimela, neke kangi, ngana yisiilwe, yiimela nu kuveleka ifiveleko fyoloofu. 25Umuunu ye akuweenda uwuumi waakwe alawuyadza. Neke kangi umuunu ye akuwusuula uwuumi waakwe mwe naanyi umu, alawupoka nu kwanukila uwuumi uwa mbeepali. 26Umuunu ye avedzaga ye akuunovela iligendwa, lwisakulwa aaniniilage. Kangi pepavedzaga pala pe ndigenda, pe peene pe iivedza nu mulimila-vangi vangu. UDaada ahadza akumuginiya umuunu ye akuuniniila.
27“Lino inumbula yangu yínyengʼemiye hiilo. Ndilonge kiki? ‘Ve Daada, uumoke mu kivalilo kya mumuko iki.’ Ndiilemwa ukulapangila ewo, pakuva ndaadzile ukuta ndigendele umusika ugu. 28Ve Daada, uvilatule indolo dza litaawa lyako.”
Neke isawuti ukuhuma kukyanya yitigilage, “Muswamu-vanguave, ndídzivilatuwe, kangi ndiigina ukudzivilatula.” 29Ililugu lya vaanu avaali apo, vaapuliike isawuti ukuhuma kukyanya, viitigilaga, “Ilibalamusi líbalamwike.” Avangi viitigilaga, “Umunyamwandza va Nguluvi álongile nave.” 30UYesu akuvalongelaga iitigilaga, “Isawuti ye múpuliike, si wiimila wa neene, nda haamu, wiimila weenyo. 31Lino gúfikile umusika gwa kuvahiga avaanu va mwe naanyi umu. Lino umutemi va mwe naanyi umu uSetano, ahadza iidagilwa kwivala. 32Neke kangi uneene, pe ndiivedza ndíinwiswe ukuhuma mwe naanyi,#12:32 Ndiivedza ndíinwiswe ukuhuma mwe naanyi Kwe kutigila, uYesu ahadza iikwinuswa pa kipindulihidzo, kangi iikwinuka kukyanya ukwanukila indolo, Yohana 3:14. ndihadza ndikuvakongola vonda, ukuta vaadze ukwangu.” 33UYesu aalongile ewo, ukuwoneesa imifwile giki gye ahadza iifwila.
34Ililugu lya vaanu ilyo likumuhigaga uYesu liitigilaga, “Twímbile mu Wusimbe uWiimike ukutigila, uMesiya iivedza muumi mbeepali.#Ndzimbililo 89:36; 110:4; Isaya 9:7; Danyeli 7:14 Lino kye kiki wiilonga ukutigila uMuswamuve va Muunu munya kwinuswa? UMuswamuve va Muunu uyo ye ani?” 35UYesu akuvahigaga iitigilaga, “Ulumuli pooluli pamwinga naanye umusika mudebe hela. Mugendage mu lumuli ulo umusika gwe pooluli, ukuta ikiisi kitane ukuvalema, pakuva umuunu ye iigenda mu kiisi asiidzeela kwe iihelela. 36Mulufuuwage ulumuli umusika pe pooluli, ukuta muvedzage vaana va lumuli.” UYesu pe aaviye álongile idzo, iihegaga apo, akwifihaga, ukuta vatane ukumuwona.
AVayahudi avangi viikaana ukumufuuwa uYesu
37Nde luvedze uYesu aali álimile ifimanyilo fyoloofu pa miiho gaawo, napo kangi vasamufuuwaga. 38Lwali ewo, ukuta ilidzwi lye aalongile umuvidzi Isaya likwile ukutigila,
“Mutwave, ye ani ye áfuuviilwe imola yeesu?
Kangi uMutwa ámuwoneesiidze ani ingufu dzaakwe?”#Isaya 53:1
39Wiimila wa ulo, vaalemiilwe ukufuuwa, pakuva uNguluvi aalongile wugendela wa Isaya ukutigila,
40“Ávabofwidze amiiho gaawo nu kuhambusa inumbula dzaawo ukuvedza ngʼiliitafu,
ukuta vatane ukulola na miiho gaawo, vatane ukulufika mu numbula dzaawo,
ukuta vatane ukuumitukila.
Ngana siluli ewo, ndivananiye.”#Isaya 6:10
41UIsaya aalongile idzo, pakuva adziweene indolo dza Yesu nu kulonga imola dzaakwe.
42Napo kangi, avalongodzi voloofu va Vayahudi vamufuuwaga uYesu. Neke kangi wiimila wa Vafwalisayo, vasaalongile pa weelu ukutigila vámufuuviilwe, pakuva voogopaga ukudagwa mu nyolanilo. 43Avalongodzi avo vaakeeliye hiilo ukuginikwa na vaanu, ukulutila ukuginikwa nu Nguluvi.
