Ліст да Рымлянаў Раздзел 6
Раздзел 6
1Дык што скажам? Ці будзем трываць у граху, каб памнажалася ласка? Ніякім чынам!
2 #
Гал. 2:19; Клс. 2:20; 1Пёт. 2:24 Бо калі мы памерлі для граху, дык як жа жыць у ім будзем?
3 #
Дзеі 2:38
Ці ж вы не ведаеце, што мы ўсе, ахрышчаныя ў Ісуса Хрыста, ахрышчаны ў смерць Яго?
4 #
1Кар. 6:14; 2Кар. 5:17 Таму праз хрост мы разам з Ім пахаваны ў смерць, каб, як Хрыстос быў уваскрашоны з мёртвых славаю Айца, так і мы пачалі жыць абноўленым жыццём.
5 #
2Кар. 4:10; Плп. 3:10 Бо калі мы аб’яднаны з Ім падобнасцю Яго смерці, дык будзем аб’яднаны падобнасцю і ўваскрэсення.
6 #
Гал. 2:20; Клс. 2:11 Ведаем гэта, што для знішчэння грэшнага цела даўнейшы наш чалавек быў разам з Ім укрыжаваны на тое, каб мы больш не служылі граху.
7 #
1Пёт. 4:1; Гал. 2:19 Хто бо памёр, апраўдаўся ад граху.
8 #
1Кар. 15:54; 2Цім. 2:11; Геб. 9:28 Калі ж мы памерлі разам з Хрыстом, дык верым, што разам з Ім і жыць будзем,
9 #
Адкр. 1:18
ведаючы, што Хрыстос, уваскросшы з мёртвых, ужо не памірае, смерць над Ім не мае ўлады.
10 #
Лк. 20:38; Геб. 9:27 Калі Ён памёр, дык памёр толькі раз для граху, а што жыве, то жыве для Бога.
11 #
1Пёт. 2:24; Гал. 2:19; Клс. 2:20 Так і вы лічыце сябе памерлымі для граху, а жывымі для Бога ў Хрысце Ісусе, Госпадзе нашым.
12Дык хай жа грэх не валадарыць у вашым смяротным целе, каб вам слухацца яго ў пажадлівасцях.
13 #
Як. 4:1; 1Пёт. 2:24; 2Кар. 5:14; Клс. 3:5 Не аддавайце граху члены вашы як зброю несправядлівасці, але аддавайце сябе Богу як тыя, што пасля смерці ажылі, ды члены вашы Богу як зброю справядлівасці.
14Няхай грэх не пануе над вамі, бо вы не пад законам, але пад ласкаю.
15Дык што ж? Будзем грашыць, бо мы не пад законам, але пад ласкай? Аніяк!
16 #
Мц. 6:24; Ян. 8:34; 2Пёт. 2:19 Ці ж не ведаеце, што, каму аддаяце сябе паслугачом на паслухмянасць, становіцеся таго вы паслугачамі, каму паслухмяныя: ці граху на смерць, ці паслухмянасці на справядлівасць.
17 #
1Ян. 2:24; 2Цім. 1:13 Дзякуй Богу, што вы, якія былі нявольнікамі граху, ад шчырага сэрца паслухаліся таго ладу навукі, у якую вы аддалі сябе.
18 #
Ян. 8:32; 1Пёт. 2:16 Вызваленыя ж ад граху, вы сталіся паслугачамі справядлівасці.
19Гавару, як прынята ў людзей, дзеля кволасці цела вашага. Як аддавалі вы члены вашы на службу нячыстасці і нягоднасці на беззаконне, так аддавайце цяпер члены вашы на службу справядлівасці на асвячэнне.
20 #
Ян. 8:34
Калі вы былі нявольнікамі граху, тады былі вы свабоднымі ад справядлівасці.
21 #
Гал. 6:8
Які ж вы мелі плод тады з таго, чаго цяпер саромеецеся? Бо канец гэтага – смерць!
22 #
Ян. 8:32
Цяпер жа, вызваленыя ад граху ды ўчыненыя паслугачамі Бога, маеце плод ваш на асвячэнне, а канец – жыццё вечнае!
23 #
1Пёт. 1:4
Бо плата за грэх – смерць, а дар Божы – жыццё вечнае ў Хрысце Ісусе, Госпадзе нашым.
Цяпер абрана:
Ліст да Рымлянаў Раздзел 6: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017