Ліст да Рымлянаў Раздзел 4
Раздзел 4
1 #
Мц. 3:9; Лк. 3:8; Як. 2:21 Дык што, скажам, здабыў наш бацька Абрагам паводле цела?
2Бо калі Абрагам апраўданы з учынкаў, – мае славу, але не перад Богам.
3 #
Род. 15:6; 2Кар. 8:12; Гал. 3:6; Як. 2:23 Бо што кажа Пісанне? «Паверыў Абрагам Богу, і залічана Абрагаму за справядлівасць».
4 #
2Кар. 8:12
Вось жа, таму, хто працаваў, плата налічваецца не з ласкі, але з доўгу або павіннасці.
5 #
Гал. 2:16; Эф. 2:8 Таму, аднак, хто не працаваў, але верыць у Таго, Хто апраўдвае бязбожніка, яго вера залічваецца за справядлівасць.
6Так і Давід называе шчасным чалавека, якому Бог без заслугі залічвае справядлівасць:
7 #
Пс. 32:1, 2 «Шчасныя тыя, якім адпушчаны беззаконні ды якіх грахі закрыты.
8 Шчасны чалавек, якому Госпад не палічыць граху».
9Дык ці гэта шчаснасць датычыцца абрэзання, ці таксама і неабрэзання? Мы кажам: «Залічана Абрагаму вера за справядлівасць».
10Калі была залічана: ці калі быў абрэзаны, ці ў неабрэзанасці? Не пасля абразання, але ў неабрэзанасці;
11 #
Род. 17:10, 11; Лк. 19:9; Рым. 4:16 і ён атрымаў знак абразання, як пячатку справядлівасці праз веру, якую меў яшчэ ў неабрэзанасці, каб стаўся ён бацькам усіх тых, хто верыць у неабрэзанасці, каб і ім была залічана справядлівасць,
12 #
Рым. 4:18
і бацькам не толькі тых абрэзаных, што прынялі абразанне, але і тых, якія ідуць слядамі той веры бацькі нашага Абрагама, якая была ў ім у неабрэзанасці.
13 #
Род. 17:4-6; 22:17, 18 Бо не законам было дадзена Абрагаму і нашчадкам яго абяцанне, што ён стане спадкаемцам свету, але справядлівасцю веры.
14 #
Гал. 3:18
Бо калі спадкаемцы тыя, што з закону, дык вера пустая і абяцанне знішчыцца.
15Бо закон выклікае гнеў, а дзе няма закону, там няма і злачынства.
16 #
Рым. 3:24; Гал. 3:22 Таму – па веры, каб з ласкі, каб абяцанне было надзейным для кожнага нашчадка, не толькі для таго аднаго, хто з закону, але і для таго, хто з веры Абрагама, – ён жа бацька ўсіх нас, –
17 #
Род. 17:5
як напісана: «Устанавіў Я цябе бацькам многіх народаў», – перад Богам, Якому ён паверыў, як Таму, Які ажыўляе мёртвых і называе няіснае існым.
18 #
Род. 15:5
Ён насуперак надзеі паверыў надзеі стацца бацькам многіх народаў, як было сказана: «Такім будзе патомства тваё».
19 #
Род. 17:17; Геб. 11:11 І, непахісны ў веры, ён не звярнуў увагі, што цела яго ўжо амярцвела, бо было яму каля ста гадоў, і нутро Сары таксама амярцвела.
20І ў абяцанні Божым не засумняваўся ў бязвер’і, але ўмацаваўся вераю, аддаўшы славу Богу,
21 #
Лк. 1:37; Геб. 11:19 і быў упэўнены, што Ён мае моц і здзейсніць абяцанае.
22 #
Як. 2:23
Таму гэта залічана было яму за справядлівасць.
23 #
Рым. 15:4; 1Кар. 10:6 А гэта напісана не толькі дзеля яго аднаго, што залічана яму,
24 #
Дзеі 2:24
але і дзеля нас, бо будзе залічана і нам, веруючым у Таго, Хто ўваскрасіў з мёртвых Ісуса, Госпада нашага,
25 #
Іс. 53:4, 5; 1Кар. 15:17; 2Кар. 5:15; Гал. 2:20 Які быў выдадзены за грахі нашы і ўваскрос дзеля апраўдання нашага.
Цяпер абрана:
Ліст да Рымлянаў Раздзел 4: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017