Amadzwi ga Yesu galavahiga avaanu
44Neke uYesu iinusage isawuti atigilage, “Umuunu ye akuufuuwa, asikuufuuwa uneene hela, nda haamu, akumufuuwa na ye áanumile. 45Kangi uyo ye áambwene uneene, ámuweene na ye áanumile. 46Uneene ndáadzile mwe naanyi ngita lumuli, ukuta nayula ye akuufuuwa, atane ukusigala mu kiisi.
47“Ye akugapulika amadzwi gangu, neke kangi asikugagendela, uneene sindimuhiga, pakuva sindaadzile pe naanyi apa ukuvahiga avaanu, nda haamu, ndáadzile mu kuvapoka. 48Napo kangi, umuunu ye akuungʼaana uneene pamwinga na madzwi gangu, ali nave uva kumuhiga. Amadzwi ge ndílongile, ge geene agalamuhiga pa kigono ikya wusililo. 49Pakuva sindilongile mu wutawulilwe wangu yuune, nda haamu, uDaada ye áanumile, ye mwene ye áandagiidze ulwa kulonga na kye ndiilonga. 50Kangi ndiidzeela ukutigila, ululagi lwakwe lukuvapeela avaanu uwuumi uwa mbeepali. Neke luluvedzaga lwe ndiilonga uneene, ndiilonga lwe áandongiye uDaada ukutigila ndilonge.”
Цяпер абрана:
Yohana 12: BEZ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022 Wycliffe Bible Translators, Inc. All rights reserved.
Yohana 12
12
UMaliya akumubaka uYesu amafuta
(Matayo 26:6-13; Maluko 14:3-9; Luka 7:36-50)
1Umusika pe físigiye figono mutanda (6) ukufikila mu kyaka kya Paasaka, uYesu iihelelaga kangi ku Betaniya, mu luvala lwe amudzulubwise uLasalo ukuhuma ku wulungu. 2Avaanu va apo vakumutelekelaga uYesu ikyakuliya kya pa kyamihe. UMalita akuvalimilaga avagendzi, nayu Lasalo aali yumwinga va vagendzi aviikalile mu kuliilasa nu Yesu. 3Neke uMaliya anyamulage isupa iyili na mafuta matalamu aganya lunuusi lunofu, agaawuyiipwe ukuhuma ku kimelo ikiitambulwa naludo. Akumubakaga uYesu mu magulu, nu kupolosa ni fwili dzaakwe. Inyumba yonda yiidudiingʼanaga lunuusi lwa mafuta.
4Neke kangi uYuda Isikalyote, yumwinga va vanyigendwa va Yesu, ye ahadza akumusutula uYesu pambele, atigilage, 5“Kye kiki amafuta matalamu ago gasigudziidzwe idinaali#12:5 Idinaali Aga gaali magoobeli ga Valoma. Idinaali yimwinga yaalingʼiine nu luhombo lwa mulima-malimo mu kigono kimwinga. magana gadatu (300), neke amagoobeli ago vapeelwe avahangala?” 6UYuda asaalongaga ewo wiimila wa kuvasungukila avahangala, nda haamu, pakuva aali muhiidzi. Uyo ye mwene ye aakoleelaga ibogolo ya magoobeli. Aahiidzaga amagoobeli agaasopwaga umo. 7UYesu akumuhigaga uYuda iitigilaga, “Mumuleke, áviikile amafuta matalamu ago ukufikila lino, ukuta agugelanidze umuvili gwangu pa kigono ikya kusiilwa kwangu. 8Avahangala muli navo ifigono fyonda, neke kangi uneene musili naane ifigono fyonda.”
Ulukaani lwa kumukoma uLasalo
9Suwe ililugu likomi lya Vayahudi lyadzeeliye ukutigila umwene ali uko, nalyo liikwadzaga, si wiimila wa Yesu hela, nda haamu, nu kumuwona uLasalo nave, ye ádzulubwiswe nu Yesu ukuhuma ku wulungu. 10Neke kangi avateekedzi avakomi vasakulage ulukaani lwa kumukomela uLasalo nave, 11pakuva aVayahudi voloofu vavalekile avalongodzi vaawo wiimila wa mola ya kudzulubuswa kwa Lasalo, vakumufuuwaga uYesu.
UYesu iikwingila mu Yelusalemu nu luheeyo
(Matayo 21:1-11; Maluko 11:1-11; Luka 19:28-40)
12Ikigono ikyafudiike, ililugu likomi lya vaanu lyadzile ku lukeelanilo lwa kyaka kya Paasaka, lyapuliike ukutigila uYesu ali mu ngʼaasi, iikwadza ku Yelusalemu. 13Neke linyamulage amahandzo ga makindo, lihelelage kumwanukila. Liiyooyaga liitigilaga,
“Hosyana!#12:13 Hosyana Mu ndongele iya Kiebulaniya, kwe kutigila Utupoke.
