Ліст да Рымлянаў Раздзел 3
Раздзел 3
1У чым жа перавага юдэяў? Або якая карысць з абразання?
2Вялікая ва ўсіх адносінах. Перш таму, што ім даверана слова Божае.
3 #
2Цім. 2:13; Геб. 4:2 Што з таго, што некаторыя не паверылі? Ці ж іх нявер’е знішчыць вернасць Бога?
4 #
Пс. 51:6; Ян. 3:33; Ціт. 1:2 Ніякім чынам! Бо Бог верны, а кожны чалавек ілжывы, як напісана: «Ты справядлівы ў прысудзе Тваім і пераможаш на судзе Тваім».
5 #
Гал. 3:15
Калі ж наша несправядлівасць падкрэслівае Божую справядлівасць, дык што мы скажам? Ці Бог несправядлівы, калі выяўляе гнеў? – Кажу па-чалавечы.
6Ніякім чынам! Бо як жа тады Бог будзе судзіць свет?
7Бо калі праз маю хлусню праўда Божая тым больш выяўляецца на славу Яго, дык якім чынам я маю быць суджаны як грэшнік?
8І ці не так нас ачарняюць, ці не так гавораць, што мы кажам: «Будзем чыніць зло, каб выйшла дабро». Справядлівая кара такіх чакае.
9Дык што? Ці мы маем перавагу? Аніякай! Ужо раней мы даказалі, што і юдэі, і грэкі – усе пад грахом,
10 #
Пс. 14:1-3; 53:2-4; Гал. 3:22 як напісана: «Нікога няма справядлівага,
11 ніхто не разумее, ніхто не шукае Бога.
12 Усе збочылі, усе разам сталіся нягоднымі. Няма, хто б чыніў дабро, няма аніводнага.
13 #
Пс. 5:10; 140:3 Горла іх – магіла адкрытая, языкамі сваімі падманваюць, у вуснах іх – яд змяіны,
14 #
Пс. 10:7
вусны іх поўныя праклёнаў і горычы,
15 #
Іс. 59:7, 8 ногі іх скорыя да праліцця крыві,
16 знішчэнне ды няшчасце на іх шляхах,
17 яны не спазналі шляху супакою.
18 #
Пс. 36:2
Няма страху Божага перад вачамі іх».
19А мы ведаем, што ўсё, што гаворыць закон, гаворыць да тых, што пры законе, каб замкнуць любыя вусны ды каб увесь свет прызнаў сябе вінаватым перад Богам;
20 #
Пс. 143:2; Дзеі 13:39; Гал. 2:16 бо ўчынкамі закону не апраўдаецца аніякае цела перад Ім; бо праз закон пазнаецца грэх.
21 #
Ян. 5:46; Дзеі 15:11; 1Пёт. 1:10 Але цяпер выявілася справядлівасць Божая незалежна ад закону, аб якой сведчаць закон і прарокі,
22 #
Гал. 3:28; Клс. 3:11 справядлівасць Божая праз веру ў Ісуса Хрыста для ўсіх і на ўсіх, што вераць. Бо няма розніцы,
23 #
Гал. 3:22
таму што ўсе зграшылі і пазбаўлены славы Божай,
24 #
Ян. 1:17; Эф. 1:7; Клс. 1:14; 1Цім. 2:6 апраўданы ж дарма праз ласку Яго, праз адкупленне, якое ў Ісусе Хрысце;
25 #
1Пёт. 1:18; Клс. 1:20 Яго прапанаваў Бог перамольнай ахвярай праз веру ў Кроў Яго для выяўлення справядлівасці Сваёй, бо не стаў зважаць на папярэднія злачынствы,
26у цярплівасці Божай: для выяўлення справядлівасці Яго ў гэты час, каб Ён Сам стаўся справядлівым і апраўдваючым таго, хто веруе ў Ісуса.
27 #
1Кар. 1:29; Эф. 2:8 Дзе ж тады падстава для хвальбы? Адкідаецца! Якім законам? Ці [законам] учынкаў? Не, але законам веры.
28Бо мы мяркуем, што чалавек атрымлівае апраўданне праз веру, незалежна ад учынкаў закону.
29 #
Эф. 3:6
Ці ж Бог толькі юдэяў? Ці не паганаў таксама? Вядома, і паганаў,
30 #
Паўт. Зак. 6:4; Гал. 3:8 адзін бо ёсць Бог, Які апраўдвае і абрэзанага з веры, і неабрэзанага – праз веру.
31 #
Мц. 5:17
Дык ці праз веру касуем закон? Ніякім чынам! Але закон сцвярджаем.
Цяпер абрана:
Ліст да Рымлянаў Раздзел 3: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017