मत्ती 22
22
वियावोन खाणान दाखलू
(लुका 14:15-24)
1येसु ओवी तीनु काजे दाखलासी कोयने बाज गोयू, 2“सोरगोन राज इना राजान तोसो छे, जू तेरा पुऱ्यान वियाव कोऱ्यु. 3एने राजा तेरा पावोर काजे मूकल्यु कि नेवताण माणसो काजे वियावमा खाणो खाणे बुलावे; बाकीन चे आवने नी कोऱ्या.” 4ओवते राजा ओवी पावोरोक यो कोयीन मूकल्यु, “जीनुक नेवतो आपलो होतो तीनु माणसोनुक कोयू; देखू, मे खाणो तीयार कोर रोयू, मारा बुले एने पावला जोनावरे माराय गोयला छे, एने आखो काहीन तीयार छे; वियावोन खाणो खावु.” 5बाकीन चे मोनपोर नि लेदा जात रोया काहना तिंदरा खेतोमा, काहना व्यापार काजे. 6दिसरा जातीन माणसे जे वाच रोया होता तिंदरा पावोर काजे धोरीन बेइज्जत कोऱ्या एने मार नाख्या. 7तेत्यार राजा रीसवाय गोयू, एने तेरी सेना काजे मुकलीन तीनु खुनी माणसोन नास कोऱ्यु, एने तिंदरा गाव काजे धोपाळ देदू. 8तेत्यार चू तेरा पावोर काजे कोयू, “वियावोन खाणो तीयार छे बाकीन जीनुक नेवतो आपायलो होतो चे माणसे खाणान लायक नी ठेऱ्या. 9इनान कोरता चौकोमा जावू एने जोतरा माणसे तुमु काजे जोळे, आखा काजे वियावोन खाणो खाणे बुलाव लावू.” 10आखरी चे पावोरे सोळोक पोर जायीन काय भुंडला काय वारला, जोतरा जोळ्या, आखानुक एखठा कोऱ्या; एने वियावोन घोर पाहांतऱ्यामा भोराय गोया.
11“तेत्यार राजा पाहांतऱ्यामा देखणे कोरीन माहाय आव्यु, ती चू चा एक माणसो काजे देख्यू, जू वियावोन छिंदरा नी पेहेरलु होतु.” 12चू तीना काजे पुछु, “हे दोस्त; तू वियावोन छिंदरा पेहेरे बिना या काहा आव रोयू?” तेरो मूय बोंद होय गोयो. 13तेत्यार राजा तेरा सेवक काजे कोयू, “तेरा हात पाय बांधिन तीनाक बारथे आंदारलामा नाख देवू, जा रोडणो एने दात कोकळावनो रोयसे, 14काहाकि बुलावलाते लोकेत छे बाकीन नेवाळला थुलाक छे.”
केसर काजे फावू आपनो
(मरकुस 12:13-17; लुका 20:20-26)
15तेत्यार फरुशी जायीन आपसामा विचार कोऱ्या कि तीना काजे काहना रितीसी वातोमा फोसाळजे. 16ओवतेन चे आपना चेलानुक हेरोदोन हाते येसुनचा यो कोयने मुकल्या कि, “हे गुरु, आमु जानतेला कि तू खोरलु छे, एने परमेश्वरोन वात खोरला रितीसी सीखाळतलु, एने कुदान पोरवा नी कोरतेलू, काहाकि तू माणसोन मूय देखीन वाते नी कोरतेलू.” 17इनान कोरता आमुक देखाळ तु काय विचार कोरतेलू? केसर काजे फावू आपनो वारू होय कि नी. 18येसु तिंदरू गुणू जानीन कोयू, “हे दोगावा, मेसेक काहा पारखने बाज रोया.” 19कोरोन सिक्कू मेसेक देखाळू “तेत्यार चे तीनानचा एक दिनार लाव्या.” 20चू तीनु काजे पुछु, “यु छापू कुनीन छे?” 21चे तीना काजे कोया, “केसरोन छे” तेत्यार चू तीनुक कोयू, “जो केसरोन छे, चो केसर काजे आपु; एने जो परमेश्वरोन छे, चो परमेश्वर काजे आपु.” 22यो सोमवीन चे वाहाराय गोया एने तीनाक छुळीन जात रोया.