Áfuunyiliilwe ye iikwadzila mu litaawa lya Mutwa Nguluvi!#Ndzimbililo 118:25-26
Áfuunyiliilwe uMutwa va Vaisilaheli.”
14UYesu akuyiwonaga indzanambunda, iihovaga ngita kye lúsimbiilwe mu Wusimbe uWiimike ukutigila,
15“Nye vaanu va mu wudzenge wa Sayuni,#12:15 Vaanu va mu wudzenge wa Sayuni Ikikelo pa kikelo, muhindza Sayuni. Sayuni litaawa ilingi lya wudzenge wa Yelusalemu. mutane ukoogopa!
Lolage, uMutwa veenyo iikwadza,
íikalile pakyanya pa ndzanambunda!”#12:15 Ndzanambunda Imbunda ku Vayahudi, dzaali dze ndiimwa idza kunyamula avaanu, enewuli ifitegulo. Avatwa vaahovaga ifwalasi pe vaahelelaga ku magoha. Pa kuhova imbunda, uYesu aawoneesiidze ukutigila, umwene ye Mutwa ye iikwadza mu lutengamaso nu lwiyiso.#Sakalya 9:9
16Umusika ugo, avanyigendwa va Yesu vasalufikile ulo. Neke kangi uYesu, pe aaviye íinwiswe ukuhelela kukyanya ku ndolo dzaakwe, umusika ugo viiwiike amadzwi ago agaali gásimbiilwe ulwa mwene, kangi ukutigila vaali vámulimiye ngita kye gaasimbiilwe.
17Lino ililugu lya vaanu ilyali pamwinga nu Yesu, pe amukemeelaga uLasalo ukuhuma mu mombwe nu kumudzulubusa ukuhuma ku wulungu, lyolelelaga imola idzo. 18Lwe lwene avaanu voloofu vaaheliye kumwanukila uYesu, pakuva vaapuliike ukutigila álimile kimanyilo ikyo. 19Neke aVafwalisayo valonganage veene vatigilage, “Lolage, twilemwa ukulima kikivedzaga! Avaanu vonda vakumuniniila umwene.”
UYesu iilonga ulwa fuwa yaakwe
20Lino vaali koovali na Vagiliki mu vaanu avo avaaheliye ku Yelusalemu kwifuunya kwa Nguluvi mu kyaka kya Paasaka. 21AVagiliki avo viihelelaga kwa Filipo ye aahumile ku wudzenge wa Betisayida mu mugoola gwa Galilaya, vakumunyilikaga viitigilaga, “Mutwave, twinyilika tumuwone uYesu.” 22UFilipo iihelelaga kumulongela uAndeleya imola idzo, neke vonda vavili vahelelage kumulongela uYesu.
23UYesu akuvahigaga iitigilaga, “Gúfikile umusika gwa kuvilatulwa indolo dza Muswamuve va Muunu. 24Ndakyene ndikuvalongela ndiitigila, ngana imbeyu yisinaa yisiilwa pa muganga, ngita umuunu ye áfuwe, siyiimela, neke kangi, ngana yisiilwe, yiimela nu kuveleka ifiveleko fyoloofu. 25Umuunu ye akuweenda uwuumi waakwe alawuyadza. Neke kangi umuunu ye akuwusuula uwuumi waakwe mwe naanyi umu, alawupoka nu kwanukila uwuumi uwa mbeepali. 26Umuunu ye avedzaga ye akuunovela iligendwa, lwisakulwa aaniniilage. Kangi pepavedzaga pala pe ndigenda, pe peene pe iivedza nu mulimila-vangi vangu. UDaada ahadza akumuginiya umuunu ye akuuniniila.
27“Lino inumbula yangu yínyengʼemiye hiilo. Ndilonge kiki? ‘Ve Daada, uumoke mu kivalilo kya mumuko iki.’ Ndiilemwa ukulapangila ewo, pakuva ndaadzile ukuta ndigendele umusika ugu. 28Ve Daada, uvilatule indolo dza litaawa lyako.”
