Jean 21
21
Jesus ulabana elabini na yisambuali yibadukitsi
1Mbana Jesus amamuelabana na badukitsi o yiliba yiTiberiade. Guluanu nana dimabila. 2Simon Pierre na Thomas (ajimanengulungu divasa) na Nathanael (muisi Cana o Galilee) na baana baZebedee na babeji basusu bamaba va mosi. 3Simon Pierre amabatsingula rie: Yika o uvuba nyiwendi.
Bamavosa rie: Tuweʼ nagu. Kabogu bamawenda; botsu bamanangama o bota tumba mukolu eni basamadila banyama. 4Wisi unotebuga Jesus amaba va disimu tumba badukitsi basamamujaba. 5Jesus amabawivula rie: Dusakadila? Bamamugabusila rie: Nyiina. 6Amabalonsa rie: Buaganu mbusa o yiari yimabaala mbana dudila. Kabogu banojibuaga basamamuerungula ujiduta mu mbari jimaba jibasa na banyama. 7Mbana mudukitsi agu Jesus amarondanga amatsingula Pierre rie: Nyitasi aguna Fumu! Simon Pierre amasundila uduara yikutu yiandi na munsiyi andi (amaba penyi) mbana amakebuaga mu mamba. 8Abamasiala bamaduga te no disimu na bamaduta mbusa ajimabasa na banyama. Basamaba vala na disimu, yika kama metera. 9Banosabuga bamarasuna muji na banyama na mapa va julu tasi. 10Jesus amabatsingula rie: Beganu banyama aba dubanodila.
11Simon Pierre amanangama o bota na amaduta mbusa ajimaba jibasa na kama na magumaranu na banyama barieru abaneni; ne nana mbusa jisamapasiga. 12Jesus amabanengila rie: Ruganu o uji. Ne umosi asamamuwivula rie: Ndeʼ la nyi? Mu mbari bamajaba yiri aji Fumu. 13Jesus amabonga mapa na amabavega; amavaga munongu mosi na banyama.
14Yiotsu ayi Jesus amarambuga o dufu adidi la dilabana adimurieru ombu badukitsi bandi.
Jesus na Pierre
15Banomana uji Jesus amawivula Simon Pierre rie: Simon muana Jean ndeʼ guitondi uviolila jogu baba? Amamugabusila rie: Nyiina, Fumu guijabi yiri nyigurondi.
Jesus amamutsingula rie: Bungula baana babindombu biami.
16Mbana amamuemuwivula adimubeji rie: Simon muana Jean, guitondi? Pierre amamugabusila rie: Nyiina, Fumu guijabi yiri nyigurondi.
Jesus amamuruma rie: Bungula bindombu biami.
17Mbana amamuemuwivula adimurieru rie: Simon muana Jean, guitondi? Amamugabusila rie: Fumu, guijabi mambu motsu, guijabi yiri nyigurondi.
Jesus amamuemuruma rie: Bungula bindombu biami. 18Nyigutsinguli rie: Dingensa ava mbe gukivu mufudu ndeʼ beni gutsikeduisanga na gutsiwendanga amu gutsirondanga tumba ava gununina guwala miogu na mutu ususu oguduisa na ogubega agu ndeʼ gugerondi uwenda.
19(Jesus amavosila nana ulonsa munongu mfuitsi aji Pierre ofuila na nana mfuitsi eni jiuroyisila diduma diNsambi.) Mbana amamuruma rie: Nduki!
Jesus na mudukitsi agu amarondanga
20Pierre anogeluga amalaba mudukitsi agu Jesus amarondanga, agumaba bebeli na Jesus ava bamalilanga na agumawivula Fumu rie: Anyi ogufunda? 21Pierre anomulaba amawivula Jesus rie: Fumu agugu wandi tsie olabila?
22Jesus amamuwivula rie: Pa nyirondi yiri agofu te na nyumueruga adina diambu diagu? Tumba ndeʼ nduki!
23Badukitsi banogulu nana bamavosa rie: Jandi agofu, via! Tumba Jesus asamatsingula Pierre rie: Agofu, tumba rie: Pa nyirondi yiri agofu te na nyumueruga adina diambu diagu?
24La mudukitsi eni oyisingisili bumbeji bumambu memama na omamasona. Jetu tuijabi yiri bumbeji buandi buvu bungensa.
Mambu amosita
25Jesus amamuevaga mambu masusu mapuela tumba tugaa na diweru.
Цяпер абрана:
Jean 21: PUU1992
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
La sainte Bible en langue Yipunu © Alliance Biblique du Cameroun, 1992.