पोछो जीव उठनेन एने वियाव
(मरकुस 12:18-27; लुका 20:27-40)
23तिने दाहळे सदुकी जे कोयतेला कि मोरला गोथा जीव उठनेन होय नी, तेरेनचा आव्या एने तीनाक पुछ्या, 24“हे गुरु, मुसा कोयलु होतु कि ओगर माणूस, बिना कामोन मोर जाय ती तेरु भाश तेरी लाडी पुठी वियाव कोरीन आपना भाशोन कोरता पिढी पोयदा कोरे. 25हिमी ओगर न्या सात भाशे रोयता होता, एने पुऱ्या नी होयनेन वोजेसी आपना भाशोन कोरता छुळीन जात रोयी, 26इना रितीसी दिसरू तिसरू बी कोऱ्यु, एने सातवू चा तोक ओसोत होयो. 27आखान ओवतेन ची बायर बी मोर गोयी. 28हिमी जीव उठनेन ओवतेन ची इनू सातो माहीन कुनीन लाडी होयसे? काहाकि ची आखान लाडी बोनली होती.” 29येसु तीनु काजे जोवाब आप्यू, “तुमु पवित्र शास्त्र एने परमेश्वरोन ताकत नी जानतला; इनान वोजेसी भूल मा पोळ रोया.” 30काहाकि जीव उठनेन ओवतेन चे नी वियाव कोरे एने नी वियावमा आपायसे बाकीन सोरगोमा दूतो सारखा होयसे. 31बाकीन मोरलामा जीव उठनेन बारामा काय तुमु यो वचन नि पोळ्या जो परमेश्वर तुमु काजे कोयलु. 32“मी अब्राहामन परमेश्वर, एने इसाहाकोन परमेश्वर, एने याकुबोन परमेश्वर छे? चू मोरलू नि होय, बाकीन जीवतलान परमेश्वर छे.” 33यो सोमवीन माणसे तेरा प्रचार पोर वाहराय गोया.
आखान मोटली आग्या
(मरकुस 12:28-34; लुका 10:25-28)
34जेतार फरुशी सोमव्या कि येसु सदुकीन मूय बोंद कोर देदू, ती चे एखठा होया, 35तिंदरे माहीन एक शास्त्रध्यापक तीनाक पारखनेन कोरता तीनाक पुछु, 36“हे गुरु, शास्त्रान नियममा काहणी आग्या मोटी छे?” 37चू तिना काजे कोयू, “तू परमेश्वर आपना प्रभू पोर आपनो आखो मोन एने आपनु जीव एने आपनो आखो ग्यानसी मोंग कोरजी. 38मोटीत एने आखान मोटली आग्या ते जीत छे. 39एने इनीन तोसी जो दिसरी बी छे कि तू आपना साते वावा पोर आपने सारको मोंग कोरजी, 40योत दुय आग्या आखा शास्त्रोन नियममा एने भविष्य कोरतान आधार छे.”
दाऊदन पुऱ्यु येसु
(मरकुस 12:35-37; लुका 20:41-44)
41जेतार फरुशी एखठा होता, ती येसु तीनु काजे पुछु, 42“मसिहन बारामा तुमु काय विचार कोरतेला? चू कुनीन पुऱ्यु छे?” चे तीनाक कोया, “दाऊदन.” 43चू तीनु काजे पुछु, “ती दाऊद आत्मामा भोरायीन तीनुक प्रभू काहा कोयतेला? 44‘प्रभू, मारा प्रभू काजे कोयु, मारे जेवळे बोस, जेतार तोक कि मे तारा दुष्मोन काजे तारा पायो तोवे नी कोर दोम.’ 45ती, जेतार दाऊद तीनाक प्रभू कोयतेलु, ती चू पुऱ्यु कोसू ठेरायसे?” 46तिनान जोवाबमा कहानीत एक वात नी कोय सोक्या तिने दाहळे गोथा कुदा काजे एने काहीन पूछनेण हिंमत नी होयी.
Цяпер абрана:
मत्ती 22: BFBNT
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.