Jean 18
18
Jesus amasikugu
(Matt 26.47-56; Marc 14.43-50; Luc 22.47-53)
1Jesus anomana uvosa mambu meni, jogu na badukitsi bandi bamasabuga o disimu dina diCedron. Va mbura eni vamaba nungi, Jesus na badukitsi bandi bamawendanga guna. 2Judas, omamufunda amajaba mbura eni mu mbari Jesus na badukitsi bandi bamabegunanga guna. 3Kabogu Judas na bagora abamasindugu na bivunda bibvagulitsi bapagu na baJuif abamaba baPharisie bamawenda guna na bitogulu na balambi na bitutu. 4Jesus amajaba motsu amoruga ombu gandi kabogu amakueka nobawivula rie: Anyi duirombi?
5Bamamugabusila rie: Jesus muisi Nazareth.
Jesus amawagula rie: Meʼ janduʼ gu.
Judas omamufunda amaba nogu. 6Ava Jesus amabawagulila rie: Meʼ janduʼ gujogu bamagabuga mansinsima na bamaberuga. 7Jesus amamuebawivula rie: Anyi duirombi?
Bamavosa rie: Jesus muisi Nazareth.
8Jesus amabawagula rie: Tsia nsiledutsingula rie: Meʼ janduʼ gu. Kabogu pa duitombi dundanu abavu nami; bawendingi.
9Amavosa nana yiri diambu adi amavosa diudugusu rie: Va gari aba gumapega Tata, ngaatsiemusa ne umosi. 10Simon Pierre agumaba na dijenga, amadisomuna na amatabula musalitsi uyivunda yibavagulitsi bapagu dituji adimabaala. (Musalitsi eni diina diandi: Malchus.) 11Jesus amatsingula Pierre rie: Gabusa dijenga diagu mu yisupu. Ngonu kopa jimaguga aji Tata amapega?
Jesus va gusu Anne
12Bagora na jogu abamaba nogu bamagaanga Jesus na bamamutunga mikudu. 13Bamalemubega ombu Anne mu mbari amaba boji buCaiphe yivunda yibavagulitsi bapagu yilima yieni. 14Caiphe eni agumavosa ombu baJuif rie: Diviolila ubueji pa mutu mosi ofuila batu botsii.
Pierre ugala egali Jesus
(Matt 26.69-70; Marc 14.66-68; Luc 22.55-57)
15Simon Pierre na mudukitsi ususu bamaduka Jesus. Mudukitsi eni amaba ajabunu na yivunda yibavagulitsi bapagu la dibandu amakotila na Jesus o gari yivaga o ndagu yivunda yibavagulitsi bapagu; 16tumba Pierre amasiala o gusu kana bebeli na munu ndagu. Mudukitsi eni ususu ujabunu na yivunda yibavagulitsi bapagu amapala na amavosa ombu mukelisi umunu ndagu mbana amakotisa Pierre. 17Mbana mugetu agumakelisanga munu ndagu amawivula Pierre rie: Ndeʼ wagu gugaa mudukitsi andi? Jandi amawagula rie: Ngaa muna.
18Basalitsi na bagora bamabangisa muji agu bamagoranga mu diambu diyiotsi. Pierre amatsana nogu vana.
Yivunda yibavagulitsi bapagu uwivula ewivuli Jesus bivu
(Matt 26.59-66; Marc 14.55-64; Luc 22.66-71)
19Yivunda yibavagulitsi bapagu amawivula Jesus bivu mu diambu dibadukitsi bandi na mu diambu dimalongi mandi. 20Jesus amamugabusila rie: Temu na temu nsilonsanga o Mandagu maYibenguna nesi o Ndagu Nsambi aji baJuif botsu bebenguniningi na ngaasueganga diambu. 21Dibandu yi guikwivulili bivu? Wivula jogu abamakulu ava nsilonsilanga. Jogu bagejabi adi nsilonsa?
22La dibandu gora ajimaba vana amadimbila Jesus mbata nomuwivula rie: Anana guiwagulili yivunda yibavagulitsi bapagu?
23Jesus amamutsingula rie: Pa nsivosa dibi, ditubuli tumba pa nyina ndunga dibandu yi guindimbili?
24Anne amamusindiga atungu ombu Caiphe yivunda yibavagulitsi bapagu.
Pierre ugala emuegala Jesus
(Matt 26.71-75; Marc 14.69-72; Luc 22.58-62)
25Yiotsu yina Simon Pierre amagoranga muji. Bamamuwivula rie: Ndeʼ wagu tsia mudukitsi andi?
Tumba amagala rie: Ngaa muna.
26Musalitsi uyivunda yibavagulitsi bapagu la yiburu yimutu agu Pierre amatabula dituji amamuwivula rie: Ngaalegulaba nandi o nungi? 27Pierre amamuemugala. Vana vana koku jimavosa.
Jesus va gusu Pilate
(Matt 27.11-14; Marc 15.1-5; Luc 23.1-5)
28Kedi jineni bamasila Caiphe na bamawenda na Jesus o mulebi. Joʼ beni basamaronda ukota mu mbari bakenamu muinsi na bakekonda uji feta Paque. 29Kabogu Pilate amapala na amabawivula rie: Diambu yi duifiindisili mutu egugu?
30Bamamugabusila rie: Mbe agaa mutu mubi mbe tutsimufunda ombu gagu?
31Pilate amavosa rie: Mubongianu jenu beni, mutabulilianu bunsonsi nana divu diwelimina na migaga mienu. BaJuif bamamugabusila rie: Tugaa na musuga uvega mutu mbela dufu.
32Vana vana mbigulu jiJesus jimadugusu mu diambu dimfuitsi andi. 33Pilate amamuekota o mulebi, amanengila Jesus nomuwivula rie: Ndeju la kaga baJuif?
34Jesus amamuwivula rie: Basusu batsigutsingula mambu mami vo ndeʼ beni guikwivuli?
35Pilate amamuwivula rie: Menu Juif nyivu? Batu bagu na bivunda bibavagulitsi bapagu batsigufunda ombu gami. Yi gumavaga?
36Jesus amagabusilarie: Durumuduami dugaa dubulongu buebubu. Mbe duvu dubulongu mbe basalitsi bami batsitoyila yiri ngowakusu ombu baJuif. Ngensa durumu duami dugaa dubulongu buebubu.
37Pilate amamuwivula rie: Kabogu guji kaga?
Jesus amamugabusila rie: Gumadivosa, nyiji kaga. La dibandu nyimaburulu na nyimaruyila o bulongu buebubu uyisingisila bumbeji bungensa. Uotsu agumavayila ngensa yitu, endedili. 38Pilate amamuwivula rie: Ngensa la yi?
Jesus amavegu mbela dufu
Banomana uvosa nana Pilate amamuepala uvosa na baJuif. Amabatsingula rie: Agaa na diambu. 39Tumba feta Paque tsiotsu nyidupalisilingi mutu mosi. Duirondi yiri nyudupalisila kaga baJuif?
40Mbana botsu bamamuegamuganga rie: Nesi, tsiri jandi. Tuirondi Barabbas. Kabogu Barabbas amaba yikongu.
Цяпер абрана:
Jean 18: PUU1992
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
La sainte Bible en langue Yipunu © Alliance Biblique du Cameroun, 1992.