Neke isawuti ukuhuma kukyanya yitigilage, “Muswamu-vanguave, ndídzivilatuwe, kangi ndiigina ukudzivilatula.” 29Ililugu lya vaanu avaali apo, vaapuliike isawuti ukuhuma kukyanya, viitigilaga, “Ilibalamusi líbalamwike.” Avangi viitigilaga, “Umunyamwandza va Nguluvi álongile nave.” 30UYesu akuvalongelaga iitigilaga, “Isawuti ye múpuliike, si wiimila wa neene, nda haamu, wiimila weenyo. 31Lino gúfikile umusika gwa kuvahiga avaanu va mwe naanyi umu. Lino umutemi va mwe naanyi umu uSetano, ahadza iidagilwa kwivala. 32Neke kangi uneene, pe ndiivedza ndíinwiswe ukuhuma mwe naanyi,#12:32 Ndiivedza ndíinwiswe ukuhuma mwe naanyi Kwe kutigila, uYesu ahadza iikwinuswa pa kipindulihidzo, kangi iikwinuka kukyanya ukwanukila indolo, Yohana 3:14. ndihadza ndikuvakongola vonda, ukuta vaadze ukwangu.” 33UYesu aalongile ewo, ukuwoneesa imifwile giki gye ahadza iifwila.
34Ililugu lya vaanu ilyo likumuhigaga uYesu liitigilaga, “Twímbile mu Wusimbe uWiimike ukutigila, uMesiya iivedza muumi mbeepali.#Ndzimbililo 89:36; 110:4; Isaya 9:7; Danyeli 7:14 Lino kye kiki wiilonga ukutigila uMuswamuve va Muunu munya kwinuswa? UMuswamuve va Muunu uyo ye ani?” 35UYesu akuvahigaga iitigilaga, “Ulumuli pooluli pamwinga naanye umusika mudebe hela. Mugendage mu lumuli ulo umusika gwe pooluli, ukuta ikiisi kitane ukuvalema, pakuva umuunu ye iigenda mu kiisi asiidzeela kwe iihelela. 36Mulufuuwage ulumuli umusika pe pooluli, ukuta muvedzage vaana va lumuli.” UYesu pe aaviye álongile idzo, iihegaga apo, akwifihaga, ukuta vatane ukumuwona.
AVayahudi avangi viikaana ukumufuuwa uYesu
37Nde luvedze uYesu aali álimile ifimanyilo fyoloofu pa miiho gaawo, napo kangi vasamufuuwaga. 38Lwali ewo, ukuta ilidzwi lye aalongile umuvidzi Isaya likwile ukutigila,
“Mutwave, ye ani ye áfuuviilwe imola yeesu?
Kangi uMutwa ámuwoneesiidze ani ingufu dzaakwe?”#Isaya 53:1
39Wiimila wa ulo, vaalemiilwe ukufuuwa, pakuva uNguluvi aalongile wugendela wa Isaya ukutigila,
40“Ávabofwidze amiiho gaawo nu kuhambusa inumbula dzaawo ukuvedza ngʼiliitafu,
ukuta vatane ukulola na miiho gaawo, vatane ukulufika mu numbula dzaawo,
ukuta vatane ukuumitukila.
Ngana siluli ewo, ndivananiye.”#Isaya 6:10
41UIsaya aalongile idzo, pakuva adziweene indolo dza Yesu nu kulonga imola dzaakwe.
42Napo kangi, avalongodzi voloofu va Vayahudi vamufuuwaga uYesu. Neke kangi wiimila wa Vafwalisayo, vasaalongile pa weelu ukutigila vámufuuviilwe, pakuva voogopaga ukudagwa mu nyolanilo. 43Avalongodzi avo vaakeeliye hiilo ukuginikwa na vaanu, ukulutila ukuginikwa nu Nguluvi.
Amadzwi ga Yesu galavahiga avaanu
44Neke uYesu iinusage isawuti atigilage, “Umuunu ye akuufuuwa, asikuufuuwa uneene hela, nda haamu, akumufuuwa na ye áanumile. 45Kangi uyo ye áambwene uneene, ámuweene na ye áanumile. 46Uneene ndáadzile mwe naanyi ngita lumuli, ukuta nayula ye akuufuuwa, atane ukusigala mu kiisi.
47“Ye akugapulika amadzwi gangu, neke kangi asikugagendela, uneene sindimuhiga, pakuva sindaadzile pe naanyi apa ukuvahiga avaanu, nda haamu, ndáadzile mu kuvapoka. 48Napo kangi, umuunu ye akuungʼaana uneene pamwinga na madzwi gangu, ali nave uva kumuhiga. Amadzwi ge ndílongile, ge geene agalamuhiga pa kigono ikya wusililo. 49Pakuva sindilongile mu wutawulilwe wangu yuune, nda haamu, uDaada ye áanumile, ye mwene ye áandagiidze ulwa kulonga na kye ndiilonga. 50Kangi ndiidzeela ukutigila, ululagi lwakwe lukuvapeela avaanu uwuumi uwa mbeepali. Neke luluvedzaga lwe ndiilonga uneene, ndiilonga lwe áandongiye uDaada ukutigila ndilonge.”
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2022 Wycliffe Bible Translators, Inc. All rights reserved.